Sól
Borg
Golf
Hreyfing
Sigling
Flugsæti

Costa de Almería

Costa de Almería er fjölskylduparadís með fallegri strönd og frábærri menningu - hin leynda perla Spánar!

Costa de Almería er fjölskylduvænn áfangastaður með úrvalsgististöðum í strandbænum Roquetas de Mar. Falleg ströndin teygir anga sína eina 11 km og meðfram henni er upplagt að taka góðan göngutúr, skokka eða leigja reiðhjól enda allt á jafnsléttu. Við strandgötuna standa hótelin, og þeir veitingastaðir eða barir sem að henni snúa tilheyra yfirleitt hótelum en eru opnir almenningi. Því er upplagt að setjast niður á göngunni og fá sér einn kaldan eða tvo ásamt tapas eða hverju sem er, til að gleðja bragðlaukana.

Rólegt yfirbragð einkennir Roquetas de Mar en þó er af mörgu að taka og engum ætti að leiðast. Á svæðinu er vatnsrennibrautargarður, stórt sædýrasafn, 18 holu golfvöllur, go-kart svæði og stór verslunarmiðstöð sem telur einar 125 verslanir, þar með talið hina sívinsælu H&M verslun. Sem sagt eitthvað við allra hæfi!

Almería er hafnarborg á suðausturhluta Spánar, sem í dag telur eina 200.000 íbúa. Borgin tilheyrir hinu rómaða Andalúsíuhéraði, eins og til dæmis borgin Malaga og Costa del Sol strandlengjan. Borgin á sér langa sögu eða allt aftur til ársins 955 þegar Abd-ar-Rahman hinn III. ákvað að staðurinn skyldi verða eitt aðalhafnarsvæðið, til að styrkja stöðu hans og ríkisins við Miðjarðarhafið enn frekar.

Í borginni er að finna allt það sem ferðamaður getur óskað sér. Hér er strönd, mikið mannlíf og urmull af tapasstöðum, börum og öðrum veitingastöðum. Í borginni er eiginleg „rambla“ eins og í svo mörgum borgum Spánar. Út frá römblunni liggja svo litlar þröngar götur að aðalverslunargötunni, sem er samhliða römblunni. Á þeirri götu er að finna allar helstu verslanir eins og H&M, Zara, Mango og fleiri.

Einnig er stór verslunarmiðstöð sem heitir Gran Plaza Park staðsett á leiðinni frá Almeríuborg til Roquetas og má finna þar helstu vörumerki sem við Íslendingar þekkjum eins og t.d. stóra H&M, Pull & Bear, Zara, Toys´R Us, Massimo Dutti, Bershka, Primark og fleiri verslanir.

Í suðurátt, út frá borginni meðfram strandlengjunni, eru svo nokkrir strandbæir. Hver og einn er með sinn sjarma. Næstir borginni eru bæirnir Agua Dulce sem er í um 20 mínútna akstursfjarlægð og Roquetas de Mar sem er í um hálftíma fjarlægð.

Það sem einkennir þennan einstaka strand- og sólarstað er að í gegnum áratugina hafa um 85% ferðamanna á svæðinu verið Spánverjar sjálfir. En síðustu 4─5 árin hefur orðiðsú þróun að nú sækja hingað í auknum mæli ferðamenn frá öðrum löndum í Evrópu. Enn getur maður því notið ekta spænskrar menningar og svæðið, sér í lagi ströndin, er ekki yfirfullt af ferðamönnum þar sem enginn getur þverfótað hver fyrir öðrum.

Heimsferðir bjóða gistingu á Roquetas de Mar svæðinu en gistivalkostirnir eru annað hvort við strandgötuna eða einni götu ofar sem þýðir að aldrei er lengra en um 200 metrar á ströndina. Ströndin er hrein og falleg, milligrófur sandur og hafið endalaust framundan við sjóndeildarhringinn. Strandgatan sjálf, öll hellulögð og snyrtileg, teygir sig eina 11 kílómetra meðfram ströndinni. Hér er upplagt að taka góðan göngutúr, skokk eða leigja sér hjól, enda allt á jafnsléttu.

Við strandgötuna, þar sem hótelin standa, eru þeir veitingastaðir eða barir sem að henni snúa, sem tilheyra yfirleitt hótelunum, en þeir eru opnir almenningi og því upplagt að setjast niður á göngunni og fá sér einn kaldan eða tvo ásamt tapas eða hverju sem er, til að gleðja bragðlaukana. Oft á tíðum hafa hótelin svo sérsamning við þá sem leigja út sólbekki á ströndinni. Fáið upplýsingar um það á hótelinu sem dvalið er á.

Frá Roquetas de Mar til Almeríuborgar ganga strætisvagnar og leigubílar. Með leigubíl frá Roquetas de Mar til Almeríuborgar kostar um €25 hvora leið og því getur borgað sig að taka bíl með öðrum þar sem það er mun þægilegri ferðamáti en með strætó.

Gjaldmiðill: Evra
Tungumál: Spænska
Tímamismunur: +2 klst. á sumrin, +1klst á veturna
Akstursfjarlægð frá flugvelli: Um 30 mínútur.

Kort

Kynnisferðir

Alhambra & Granada

Ferð m/íslenskri fararstjórn
Heilsdagsferð

Kynnisferð til Granada þar sem farþegar eru sóttir kl. 07:00 að morgni og komið heim um kl. 19:00 að kvöldi.

Megin tilgangur ferðarinnar er að fara og skoða ALHAMRA HÖLLINA, frægustu márahöllina á Spáni og einn mest sótta ferðamannastað í heiminum en talið er að um 8.000 manns fari þar um daglega.

Alhambra dregur nafn sitt af rauðleitum veggjum hallarinnar á arabísku: „Al Qua‘lat al Hambra“, sem þýðir rauða virkið. Elsti hluti hallarinnar Alcazaba er frá því á 9. öld. Það er stórkostleg upplifun að ganga þarna um hallarsvæðið og garðana í Generalife sem erfitt er að lýsa nema að upplifa það sjálfur.

Einnig er stoppað um 2 klst. í miðborg Granada sem er með þeim fallegri á Spáni. Hægt er að skoða þar dómkirkjuna sem er með fallega gyllta altaristöflu, en áður en kirkjan var byggð var hún þar fyrir. Mikið er af skemmtilegum torgum miðsvæðis í bænum og allt fullt af tapasstöðum og kaffihúsum. Einnig er þar verslunargata með mikið af góðum verslunum.

Það sem Granada hefur fram yfir aðrar borgir á Spáni er sú hefð að á flestum ekta tapasstöðum fylgir ein „montadita“, (lítil samloka, eða brauðsneið með mismunandi áleggi) eða tapasréttur með hverjum drykk.

Það tekur 2–2,5 klukkustund að ganga í gegnum höllina og garðana í kring. Góður skófatnaður er því æskilegur.

Finndu ferðina þína

SÍA LEITARNIÐURSTÖÐUR

Leitarniðurstöðusýn

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Aðstaða

Stjörnumat

Farþegar

Dagatal

Sjá leitarniðurstöður sem
Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 7
  • 14
  • 21