Sól
Borg
Golfferðir
Sérferðir
Hreyfing
Sigling
Flugsæti

Hotel Monarque Torreblanca

3
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel Monarque Torreblanca

  • Allt innifalið
  • Barnalaug
  • Fjölskylduvænt
  • Loftkæling
  • Sundlaug
  • Wi-Fi

Þetta er afar gott hótel með góðum garði og góðri sameiginlegri aðstöðu.

Hótelið er staðsett í Fuengirola, þó ekki alveg í miðbænum og þangað eru um 3 km. Hótelið er hins vegar stutt frá ströndu og göngugötunni við ströndina sem iðar af mannlífi alla leið í miðbæinn.

Á hótelinu er fjölbreytt þjónusta í boði en hér er kaffihús, veitingastaður, bar og sundlaugabar. Einnig er hér leiksvæði fyrir börn, "game-room" (leikherbergi fyrir eldri börn), setustofa með sjónvarpi, verslun og hárgreiðslustofa.

Í garðinum eru 2 sundlaugar, önnur í efri hluta hans og hin í neðri hluta hans, á efra svæðinu er einnig buslupollur fyrir yngstu börnin. Skemmtidagskrá er í boði bæði á daginn og kvöldin, alla daga yfir hásumartímann og hefst upp úr byrjun júní mánaðar og lýkur í byrjun september.

Hér eru 200 herbergi sem eru öll búin loftkælingu, minibar, öryggishólfi, síma, sjónvarpi og á baðherbergi er hárþurrka. Þá eru öll herbergi með svölum eða verönd. Vert er að taka fram að herbergin hafa ekki nýlega verið endurinnréttuð og einungis þess vegna metum við það lægra en opinbera stjörnugjöfin. En herbergin eru snyrtileg og þykja rúmgóð, en þegar 2 fullorðnir og 2 börn dvelja saman í herbergjunum ber að hafa í huga að herbergin eru að sömu stærð og tveggja manna herbergi.

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Fólki hefur líkað dvölin hér vel, ekki vegna íburðar, heldur vegna þess að þetta er líflegt fjölskylduhótel með mikla þjónustu, en hentar síður þeim sem eru að leita að fullkomnum rólegheitum.

Um gistinguna
Bar
Barnalaug
Byggingarár 2014
Fjarlægð frá næsta miðbæjarkjarna 300 m
Fjarlægð frá strönd 300 m
Fjöldi herbergja/íbúða 180
Fjöldi hæða 9
Handklæðaskipti, oft í viku 7
Ísskápur Nei
Loftkæling
Lyfta
Minibar Frítt
Móttaka
Skipt á rúmum, oft í viku 2
Sundlaug
Svalir/Verönd
Veitingastaður
WiFi
Þrif, oft í viku 7
Öryggishólf Já, gegn gjaldi

Opinber stjörnugjöf
4 stjörnur

Vefsíða
www.hoteltorreblanca.es

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti