Sól
Borg
Golfferðir
Sérferðir
Hreyfing
Sigling
Flugsæti

Hotel Bahia Flamingo

3
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel Bahia Flamingo

  • Allt innifalið fæst
  • Hálft fæði innifalið
  • Sundlaug
  • Veitingastaður
  • Wi-Fi

Þetta hótel er staðsett í jaðri litla bæjarins Puerto de Santiago á svæði sem heitir La Arena og er í um 40 mínútna aksturfjarlægð frá Amerísku ströndinni.

Hótelið stendur alveg við sjóinn og því fallegt útsýni, en þar sem þetta er klettaströnd þá eru um 200 metrar að næstu baðströnd, Playa La Arena. Eins og áður sagði er hótelið staðsett í bænum Puerto de Santiago, sem er staður sem Heimsferðir eru ekki með í sölu alla jafna og því vert að nefna að þjónusta fararstjóra á staðnum er ekki í boði en alltaf er hægt að ná í þá í þjónustusíma sem farþegar hafa upplýsingar um í ferðagögnum sínum.

Á Hotel Bahia Flamingo er rólegt andrúmsloft og er hótelið tilvalið fyrir pör eða einstaklinga.

Hótelið sjálft er huggulegt og býður góða þjónustu. Hér er hlaðborðsvetingastaður og kokkarnir leggja mikið upp úr fjölbreytni svo allir ættu að finna eitthvað við sitt hæfi. Meðal þeirrar þjónustu sem hótelið býður er leiga á öryggishólfi, strandhandklæði og þvottaþjónusta.

Í garðinum er sundlaug, barnalaug, sólbekkir og sólhlífar. Hér er einnig sundlaugarbar með fallegri verönd og útsýni yfir sjóinn yfir til La Gomera ef skyggni er gott.

Herbergin eru ekki mjög stór en voru innréttuð síðast árið 2014, með léttu yfirbragði og þau eru öll með svölum eða verönd, sjónvarpi, viftu og á baðherbergi er hárþurrka. Hægt er að fá aðgang að mini-bar og öryggishólfi gegn gjaldi.

Á flestum gististöðum er hægt að tengjast þráðlausu interneti (Wi-Fi) á sameiginlegum svæðum hótelsins og í herbergjum gegn gjaldi. Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.

Þetta er ágætis kostur og hagkvæmur, fyrir þá vilja vera á rólegu svæði, fjarri skarkala Amerísku strandarinnar.

Um gistinguna
Aðstaða fyrir fatlaða
Bar
Barnalaug
Barnaleiksvæði
Barnarúm Já, gegn pöntun
Billiardborð Já, gegn gjaldi
Bílastæði Nei
Borðtennis
Byggingarár 1996
Endurnýjað 2013-14
Fjarlægð frá flugvelli 45 km
Fjarlægð frá miðbæ 1 km Puerto Santiago; 2,5 km Los Gigantes
Fjarlægð frá næsta miðbæjarkjarna 300 m Playa de la Arena
Fjarlægð frá strönd 350 m
Fjöldi herbergja/íbúða 141
Fjöldi hæða 3
Handklæðaskipti, oft í viku 2
Hárblásari/Hárþurrka
Ísskápur
Loftkæling Nei
Lyfta Nei
Minibar Já, gegn gjaldi
Móttaka Já, allan sólarhringinn
Næsti hraðbanki 300 m
Næsti súpermarkaður 20 m
Næsti veitingastaður 15 m
Sími
Sjónvarp í herb/íbúð Já, sjónvarp
Skemmtidagskrá
Skipt á rúmum, oft í viku 1
Snarlbar
Strandhandklæði Nei
Strætóstoppistöð 100 m
Sundlaug
Sundlaugarbar
Veitingastaður
WiFi Frítt í móttöku, gegn gjaldi í herbergi
Þrif, oft í viku 5
Þvottaaðstaða Já, gegn gjaldi
Öryggishólf Já, gegn gjaldi

Opinber stjörnugjöf
3 stjörnur

Vefsíða
https://www.bahiaflamingohotel.com/en/

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti