Sól
Borg
Golf
Sérferðir
Hreyfing
Sigling
Flugsæti
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Hotel Best Sabinal

  • Allt innifalið fæst
  • Barnalaug
  • Hálft fæði innifalið
  • Loftkæling
  • Sundlaug
  • Vatnsrennibraut
  • Veitingastaður
  • Wi-Fi

Þetta hótel er staðsett alveg við ströndina, skammt frá Zoraida hótelinu sem svo margir þekkja.

Hótelið er í 7 hæða byggingu og býður upp á fjölbreytta þjónustu. Á hótelinu má finna hlaðborðsveitingastað, kaffiteríu, bar og snarlbar.

Sundlaugargarðurinn er staðsettur á milli hótelsins og strandarinnar en hægt er að ganga úr honum beint út á ströndina. Garðurinn er með sundlaug og góðri sólbaðsaðstöðu með sólbekkjum, sólhlífum og sundlaugarbar. Hér er einnig barnalaug með sturtusvepp og litlum vatnsrennibrautum með sjóræningjaþema.

Þá er hér einnig að finna á vellíðunarsvæði gegn gjaldi notalega tvíbreiða sólbekki með himnasæng, svokallaða "bali-beds". Hægt er að fá strandhandklæði/sundlaugarhandklæði gegn gjaldi sem endurgreitt er við brottför.

Hér er skemmtidagskrá fyrir allan aldur ásamt því að unnt er að fara í borðtennis og spila billjarð gegn gjaldi. Fyrir börnin er hér leikherbergi, leiksvæði, mini-diskó og starfræktur barnaklúbbur frá 23. júní til 15. september.

Þá er á hótelinu líkamsræktaraðstaða en aðgangur er innifalinn á meðan dvöl stendur.  Hér er heilsulind (spa) með sauna, gufubaði, tyrknesku gufubaði og nuddpottum en aðgangur er gegn gjaldi. Vert er að geta þess að aðgangur í heilsulindina er aðeins fyrir 16 ára og eldri en börn á aldrinum 12-16 geta fengið aðgang í fylgd fullorðinna.

Unnt er að tengjast fríu þráðlausu interneti (Wi-Fi) á sameiginlegum svæðum hótelsins og í herbergjum.

Herbergin eru hlýleg og snyrtileg með svölum eða verönd en mörg þeirra hafa verið endurnýjuð í gegnum árin. Herbergin eru öll með sjónvarpi, síma, loftkælingu ásamt ísskáp og öryggishólfi (gegn gjaldi). Á baðherbergi er ýmist baðkar eða sturta og hárþurrka. 

Þjónusta þar sem allt er innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir), og gjarnan létt snarl á milli mála. Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Mjög góður kostur fyrir þá sem vilja láta fara vel um sig.

Um gistinguna
Bar
Barnalaug
Byggingarár 1974
Endurnýjað 2016
Fjarlægð frá miðbæ 20 km, Almeria
Fjarlægð frá næsta miðbæjarkjarna 100 m
Fjarlægð frá strönd 50 m
Fjöldi herbergja/íbúða 515
Fjöldi hæða 7/6
Handklæðaskipti, oft í viku 7
Ísskápur Gegn aukagjaldi
Loftkæling
Lyfta
Minibar Nei
Sjónvarp í herb/íbúð
Skipt á rúmum, oft í viku 1
Strandhandklæði Já, gegn aukagjaldi
Sundlaug
Veitingastaður
WiFi
Þrif, oft í viku 7
Öryggishólf Já, gegn gjaldi

Opinber stjörnugjöf
4 stjörnur

Vefsíða
www.besthotels.es/best-sabinal



Kort

Deila núverandi vefslóð með tölvupósti