Sól
Borg
Golfferðir
Sérferðir
Hreyfing
Sigling
Flugsæti

Panorama Hotel

4
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Panorama Hotel

  • Allt innifalið
  • Barnalaug
  • Loftkæling
  • Sundlaug
  • Veitingastaður
  • Wi-Fi

Gott 4* hótel með einstakt útsýni yfir Chania-flóann og Thodorou eyjuna, sem býður fjölbreytta þjónustu og góða aðstöðu.

Móttaka hótelsins er opin allan sólarhringinn. Stórt og fallega innréttað setusvæði með bar er fyrir innan móttökuna ásamt hlaðborðsveitingastað.

Sundlaugargarðurinn er stór og fallegur með stórkostlegu útsýni en þar er stór sundlaug og barnalaug sem aðskilin er með göngubrú. Í garðinum er góð sólbaðsaðstaða með sólbekkjum, sólhlífum og boðið er upp á ókeypis útlán á handklæðum við sundlaugina. Þá er hér sundlaugarbarinn Almyra sen er tilvalinn til að njóta snarls á daginn við sundlaugina og drykkja fyrir kvöldverð.

Aðalveitingastaður hótelsins, Symposium, býður upp á hlaðborðsmat og a la carte matseðil. Þar er hægt að njóta yndislegs útsýni yfir bæinn Chania á meðan snætt er. Einnig er hægt að fá matseðil fyrir þá sem þurfa sérstakt mataræði, en biðja þarf sérstaklega um það. Hlaðborðsveitingar sem henta börnum og snarlbar. 

Skammt frá hótelinu er göngubrú yfir veginn fyrir neðan yfir á litla en notalega strönd og þar er hótelið með strandbar, Nissi Beach Bar. Við vekjum athygli á því að snarl og drykkir þar eru ekki innifaldir í allt innifalið þjónustu.

Líkamsræktaraðstaða er á hótelinu og heilsulind en þar er hægt að fara í fjölbreyttar líkamsmeðferðir, slakandi fyrir líkama og sál. Hér er hárgreiðslu- og snyrtistofa og því hægt að fara í hárgreiðslu og klippingu en á snyrtistofunni er hægt að fara í ýmsar andlits- og snyrtimeðferðir.

Krakkaklúbbur, leikvöllur og leikherbergi er fyrir börnin. Hægt er að stunda ýmislega afþreyingu svo sem borðtennis, billjard og tennis, svo fátt eitt sé nefnt.

Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Herbergin eru í látlausum eldri hótelstíl en öll eru þau með loftkælingu, sjónvarpi, minibar og með svölum eða verönd. Baðherbergi eru með baðkari og hárþurrku. Vert er að geta þess að herbergin eru í aðalbyggingu hótelsins fyrir ofan aðalsundlaugina og aðgangur er að öllum sameiginlegum svæðum. Á hótelinu eru einnig s.k. Panorama herbergi sem eru á svæðinu fyrir neðan aðalsundlaugina en aðgangur er þá að Panorama svæðinu þar í kring en þau herbergi eru ekki bókanleg.  

Góð aðstaða er hér fyrir fatlaða og ókeypis einkabílastæði eru í boði á staðnum. Líflegi bærinn Chania er í 6 km fjarlægð frá Panorama er Chania-flugvöllurinn í innan við 30 mínútna akstursfjarlægð.

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Um gistinguna
Bar
Barnaklúbbur
Barnalaug
Garður
Handklæðaskipti, oft í viku 3
Hárblásari/Hárþurrka
Líkamsræktaraðstaða
Loftkæling
Lyfta
Móttaka
Sauna
Sími
Sjónvarp í herb/íbúð
Skipt á rúmum, oft í viku 3
Snarlbar
Snyrtistofa
Strandhandklæði
Sundlaug
Sundlaugarbar
Svalir/Verönd
Veitingastaður
WiFi
Þrif, oft í viku 7
Öryggishólf

Opinber stjörnugjöf
5 stjörnur

Vefsíða
www.panorama-hotel.gr

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti