Sól
Borg
Golfferðir
Sérferðir
Hreyfing
Sigling
Flugsæti
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Parque Cristobal Bungalows

Einkar góður gistivalkostur með fjölbreytta afþreyingu og frábæra staðsetningu á Ensku ströndinni. 

Hér er um að ræða góð smáhýsi sem voru endurnýjuð árið 2006 á frábærum stað á Ensku ströndinni, rétt við Barbacan Sol sem margir Íslendingar þekkja. Að Yumbo Center er aðeins 5─7 mínútna gangur. Veitingastaðir, bar og fjölbreytt þjónusta er í boði á hótelinu. 

Við hótelið er fallegur sundlaugargarður með góðri sólbaðsaðstöðu, sólhlífum og bekkjum en hér eru tvær sundlaugar, barnalaug og nuddpottur.

Á hótelinu er fjölbreytt afþreying í boði ásamt skemmtidagskrá. Hér er einnig barnaleiksvæði, barnaklúbbur fyrir allra minnstu börnin, líkamsræktaraðstaða og spilasalur. 

Gististaðurinn samanstendur af 233 smáhýsum með einu til tveimur svefnherbergjum. Í þeim öllum er afar góð eldhúsaðstaða, meðal annars með örbylgjuofni, ísskáp og kaffivél, en í húsunum er einnig sjónvarp, sími, öryggishólf og verönd með garðhúsgögnum. Á baðherbergi er hárþurrka.

Smáhýsi merkt "premium" hafa að auki við hefðbundin smáhýsi loftkælingu, baðsloppa, inniskó og handklæði til notkunar á sundlaugarsvæði.

Smáhýsi merkt "kids" eru með tveimur herbergjum og að auki loftkælingu, pelahitara, barnastól, flatskjá og Playstation 2 leikjatölvu fyrir börnin. 

Við smáhýsin er aðeins heimilt að hafa þá tvo sólbekki sem eru þar við komu. Ef fleiri en tveir aðilar eru í smáhýsunum þá bendum við á sólbaðsaðstöðuna í garðinum.

Á flestum gististöðum er hægt að tengjast þráðlausu interneti (Wi-Fi) á sameiginlegum svæðum hótelsins og í herbergjum gegn gjaldi. Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.

Góður valkostur með frábæra staðsetningu á Ensku ströndinni.

Opinber stjörnugjöf
3 stjörnur

Vefsíða
www.hdhotels.com//hd-parque-cristobal

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti