Sól
Borg
Golfferðir
Sérferðir
Hreyfing
Sigling
Flugsæti

Barcelo Fuerteventura Thalasso Spa

4
Uppselt
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Barcelo Fuerteventura Thalasso Spa

  • Allt innifalið fæst
  • Barnalaug
  • Fjölskylduvænt
  • Hálft fæði innifalið
  • Loftkæling
  • Strönd
  • Sundlaug
  • Veitingastaður
  • Wi-Fi

Þetta hótel er staðsett á Caleta de Fuste svæðinu en einstök ströndin, Playa Castillo, er svo auðvitað það sem heillar við þetta svæði.

Þessi gististaður er fjölskylduvænn og býður góða þjónustu. Hér er stór og björt móttaka sem er opin allan sólarhringinn. Í móttökunni eru stór setusvæði og þar er einnig bar ásamt setusvæði þar sem kvöldskemmtunin fer fram á stóru sviði.

Hótelgarðurinn liggur að ströndinni og er mjög fallega hannaður með sundlaug og barnalaug, sólbekkjum og sólhlífum og snarlbar sem býður léttar veitingar. Úr garðinum er hægt að ganga beint út á göngugötuna sem liggur meðfram strandlengjunni og þaðan er stuttur spölur á ströndina.

Hér er stór og fallegur hlaðborðsveitingastaður á jarðhæð hótelsins bar og snarlbar. Hér er því hægt að njóta sín í mat og drykk því víða er hægt að setjast niður og njóta dvalarinnar.

Hér er starfræktur barnaklúbburinn með sjóræningjaþema og því líf og fjör hjá yngstu börnunum. Alls konar dagskrá er í boði á þessu hóteli, þar sem hægt er að spila blak, vatnapóló, borðtennis og fara í pílukast. Við bendum á að dagskrá hótelsins er að finna á stórum plasmaskjám víða um hótelið.

Þá eru 2 golfvellir í einungis um 2 km fjarlægð frá þessu hóteli en rétt hjá hótelinu er hjólaleiga, hægt er að nýta sér þvottaþjónustu og þá er hér minjagripaverslun.

Á þessu hóteli er líkamsræktaraðstaða í Thalasso heilsulindinni en aðgangur í ræktina er gestum að kostnaðarlausu. Thalasso heilsulindin býður fjölda snyrti- og nuddmeðferða en aðgangur í heilsulindina er gegn gjaldi. Í heilsulindinni er innilaug og pottar ásamt minni útilaug og notalegri sólbaðsaðstöðu með sólbekkjum og tvíbreiðum bekkjum með himnasæng. Oftast nær miðast aðgangur í heilsulindir við 16 ára aldur.

Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Hér eru Standard herbergi og Superior herbergi en þau eru innréttuð á sama máta. Herbergin eru björt og hlýleg og eru öll búin svölum eða verönd, eru með loftkælingu, aðgengi að wifi, sjónvarpi, síma, öryggishólfi gegn gjaldi og á baðherbergi er hárþurrka. Superior herbergi gefa aðgang að Thalasso heilsulindinni ásamt því að herbergjunum er að finna sloppa, inniskó og aukið úrval baðvara.

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Um gistinguna
Bar
Barnalaug
Byggingarár 2001
Fjarlægð frá miðbæ 0 km
Fjarlægð frá strönd 50 m
Fjöldi herbergja/íbúða 462
Fjöldi hæða 4
Handklæðaskipti, oft í viku 4
Hiti
Ísskápur Nei
Loftkæling
Lyfta
Minibar Já, gegn gjaldi
Sjónvarp í herb/íbúð
Skipt á rúmum, oft í viku 4
Strandhandklæði Já, gegn gjaldi
Sundlaug
Veitingastaður
WiFi Frítt
Þrif, oft í viku 7
Öryggishólf Já, gegn gjaldi

Opinber stjörnugjöf
4 stjörnur

Vefsíða
www.barcelo.com/barcelo-fuerteventura-thalasso-spa

Kort

Deila núverandi vefslóð með tölvupósti