Sól
Borg
Golfferðir
Sérferðir
Hreyfing
Sigling
Flugsæti
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Sol Timor Apartments

  • Barnalaug
  • Fjölskylduvænt
  • Loftkæling
  • Strönd
  • Sundlaug
  • Veitingastaður
  • Wi-Fi

Vinsælt hótel í líflegu umhverfi með frábæra staðsetningu, í göngufæri við snekkjubátahöfnina!

Sol Timor hefur lengi verið einn vinsælasti gististaður Heimsferða, sökum staðsetningar sinnar. Hótelið er í fyrsta lagi alveg við strandgötuna og í öðru lagi í göngufæri við snekkjubátahöfnina, þar sem er úrval veitingastaða, bara og næturklúbba.

Móttakan á Sol Timor hefur verið tekin öll í gegn og er nú opin og björt, þá hefur einnig verið skipt út húsgögnum á bar þar sem kvöldskemmtidagskráin fer fram.

Íbúðirnar sjálfar hafa ekki verið teknar í gegn að öðru leyti en að búið er að mála veggi og húsgögn. Í boði eru ýmist stúdíóíbúðir eða íbúðir með 1 eða 2 svefnherbergjum. Allar íbúðir eru með eldhúskrók, baði, stofu og litlum svölum.

Mikill plús fyrir þennan gististað er hvað hér er fjölbreytt þjónusta í boði, sérstaklega fyrir fjölskyldufólk.

Hér er góður garður með sundlaug og sólbekkjum (greiða þarf fyrir notkun sólbekkja), en einnig eru hér 2 tennisvellir, veitingastaðir, barir, diskótek, borðtennis, spilaherbergi, billiard, þvottaaðstaða, verslun, hárgreiðslustofa, minjagripaverslun og bókasafn svo eitthvað sé nefnt.

Þá er hér frábær aðstaða fyrir börnin; barnalaug, barnaleiksvæði og barna- og unglingaklúbbur. Skemmtanir öll kvöld svo allir finna eitthvað við sitt hæfi.

Gengið er beint úr garðinum og niður á ströndina sem er afar falleg. Einnig liggur göngustígur/strandgatan frá hótelinu beint að snekkjubátahöfninni sem er skammt undan, eða einungis í um 300 metra fjarlægð.

Ræðið við ferðaráðgjafa Heimsferða ef þið viljið íbúð með sjávarsýn, það er hægt að verða við því gegn aukagjaldi.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Mjög góður valkostur fyrir þá sem vilja líf og fjör í fríinu því að hér er mikið í gangi alla daga og öll kvöld. Hótelið er því síður hentugur gististaður fyrir þá sem eru í leit að rólegheitum.

Um gistinguna
Aðstaða fyrir fatlaða Nei
Bar
Barnaklúbbur
Barnalaug
Barnaleiksvæði
Barnarúm Já, gegn pöntun
Borðtennis Já, gegn gjaldi
Byggingarár 1980
Eldhúsaðstaða
Fjarlægð frá miðbæ 2,5 km Torremolinos
Fjarlægð frá næsta miðbæjarkjarna 1 km La Carihuela
Fjarlægð frá strönd 50 m
Fjöldi herbergja/íbúða 347
Fjöldi hæða 11
Garður
Handklæðaskipti, oft í viku 2
Hárblásari/Hárþurrka
Hjól Til leigu
Internetaðstaða
Ísskápur
Ketill fyrir te/kaffi Já, ketill
Loftkæling
Lyfta
Móttaka Já, allan sólarhringinn
Næsta metróstöð 1,2 km train
Næsti súpermarkaður 0 m
Næsti veitingastaður 50 m
Sími
Sjónvarp í herb/íbúð Já, sjónvarp
Skemmtidagskrá
Skipt á rúmum, oft í viku 1
Snarlbar
Snyrtistofa Já, gegn gjaldi
Strætóstoppistöð 70 m
Sundlaug
Sundlaugarbar
Tennisvöllur Já, gegn gjaldi
Veitingastaður
WiFi Frítt á opnum svæðum
Þrif, oft í viku 7
Öryggishólf Já, gegn gjaldi

Opinber stjörnugjöf
3 lyklar

Vefsíða
www.melia.com/sol-timor-apartamentos

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti