Mjög gott og fjölskylduvænt hótel sem býður fjölbreytta þjónustu og fallegan garð, staðsett í hjarta Amerísku strandarinnar.

Hér er um að ræða mjög gott hótel í hjarta Amerísku strandarinnar. Umhverfis hótelið er fallegur garður og einungis er um 1 km niður á ströndina.

Garðurinn er mjög fallegur og hér er sundlaug, sólbekkir og hægt er að fá handklæði án aukagjalds í garðinum. Þá er hér vatnsrennibraut og mikið gert varðandi barnastarf á þessu hóteli. Athugið að börn verða að hafa náð ákveðinni hæð til að fara í vatnsrennibrautina. 

Hér er bar og veitingastaður og þá er skemmtidagskrá fyrir börnin alla daga og minidiskó á kvöldin. Hér er einnig hægt að spila tennis, borðtennis og fara í minigolf. Þá geta farþegar hér nýtt sér þvottaþjónustu hótelsins gegn gjaldi.

Herbergin, sem voru öll endurinnréttuð árið 2014, eru öll rúmgóð og búin ýmsum þægindum eins og minibar, loftkælingu, sjónvarpi og á baðherbergjum eru hárþurrkur. Þá eru öll herbergi með svölum eða verönd.

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Gott hótel, vel staðsett sem óhætt er að mæla með.