Sól
Borg
Golfferðir
Sérferðir
Hreyfing
Sigling
Flugsæti

Sofitel Thalassa & Spa Agadir

5
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Sofitel Thalassa Sea & Spa

  • Barnalaug
  • Loftkæling
  • Strönd
  • Sundlaug
  • Veitingastaður
  • Wi-Fi

Stórglæsilegt hótel með rólegu og afslappandi andrúmslofti, án efa besti valkosturinn.

Þetta er án efa glæsilegasti gistivalkosturinn í Agadir og sá nýjasti á svæðinu, en hótelið opnaði árið 2012.

Þetta hótel stendur alveg við strönd, við hlið Sofitel Royal hótelsins. Þetta er síðasta hótelið í röð hótela við hina 9 km strandlengju í Agadir og því rólegt umhverfis þetta fallega hótel. Um 4 km eru frá hótelinu og í miðbæ Agadir.

Móttakan er stór og íburðamikil, afar fallega innréttuð og eins og siður er í þessu landi er gestum við komu á hótel boðið til sætis og þeim boðið þjóðlegt te á meðan þeir bíða eftir að fá afhenta lykla að herbergjum sínum. Sofitel Thalassa byggir á vatnsþema og leitast er eftir að gestir upplifi rólega og þægilega stemmningu meðan á dvöl þeirra stendur.

Garðurinn er fallegur, stór en þó með rólegu yfirbragði og opinn út á fallega breiða ströndina. Sólbekkir, dýnur, sólhlífar og handklæði eru hér í boði fyrir gesti og allt gert til þess að gestum líði sem best meðan á dvölinni stendur. Hér eru sundlaugar, tennisvöllur, líkamsræktaraðstaða og þá er hér einhver allra glæsilegasta heilsulind (spa thalassa) í borginni sem býður nærandi meðferðir og böð ─ fáið upplýsingar um verð á þjónustunni við komu á hótel.

Á hótelinu eru 3 glæsilegir veitingastaðir og upplifun að borða á hverjum og einum þeirra. Munið að panta borð hjá starfsfólki í móttöku til að tryggja ykkur sæti.

Á hótelinu eru 125 glæsileg og rúmgóð herbergi, öll búin svölum eða verönd, loftkælingu, sjónvarpi, öryggishólfi, minibar og internetaðgengi (Wi-Fi) og á baðherbergi er hárþurrka ─ útsýni úr herbergjum er æði misjafnt, úr superior herbergjum er sundlaugar- eða sjávarsýn en úr öðrum herbergjum er garðsýn eða svokallað „side-seaview“.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Þetta hótel er einfaldlega besti og glæsilegasti valkostur Heimsferða í Agadir.

Um gistinguna
Bar
Fjarlægð frá miðbæ 4 km
Fjarlægð frá strönd 50 m
Fjöldi herbergja/íbúða 125
Fjöldi hæða 3
Garður
Heilsulind/Spa
Internetaðstaða
Líkamsræktaraðstaða
Loftkæling
Lyfta
Minibar Já, gegn gjaldi
Móttaka Já, allan sólarhringinn
Nuddpottur
Ráðstefnusalir
Sauna
Sjónvarp í herb/íbúð
Sundlaug
Sundlaugarbar
Svalir/Verönd
Tennisvöllur
Veitingastaður
WiFi
Þrif, oft í viku 7
Öryggishólf

Opinber stjörnugjöf
5 stjörnur

Vefsíða
www.sofitel.com/sofitel-agadir-thalassa-sea-spa

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti