Sól
Borg
Golfferðir
Sérferðir
Hreyfing
Sigling
Flugsæti
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel Best Siroco

  • Barnalaug
  • Loftkæling
  • Strönd
  • Sundlaug
  • Veitingastaður
  • Wi-Fi

Um er að ræða góðan gistivalkost í Benalmadena í um einungis 15 mínútna göngufjarlægð frá snekkjubátahöfninni.

Að ströndinni er um 5 mínútna gangur (um 200 metrar) og á strandgötunni Paseo Maritimo má finna fjölda veitingastaða og bara. Ekki þarf að fara yfir þungar umferðagötur á leiðinni niður að ströndinni, þar sem hægt er að komast þangað í gegnum undirgöng.

Hér er góður sundlaugargarður með 2 sundlaugum og buslulaug fyrir börnin, gott svæði til sólbaða með sólbekkjum og sólhlífum er við sundlaugarnar, en garðurinn er mjög fallegur og vel við haldið.

Á hótelinu er hlaðborðsveitingastaður, barir og frítt aðgengi að þráðlausu interneti (Wi-Fi) á hótelinu öllu.

Þá er hér líkamsræktarsalur (ekki alveg nýlegur) en þó nóg til þess að halda sér í formi meðan á fríinu stendur.

Herbergin eru látlaus, öll búin síma, sjónvarpi, baðherbergi og svölum. Öryggishólf er hægt að leigja og vert að taka fram að loftkæling í herbergjum er í boði frá 15. júní til 15. september.

Hér er hægt að bóka superior herbergi en í þeim (umfram standard herbergin) er kæliskápur, hárþurrka á baðherbergi og sjávarsýn. Herbergin fyrir tvo fullorðna og tvö börn, eru í raun tveggja manna herbergi með tveimur queen size rúmum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Þetta er einfaldur kostur hvað varðar herbergin, en um er að ræða mjög góða staðsetningu og mjög góðan sundlaugargarð.

Um gistinguna
Bar
Barnalaug
Fjarlægð frá strönd 200 m
Loftkæling Í takmarkaðan tíma
Lyfta
Móttaka
Sími
Sjónvarp í herb/íbúð
Skemmtidagskrá
Strætóstoppistöð 200 m
Sundlaug
Svalir/Verönd
Veitingastaður
WiFi
Öryggishólf Já, gegn gjaldi

Opinber stjörnugjöf
4 stjörnur

Vefsíða
www.besthotels.es/hotel-siroco

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti