Sól
Borg
Golfferðir
Sérferðir
Hreyfing
Sigling
Flugsæti

Hotel Mirna

4
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel Mirna

  • Fjölskylduvænt
  • Loftkæling
  • Miðsvæðis
  • Sundlaug
  • Wi-Fi

Þetta hótel tilheyrir Life Class hótelkeðjunni í Portoroz sem sérhæfir sig dálítið í Spa-hótelum (heilsulind).

Hótelið stendur rétt í um fjögurra mínútna fjarlægð frá ströndinni, miðsvæðis, rétt við strandgötuna. Til Piran eru um 3 km og snekkjubátahöfnin er í um 2 km fjarlægð. Aðgengi að Terme & wellness heilsulindinni, einhverri þeirra allra bestu í Portoroz með endalausum slökunarmöguleikum, innilaugum og gufuböðum, er beint út af þessu hóteli.

Hér er lítill garður með litilli sundlaug og sólbekkjum og sólhlífum og veitingastað. Þá geta gestir á þessu hóteli geta notað sundlaugar á Apollo og Riviera hótelunum. Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Öll herbergin eru loftkæld og eru með svölum, sjónvarpi, minibar og öryggishólfi. Sér baðherbergin eru með sturtu eða baðkari, hárþurrku og hársnyrtivörum. Þetta hótel var endurinnréttað árið 2016 og þykir mjög góður valkostur.

Athugið! Heimsferðir eru ekki með starfandi fararstjóra í Portoroz, einungis í rútuferðinni til og frá flugvelli, því er fólk hér meira og minna á eigin vegum. 

Vert er að nefna að í Portoroz eru ekki sandstrendur, heldur hefur verið búin til aðstaða meðfram strandlengjunni sem er meira og minna steypt og oft á tíðum hafa verið byggðar fallegar verandir með sólbekkjum og sólhlífum sem tilheyra þá hinum ýmsu hótelum en gestir geta greitt fyrir aðstöðuna á þessum svæðum. Þá liggur falleg strandgata með búðum, kaffihúsum, börum og veitingastöðum meðfram sjónum, þar sem gaman er að eyða tímanum. Hér er líka upplagt að leigja sér hjól og hjóla að snekkjubátahöfninni eða hinum sögufræga Piran-bæjar. 

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Um gistinguna
Bar
Endurnýjað 2016
Fjarlægð frá strönd 200 m
Garður
Hárblásari/Hárþurrka
Heilsulind/Spa
Líkamsræktaraðstaða
Loftkæling
Lyfta
Minibar Já, gegn gjaldi
Móttaka
Sauna
Sími
Sjónvarp í herb/íbúð
Svalir/Verönd
Veitingastaður
WiFi

Opinber stjörnugjöf
4 stjörnur

Vefsíða
www.lifeclass.net/hotel-mirna

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti