Vinsælt íbúðahótel með frábæra staðsetningu, alveg við ströndina í Torremolinos.

Vel staðsett íbúðahótel alveg við Bajondillo-ströndina í Torremolinos. Hótelið er með fallegum garði og þar er að finna sundlaug, veitingastað og lítinn sundlaugarbar. Í garðinum eru sólbekkir sem hægt er að leigja á nokkrar evrur fyrir daginn.

Hér er ekki sérstök barnalaug heldur er grunnur endi í almennu sundlauginni hugsaður fyrir börnin. Þá er hér borðtennisborð og rétt við hótelið er lítið mini-tívolí fyrir börnin. Á háannatíma er létt kvölddagskrá fyrir börn, t.d. mini-diskó eða leikir ýmiss konar.

Á hótelinu eru bæði stúdíóíbúðir og íbúðir með 1 svefnherbergi, allar með baði, eldhúskrók, stofu, sjónvarpi, síma og svölum. Allar íbúðirnar eru með loftkælingu en vert er að taka fram að innréttingar eru í einfaldari kantinum og ekki alveg nýlegar. Það er samt óhætt að segja að íbúðirnar séu notalegar þótt þær séu í eldri kantinum.

Staðsetningin er einstök og þess vegna dvelja viðskiptavinir okkar hér aftur og aftur, ekki vegna íburðar, heldur vegna staðsetningar.

Á flestum gististöðum er hægt að tengjast þráðlausu interneti (Wi-Fi) á sameiginlegum svæðum hótelsins og í herbergjum gegn gjaldi. Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.

Á sumum gisti- og áfangastöðum þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.