Sól
Borg
Golfferðir
Sérferðir
Hreyfing
Sigling
Flugsæti

Tigotan - Friends & Lovers

4
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Tigotan - Friends & Lovers

  • Fyrir fullorðna
  • Hálft fæði innifalið
  • Loftkæling
  • Miðsvæðis
  • Sundlaug
  • Veitingastaður
  • Wi-Fi

Mjög góður gistivalkostur á Amerísku ströndinni, eingöngu fyrir fullorðna, 18 ára og eldri.

Móttakan er björt og stór og þar er hægt að leigja hjól og bíl. Píanóbar með lifandi tónlist er í móttökunni en þar er boðið upp á ýmsa drykki og léttar veitingar. Á hótelinu er boðið upp á fjölbreytta skemmtidagskrá og er Siam Park vatnsskemmtigarðurinn er í innan við 2 km fjarlægð.

Hér er fallegur garður sem býður góða sólbaðsaðstöðu en í garðinum eru þrjár sundlaugar og hægt er að leigja handklæði í móttökunni. Við aðal sundlaugina í garðinum slær hjarta hótelsins en umhverfis laugina eru sólbekkir sem njóta sólarinnar mestan hluta dagsins og ekki annað hægt en að una sér í þessu vinalega andrúmslofti. Á þakinu er verönd með útsýnislaug og nuddpotti, sólbekkjum, tvíbreiðum sólbekkjum og bar en plötusnúður hótelsins sér um að spila fyrir gestina. Á þakinu er svæði fyrir þá sem aðhyllast að sólbaða sig naktir.

Heilsulindin og líkamsræktaraðstaða er á efstu hæð hótelsins og er því hér fallegt útsýni. Í heilsulindinni er hægt að fara í ýmsar nuddmeðferðir, líkamsvafninga, andlits- og fótameðferðir, tyrkneskt bað, svo fátt eitt sé nefnt.

Veitingastaðurinn Areca býður upp á innlenda og alþjóðlega matargerð en eldað er fyrir opnu eldhúsi og þá eru hér haldin þemakvöld í matargerðinni. Gestir geta einnig farið á Santa Rosa Grill sem býður upp á a la carte kvöldverð.

Á hótelinu eru 416 herbergi en hér eru nokkrar herbergistegundir; Standard, Smart eða Romance. Öll eru herbergin með sjónvarpi, minibar, loftkælingu, öryggishólfi og svölum eða verönd. Á baðherbergjunum er sturta, snyrtivörur og hárþurrka.

Smart herbergin eru þar að auki með sérstakri ljósastýringu þar sem hægt er að breyta lýsingunni, allt eftir stemningu, 47“ flatskjá, USB/HDMI tenging, Nespresso kaffivél, kælir, tveggja manna baðkar, tvöföld sturta, baðsloppar og inniskór á baðherberginu, veglegar snyrtivörur og útsýni yfir sundlaugina.

Romance herbergi eru einnig með sérstakri ljósastýringu,  47“ flatskjá, USB/HDMI tengi,  Nespresso kaffivél, heitum potti, tvöfaldri sturtu, baðsloppum, inniskóm, veglegum snyrtivörum, en aukalega eru garðhúsgögn á svölunum sem snúa út að sundlaug og kælir sem fylltur hefur verið með ýmsu góðgæti í boði hótelsins, einnig bíður gesta ávaxtakarfa eða gjöf við komu á hótelið, ásamt því að afsláttur fæst af nuddum.

Á flestum gististöðum er hægt að tengjast þráðlausu interneti (Wi-Fi) á sameiginlegum svæðum hótelsins og í herbergjum gegn gjaldi. Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.



Um gistinguna
A la carte veitingastaður
Aðeins fyrir fullorðna
Aðstaða fyrir fatlaða
Bar
Barnalaug Nei
Byggingarár 1989
Diskótek/Næturklúbbur
Endurnýjað 2016
Fjarlægð frá miðbæ 100 m
Fjarlægð frá strönd 700 m
Fjöldi herbergja/íbúða 416
Fjöldi hæða 6
Garður
Handklæðaskipti, oft í viku 7
Hárblásari/Hárþurrka
Heilsulind/Spa Já, gegn gjaldi
Loftkæling
Lyfta
Minibar Já, gegn gjaldi
Móttaka Já, allan sólarhringinn
Nudd Já, gegn gjaldi
Sími
Sjónvarp í herb/íbúð
Skipt á rúmum, oft í viku 2
Snarlbar
Strandhandklæði Já, gegn tryggingu
Sundlaug
Sundlaugarbar
Svalir/Verönd
Veitingastaður
WiFi Frítt
Þrif, oft í viku 7
Þvottaaðstaða Já, gegn gjaldi
Öryggishólf Já, gegn gjaldi

Opinber stjörnugjöf
4 stjörnur

Vefsíða
www.dreamplacehotels.com

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Deila núverandi vefslóð með tölvupósti