Sól
Borg
Golfferðir
Sérferðir
Hreyfing
Sigling
Flugsæti

Don Jorge Apartaments

2
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Don Jorge Apartaments

  • Allt innifalið fæst
  • Barnalaug
  • Fjölskylduvænt
  • Loftkæling
  • Sundlaug

Don Jorge íbúðahótelið er einfaldur og hagkvæmur gistivalkostur en innritun á gistinguna fer fram á Palm Beach hótelinu. Don Jorge er staðsett fyrir ofan Palm Beach hótelið og mega gestir nýta aðstöðuna þar. Athugið að gistingin er nokkuð ofarlega á Benidorm og því nokkuð erfitt á fótinn ef gengið er heim af ströndinni.

Á hótelinu eru 166 íbúðir í háhýsi sem telur yfir 30 hæðir. Þetta er ekta íbúðahótel fyrir þá sem kjósa ekki ys og þys ferðamanna, en vilja heldur vera út af fyrir sig og krefjast ekki íburðar í fríinu sínu.

Við hótelið er lítill hótelgarður, með lítilli sundlaug og sólbekkjum. Hér er ekki mjög fjölbreytt þjónusta en á þessum gististað sér hver og einn um sig sjálfur. Vert er að nefna að hótelið stendur hátt og hentar því ekki þeim sem eiga erfitt með gang.

Þegar dvalið er hér með fæði innifalið á meðan dvöl stendur þá þarf að sækja alla þá þjónustu til Hotel Palm Beach, en þar er veitingastaðurinn og barirnir. Þá mega gestir Don Jorge nýta sér aðstöðuna á Palm Beach hótelinu sem staðsett er í brekkunni fyrir neðan Don Jorge í 3 mínútna göngufjarlægð. Á Palm Beach hótelinu er stór sundlaugargarður, skemmtidagskrá, barnaleiksvæði, líkamsræktaraðstaða, veitingastaðir, bar og fleira. Palm Beach er í eigu sömu eigenda og Don Jorge. 

Íbúðirnar eru vel búnar og allar m/1 svefnherbergi og aðstöðu fyrir aðra 2 í stofunni. Allar íbúðir eru með með litlu eldhúsi, örybylgjofni, ísskáp og eldavél, þvottavél, sjónvarpi, loftkælingu og öryggishólfi (gegn aukagjaldi og leigist á Palm Beach hótelinu). Þá er baðherbergi með baðkari.

Samkvæmt alþjóðareglum þarf að losa íbúðir á hádegi eða jafnvel fyrir hádegi á brottfarardegi, þó flug sé seint að kveldi.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.
Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Þetta er sniðugur kostur fyrir þá sem kjósa íbúðahótel, rólegheitagarð en hafa þann kost að vera í stærri garði með meiri aðstöðu á Palm Beach hótelinu.

Um gistinguna
Barnaleiksvæði
Byggingarár 2008
Eldhúsaðstaða
Fjarlægð frá miðbæ 2,5 km
Fjarlægð frá strönd 1 km
Fjöldi herbergja/íbúða 166
Fjöldi hæða 38
Handklæðaskipti, oft í viku 7
Internetaðstaða Nei
Ísskápur
Loftkæling
Lyfta
Sjónvarp í herb/íbúð
Skipt á rúmum, oft í viku 2
Strandhandklæði Nei
Sundlaug
WiFi Nei
Þrif, oft í viku 7

Opinber stjörnugjöf
2 lyklar

Vefsíða
www.apartamentosturisticosdonjorge.com

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti