Sól
Borg
Golfferðir
Sérferðir
Hreyfing
Sigling
Flugsæti
Helstu kostir
  • Við ströndina
  • Sundlaugarbar
  • Loftkæling
  • Wi-Fi

Indigo Mare Apartments

3
Helstu kostir
  • Við ströndina
  • Sundlaugarbar
  • Loftkæling
  • Wi-Fi
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Indigo Mare Apartments

  • Barnalaug
  • Strönd
  • Sundlaug
  • Veitingastaður
  • Wi-Fi

Notalegt íbúðahótel sem er staðsett við ströndina og er vel til þess fallið að slaka vel á við sjóinn á gullinni sandströnd Platanias svæðisins.

Indigo Mare er staðsett alveg við ströndina og gengið er beint úr sundlaugargarðinum út á ströndina. Á þessu íbúðahóteli er móttakan opin allan sólarhringinn.

Góður en ekki stór sundlaugargarður er á hótelinu en þar er að finna 2 sundlaugar, önnur þeirra er barnalaug. Umhverfis laugarnar er sólbaðsaðstaða með sólbekkjum og sólhlífum. Við sundlaugina er sundlaugarbar en þar er hægt að fá léttar veitingar, heitan mat og úrval drykkja, einnig er hægt að fá barnamatseðil og barnastóla fyrir yngstu gestina.

Á ströndinni er að finna einkasvæði fyrir gesti hótelsins en þar er hægt að leigja sólbekki og sólhlífar, þar er einnig sturta. Hér er yndislegt að sleikja sólina og baða sig í hlýjum sjónum.

Veitingastaðurinn, sem er á fallegri verönd við sundlaugina, býður upp á hlaðborðsveitingar með mjög góðu úrvali af innlendum og alþjóðlegum mat.

Leiksvæði er hér fyrir börnin og ungbarnaherbergi ásamt því að hér er leikherbergi þar sem hægt er að fara í billjard og borðtennis. Þá er einnig hægt að fara í sauna hér.

Unnt er að tengjast þráðlausu interneti (Wi-Fi) á sameiginlegum svæðum hótelsins og í íbúðum.

Hér eru íbúðir og stúdíó í eldri stíl sem allar eru með eldhúskrók og ísskáp, sjónvarpi, loftkælingu og öryggishólfi. Baðherbergið er með baðkar eða sturtu og hárblásara.

Afþreying er af ýmsum toga hér og í grendinni við hótelið má finna vatsskemmtigarða, minigolfvelli og go-kart brautir, svo fátt eitt sé nefnt. Úrval verslana er hér að finna og hægt er að gera góð kaup á ýmsum varningi. Hvort sem við erum að tala um bari, næturklúbba eða rómantík og slökun ættu allir að finna eitthvað við sitt hæfi í fríinu.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Um gistinguna
Barnalaug
Barnaleiksvæði
Fjarlægð frá miðbæ 15 km
Fjarlægð frá næsta miðbæjarkjarna 450 m
Fjarlægð frá strönd 0 m
Fjöldi herbergja/íbúða 88
Fjöldi hæða 2
Fjölskylduvænt
Loftkæling
Móttaka Já, allan sólarhringinn
Næsti súpermarkaður 0 m
Sauna
Strandhandklæði Já, gegn gjaldi
Sundlaug
Sundlaugarbar
Svalir/Verönd
Veitingastaður
WiFi

Opinber stjörnugjöf
3 stjörnur

Vefsíða
www.indigomare.gr/

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Deila núverandi vefslóð með tölvupósti