Sól
Borg
Golfferðir
Sérferðir
Hreyfing
Sigling
Flugsæti

Hotel CHC Galini Sea View

4
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel CHC Galini Sea View

  • Allt innifalið
  • Fyrir fullorðna
  • Loftkæling
  • Sundlaug
  • Veitingastaður
  • Wi-Fi

Gott og vinsælt hótel sem býður afar fjölbreytta þjónustu,  flottan garð og einstakt útsýni yfir tært hafið - aðeins fyrir 16 ára og eldri.

Hótelið er í þorpi sem heitir Agia Marina og er aðeins í um 8 km fjarlægð frá miðbæ Chania. Aðalbygging hótelsins er uppi á hæð með útsýni yfir ströndina og hafið. Hinn hluti hótelsins stendur við ströndina og þeir sem gista þar sækja þjónustu í aðalbygginginguna. Herbergin í byggingunni við ströndina bera heitið „í byggingu við strönd“. Vert er þó að nefna að aðalbyggingin stendur hátt og nokkuð er um tröppur og brekkur, það hentar því ekki þeim sem eiga erfitt með gang.

Hér er hlaðborðsveitingastaður en einnig eru hér a la carte staðir sem þarf að panta sérstaklega á. Annar sérhæfir sig í ítalskri matargerð en hinn kínverskri, hægt er að borða einu sinni á hvorum stað að kostnaðarlausu á meðan á dvöl stendur. Á hótelinu er lítil verslun, nuddstofa og hárgreiðslustofa þar sem þarf að greiða aukalega fyrir þjónustuna. Hægt að spila billiard og tölvuleiki í afþreyingarherbergi.

Við aðalbygginguna er tvískiptur fallegur garður með sundlaugum og við laugarnar eru sólbekkir og sólhlífar en baðhandklæði fylgja herbergjunum. Þá er einkaströnd, Galini Beach, við bygginguna sem er við ströndina en þar fá allir gestir hótelsins frí afnot af bekkjum og sólhlífum. Þar er einnig lítil sundlaug og snarlbar með drykkjum og léttu snarli.

Líkamsræktaraðstaðan er lítil og heilsulind með gufu- og tyrknesku baði (Hammam) í aðalbyggingunni. Þráðlaust internetaðgengi (Wi-Fi).

Heimsferðir bjóða upp á herbergi fyrir 2 fullorðna og fjölskylduherbergi fyrir allt að 4, sem eru 16 ára eða eldri. Herbergin fyrir 2 eru rúmgóð og um 28m2 að stærð, öll búin hlýlegum húsgögnum, öryggishólfi og baðherbergi. Herbergjum fylgir strandhandklæði. Fjölskylduherbergin eru m/1 svefnherbergi, ýmist á 1-2 hæðum, um 49m2 og gert er ráð fyrir að 2 sofi í stofunni á svefnsófum. Öll herbergi eru með svölum eða verönd til allra átta. Heimsferðir ráða ekki staðsetningu sinna farþega. Athugið að stiginn í fjölskylduherbergjunum þar sem eru 2 hæðir er brattur og getur verið varasamur.

Þar er einnig í boði alls konar vatnasport gegn aukagjaldi sem má bóka í móttöku hótelsins. Fríar ferðir eru með vissu millibili til og frá hótelinu niður í miðbæinn og á ströndina fyrir þá sem vilja ekki ganga.

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á gistieiningu en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn. 

Um gistinguna
A la carte veitingastaður
Aðeins fyrir fullorðna
Bar
Byggingarár 2007
Fjarlægð frá miðbæ 9 km Chania
Fjarlægð frá næsta miðbæjarkjarna 1,2 km Agia Marina
Fjarlægð frá strönd 200 m
Fjöldi herbergja/íbúða 179
Fjöldi hæða 4
Handklæðaskipti, oft í viku 3
Hárblásari/Hárþurrka
Heilsulind/Spa Já, gegn gjaldi
Herbergisþjónusta Nei
Innisundlaug
Líkamsræktaraðstaða
Loftkæling
Lyfta
Minibar Frítt
Móttaka Já, allan sólarhringinn
Nudd Já, gegn gjaldi
Næsti súpermarkaður 0 m
Sauna
Sími
Sjónvarp í herb/íbúð
Skipt á rúmum, oft í viku 2
Strandhandklæði Já, gegn gjaldi
Strandklúbbur
Strætóstoppistöð 200 m
Sundlaug
Sundlaugarbar
Veitingastaður
WiFi Frítt
Þrif, oft í viku 7
Þvottaaðstaða Já, gegn gjaldi
Öryggishólf

Opinber stjörnugjöf
5 stjörnur

Vefsíða
www.galinihotels.gr

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti