Sól
Borg
Golfferðir
Sérferðir
Hreyfing
Sigling
Flugsæti

Sikiley

Sikiley kemur á óvart með áhugaverða blöndu af öllu því helsta sem ferðamenn óska sér. Samfelld 3000 ára menningarsaga, einstök náttúrufegurð, ótrúlegar fornminjar, fallegar byggingar og söfn, ásamt áhugaverðri matarmenningu og blómlegu mannlífi – allt þetta og miklu meira finnur þú á Sikiley.

Fararstjórar:  Ólafur Gíslason og Gréta Valdimarsdóttir 

Heimsferðir bjóða beint leiguflug til Sikileyjar 8. október í 10 nætur á yndislegum tíma. Hitastigið er ennþá notalegt og hentar bæði til sólbaða og fyrir þá sem vilja verja tímanum til að skoða þessar stórbrotnu eyju. Flogið er til Palermo og dvalið í nágrenni borgarinnar í 5 nætur, þá er haldið til austurstrandarinnar og dvalið á ferðamannastaðnum Giardino Naxos í 5 nætur. Flogið til Íslands frá Catania flugvelli á austurströndinni.  Áhugaverðar kynnisferðir eru í boði með íslenskum fararstjórum.

Sikiley er stærsta og fjölmennasta eyja Miðjarðarhafsins. Hún liggur á milli suður Ítalíu og norður Afríku. Aðalkennileiti Sikileyjar er eldfjallið Etna sem er á austurströnd eyjunnar. Saga og menning Sikileyjar er einstök og byggir á gömlum menningarlegum grunni og arfleið. Hún hefur að geyma menningarminjar frá Forn-grikkjum. Rómverjum, Býsanska ríkinu, Aröbum, Normönnum, Spánverjum og Frökkum, en allar þessar þjóðir hafa sett mark sitt á sögu eyjarinnar. Fornminjar eru víða og stórkostlegt er að skoða kirkjur og kastalar frá miðöldum, grísk hof og hringleikahús. Þá má sjá mikilfenglegar hallir og herragarða undir renaissance og barokk áhrifum sem voru svo einkennandi fyrir rómverska byggingarlist fyrr á tímum. Jarðvegurinn er frjósamur á Sikiley og sumrin sólrík og þurr. Mest er ræktað af hveiti, sítrusávöxtum, vínviði og möndlum.

Bestu baðstrendurnar á Sikiley eru á austurströndinni og þar er þjónusta við ferðamanninn eins og best verður á kostið. Skemmtilegir bæir og þorp með blöndu af fortíð og nútíð einstök upplifun. Matarmenning er mikil á Sikiley, áhugaverð blanda af ítölskum og arabískum áhrifum. Á Sikiley eru einnig framleidd afar góð vín, en þeirra kunnust eru rauðvínið Nero d´Avola og Marsala desertvín, sem er ein aðal útflutnings vara heimamanna.

Innifalið: Flug, skattar, 1 taska/23 kg á mann, – gisting í 10 nætur m/allt innifalið fyrstu 5 næturnar en síðaðri 5 næturnar m/hálft fæði innifalið og 1/4 vínflaska og 1/2 vatnsflaska á mann með kvöldverð. Akstur til og frá flugvelli og á milli áfangastaða. Íslensk fararstjórn.

Ekki innifalið: Kynnisferðir, bátsferðir, aðgangseyrir að söfnum, og annað sem ekki er tilgeint í ferðalýsingu.

Ferðamannaskattur á Ítalíu sem farþegar greiði beint á hótelin, um 2 evrur á mann á nótt.

Vinsamlega bókið í kynnisferðir fyrir 25. september. Lágmarksþátttaka í hverri ferð eru 20 manns. Þeir sem kjósa að bóka kynnisferðir sínar á Sikiley greiða kynnisferðirnar í EUR og eru ferðirnar 10% dýrari en ef bókaðar eru fyrirfram. Ekki er hægt að lofa því að laust verði í allar kynnisferðir eftir að hópurinn er kominn til Sikileyjar.

Ferðatilhögun

Flogið til Sikileyjar

8. október 2018
Flug með Primera Air til Palermo.  Áætlað brottför er kl 8:00 og áætluð lending á Palermo flugvelli kl 15:10 að staðartíma.  Dvalið á ströndinni Campofelice di Roccella  í 5 nætur um 70 km frá Palermo og 15 km frá næsta bæ sem heitir Cefalu. Aksturinn frá Palermo flugvelli tekur um það bil klukkutíma.

Dagur 1-5

8. – 13. október 2018
Dvalið á  HOTEL ATHENEE  PALACE Fiesta hotel ****
https://www.palladiumhotelgroup.com/en/sicilia-campofelice-di-roccella/fiesta-sicilia-resort/
Gott 4*  hótel á Campofelice di Roccella ströndinni um 15 km frá Cefalu sem er næsti bær við hótelið.
Allt innifalið á þessu hóteli.

13. október – Akstur til Giardini Naxos
Akstur frá Campofelice di Roccella  til Giardini Naxos sem er um 2,5 tíma akstur. Á leiðinni er stoppað skammt frá bænum ENNA á leið okkar til austurstrandarinnar miðja vegu á milli áfangastaða.  Þar er stór og mikill verslunarkjarni sem heitir Sicilia Outlet Village http://www.siciliaoutletvillage.com/en
Þar verður stoppað í um það til 2,5  tíma á leiðinni til Giardini Naxos en áætluð koma þangað er um eftirmiðdaginn.

 

Dagur 6-11

13. – 18. október 2018
Dvalið á Atahotel Naxos Beach ****
Hótelið er staðsett við ströndina á Giardino Naxos og gista farþegar okkar í 5 nætur í 2ja hæða smáhýsum
(á fyrstu eða annari hæð)  http://www.atahotels.it/en/hotel/atahotel-naxos-beach/
Í hótelbyggingunni sem er skammt frá smáhýsunum er veitingastaðurinn og þar er einnig bar og verslanir. Einnig er sundlaug og ýmiskonar afþreying víðsvegar í garðinum.
Innifalið á þessu hóteli er hálft fæði (morgunverður og kvöldverður)  ½ vatnsflaska og ¼ vínflaska á mann.

18. október 
Flug með Primera Air frá Catania flugvelli.  Áætluð brottför er kl 17:30, og áætluð lending kl 20:55 á Keflavíkurflugvelli.

Flogið til Íslands

18. október 2018
Flug með Primera Air frá Catania flugvelli.  Áætluð brottför er kl 17:30, og áætluð lending kl 20:55 á Keflavíkurflugvelli.

Kynnisferðir

Cefalu bærinn 6.400 /mann

9. október - hálfsdagsferð
Cefalu

Cefalu er lítill baðstrandarbær á norðurströnd Sikileyjar um 70 km fyrir austan höfuðborgina Palermo. Bærinn er 15 km austan við gististaði okkar á Campofelice di Rocella ströndinni. Lítill notalegur bær sem kúrir við ströndina í skjóli hárra kletta. Við skoðum okkur um í gamla miðbænum með þröngum hellulögðum strætum, torgum og byggingum í miðaldar-stíl. Í miðbænum eru veitingastaðir, kaffihús og verslanir sem gaman er að kíkja í. Dómkirkja Cefalú er stolt bæjarbúa en hún er afar fögur og áhugaverð bygging byggð árið 1.131 á tímum Normanna á eyjunni. Fagrar mosaik myndir kirkjunnar eru einstaka. Eftir kynnisferð um miðbæinn er frjáls tími fyrir farþega til að skoða sig um á eigin vegum áður en haldið er aftur á hótelið.

Dags: 9. október
Verð: 6.400.- á mann
Innifalið: Akstur og fararstjórn

Palermo & Monreale 13.500 /mann

10. október - dagsferð
Palermo og Monreale

Í Palermo skoðum við stórbrotnar minjar meðal annars Palatínukapelluna frá tíma konungsríkis Normanna á Sikiley á 12. öld. Þar blandast saman arabísk, býsönsk og gotnesk menningaráhrif. Í Monreale heimsækjun við hina stórkostlegu dómkirkju staðarins og klaustur heilags Benedikts.

Dags: 10. október
Verð: 13.500,- á mann
Innifalið: Akstur, fararstjórn, hádegisverður í Palermo, aðgangseyrir í Palatínukapelluna og klaustur heilags Benedikts.

Corleone 14.300 /mann

12. október - dagsferð
Corleone
Corleone er lítill bær með um 12.000 íbúa, staðsettur miðja vegu á milli Palermo og Agrigento. Bærinn stendur á hæð um 500 metra fyrir ofan sjávarmál. Nafn bæjarins er þekktast fyrir að vera notað sem eftirnafn persónu í bók eftir Mario Puzo svo og í kvikmyndum Francis Ford Coppola um Guðföðurinn. Um 1960 hafði höfuðpaur Corleone gengisins höfuð stöðvar sínar í bænum. Þekktastur þessa gengis var mafíósinn Toto Riina. En Corleone er einnig þekktur sem bær hinna hundraða kirkna sem þar eru fjölmargar og margar afar fagurlega skreyttar. Varðturnin Saracena sem byggður var á 11 öld stendur enn og þaðan er frábært útsýni yfir sveitirnar í kring og Corleone ánna. Fyrr á tímum var bærinn umlukin borgarmúr sem tengdu Soprano kastalann og Sottano kastalann. Í dag stendur aðeins hluti af þessum múr eftir og Sottano kastalnum hefur verið breytt í klaustur. Það tekur tæplega 2 tíma að aka frá Campofelice di Rocella ströndinni til Corleone. Dvalið um stund í þessum nafnkunna bæ - skoðum okkur um áður en haldið er á ekta ítalskan veitingastað í grendinni þar verður boðið uppá vínsmökkun svo og gómsætan hádegisverð Komið til baka á hótel um eftirmiðdaginn.

Dags: 12. október
Verð: 14.300.- á manns
Innifalið: Akstur, fararstjórn, vín smökkun og hádegisverður í Corleone.

Etna & Taormina 9.900 /mann

14. október - dagsferð
Etna og Taormina 

Kynnisferð að stærsta og virkasta eldfjalli Evrópu, Etnu sem er 3.323 metra hátt. Við ökum eins nálægt eldfjallinu og hægt er og njótum stórkostlegs útsýnis til allra átta. Þaðan er haldið til Taormina sem er skemmtilegur bær er stendur á 200 metra háu fjalli með einstöku útsýni yfir Ióníska hafið með Etnu í suðri og Messínu í norðri. Í bænum skoðum við Grísk – rómverska leikhúsið og njótum óviðjafnanlega náttúrufegurðar staðarins.

Dags: 14. október
Verð: 9.900.- á mann
Innifalið: Akstur, fararstjórn, hádegisverður í Taormina, aðgangseyrir í Grísk-rómverska leikhúsið.

Lipari & Vulcano 14.900 /mann

16. október - dagsferð 
Sigling til Lipari og Vulcano

Eyjurnar Lipari og Vulcano eru litlar náttúruperlur sem liggja rétt utan við norðurströnd Sikiley. Eldfjallaeyjar með mikilli náttúrufegurð og skemmtilegu mannlífi. Árla morguns er ekið til til hafnarborgarinnar Milazzo á norðurströndinni þaðan er siglt til Lipari og síðan til Vulcano. Hádegisverður á Vulcano. Siglt til baka um eftirmiðdaginn.

Dags: 16. október
Verð: 14.900.- á mann.
Innifalið: Akstur, fararstjórn bátsferðir og hádegisverður á Vulcano.

Syracuse 10.200 /mann

17. október - dagsferð
Förum til Syracuse sem er á suðausturhluta eyjarinnar í um það bil 1,5 klukkutíma akstri frá Giardini Naxos. Gamli bærinn í Syracuse er yndislegur og þar er að finna grískar rústir bókstaflega út um allt sem er helsta ástæða þess að bærinn er á heimsminjaskrá UNESCO. Í Syracuse sjáum við elstu og best varðveittu minjar forngrískrar menningar i álfunni, enda var borgin talin mikilvægast borg grikkja til forna. 

Dags: 17. október
Verð: 10.200.- á mann. 
Innifalið: Akstur, fararstjórn og aðgangseyrir að dómkirkjunni í Syracuse.

Deila núverandi vefslóð með tölvupósti