Melia Costa del Sol er mjög vel staðsett hótel í miðbæ Torremolinos með fallegu útsýni yfir hafið. Bajondillo ströndin er í um 10 mínútna göngufjarlægð frá hótelinu.

Móttakan sem er stór og björt en hún er opin allan sólarhringinn og í móttökunni er bar.

Sundlaugargarðurinn er fallegur og í kringum sundlaugina eru sólbekkir og sólhlífar. Einnig eru hér tvíbreiðir sólbekkir með himnasæng. Sundlaugarbarinn býður upp á hressandi drykki og léttar veitingar. Boðið er upp á útlán á handklæðum frá maí – október, gegn gjaldi.

Veitingastaðirnir eru 2 á hótelinu en boðið er annars vegar upp á hlaðborðsveitingar en þar er hægt að velja um Miðjarðarhafs rétti í bland við innlenda- og alþjóðlega rétti. Á Proa veitingastaðnum er boðið upp á a la carte matseðil og þar er hægt er að njóta matar og drykkja á veröndinni ásamt því að njóta fallegs útsýnis út á haf. Hótelbarinn Barlovento býður upp á lifandi tónlist en þar er hægt að velja úr fjölmörgum tegundum af kokteilum, ásamt öðrum drykkjum.

Hér er líkamsræktaraðstaða og Thalasso heilsulind en þar er hægt að fara í nudd, tyrkneskt gufubað og sauna. Einnig er þar lítil og notalega innilaug.

Herbergin eru björt og rúmgóð með svölum eða verönd. Herbergi með sjávarsýn bjóða útsýni út á Miðjarðarhafið. Öll herbergi eru með loftkælingu, öryggishólf, LCD sjónvarp, öryggishólf og minibar. Standard herbergin eru staðsett á 1.-4. hæð hótelsins, þau eru rúmgóð með 1 tvíbreiðu rúmi eða 2 einbreiðum rúmum. Delux herbergin eru á efstu hæðum hótelsins og eru rúmgóð með 2 einbreiðum rúmum með "Dreammaker" svefnkerfi Melia hótelkeðjunnar. Á baðherberginu er bað eða sturta, hárblásari og baðvörur.

Ýmis þjónusta er á hótelinu en hér er m.a. hárgreiðslustofa, læknaþjónusta og þvottahús, einnig er hægt að leigja bíl og hjól.

Á flestum gististöðum er hægt að tengjast þráðlausu interneti (Wi-Fi) á sameiginlegum svæðum hótelsins og í herbergjum gegn gjaldi. Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.

Á sumum gisti- og áfangastöðum þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.