Sól
Borg
Golfferðir
Sérferðir
Hreyfing
Sigling
Flugsæti

Sofitel Royal Bay Agadir

5
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Sofitel Royal Bay Hotel

  • Barnalaug
  • Loftkæling
  • Strönd
  • Sundlaug
  • Veitingastaður
  • Wi-Fi

Glæsilegur valkostur við ströndina með fallegum og rólegum garði.

Sofitel Royal er sérlega fallegt hótel í Agadir. Það er staðsett alveg við ströndina og er við endann á þessari fallegu 9 km strandlengju sem liggur meðfram Agadir-bænum. Á hinum enda strandlengjunnar er Marina-snekkjubátahöfnin og hafnarsvæðið og vegalengdin niður í miðbæ Agadir er um 4 kílómetrar.

Hótelið hefur afar fallega umgjörð sem er til þess fallin að þér líði sem best í fríinu þínu. Hér er appelsínugulur litur allsráðandi og þema hótelsins er eldur.

Móttakan er stór og opin og við innritun er gestum vísað til sætis í sófum og er boðið þjóðlegt te á meðan þeir bíða eftir að fá lykla sína afhenta. Þetta er í anda hinnar alkunnu gestrisni þjóðarinnar að taka á móti gestum sínum í ró og næði, enda ekki til betri leið að byrja fríið sitt en á þennan hátt.

Garðurinn er glæsilegur með bæði stórri upphitaðri laug og annarri sem ekki er upphituð. Sólbekki með dýnum ásamt strandhandklæðum má nálgast í garðinum við sundlaugina. Hérna er billiard- og borðtennisborð, hægt að spila blak og tennis á völlum við hótelið. Hér eru alla jafna starfræktir barnaklúbbar ─ annars vegar fyrir börn 4-6 ára og hins vegar 6-12 ára og er leiksvæði bæði innan og utan dyra fyrir börnin.

Á hótelinu eru 4 afar góðir veitingastaðir, þá eru hér barir, glæsilegur næturklúbbur og heilsubar við sundlaugina. Á hótelinu er líkamsræktaraðstaða og glæsileg heilsulind ─ fyrir sitthvað þarf að greiða aukalega og biðjum við farþega okkar að leita sér upplýsinga hjá starfsmönnum hótelsins varðandi það meðan á dvöl stendur.

Á hótelinu eru samtals 273 herbergi og þar af 7 einkavillur og 18 svítur. Herbergin eru mjög rúmgóð, hlýlega og fallega innréttuð og öll búin loftkælingu, sjónvarpi, öryggishólfi, minibar, þráðlausu internetaðgengi (Wi-Fi) og á baðherbergi er hárþurrka. Athugið að standard herbergin eru ekki með svölum en deluxe herbergin eru með svölum.

 

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Um gistinguna
Bar
Barnaleiksvæði
Fjarlægð frá miðbæ 4 km
Fjarlægð frá strönd 50 m
Fjöldi herbergja/íbúða 273
Fjöldi hæða 3
Garður
Heilsulind/Spa
Internetaðstaða
Líkamsræktaraðstaða
Loftkæling
Lyfta
Minibar Já, gegn gjaldi
Móttaka
Ráðstefnusalir
Sjónvarp í herb/íbúð
Sundlaug
Sundlaugarbar
Tennisvöllur
Upphituð sundlaug
Veitingastaður
WiFi
Þrif, oft í viku 7
Öryggishólf

Opinber stjörnugjöf
5 stjörnur

Vefsíða
www.sofitel.com/sofitel-agadir-royal-bay-resort

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti