Sól
Borg
Golfferðir
Sérferðir
Hreyfing
Sigling
Flugsæti

Sercotel Hotel Spa Portamaris

4
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar
  • Hjólastólavænt
  • Loftkæling
  • Miðsvæðis
  • Strönd
  • Veitingastaður
  • Wi-Fi

Einstaklega vel staðsett hótel við bátahöfnina og ströndina í Alicante borg, hótel sem gerir þér kleift að njóta þess besta af bæði sólarferð og borgarferð.

Sercotel Spa Porta Maris hótelið er staðsett á tanganum við hlið Melia Alicante hótelsins sem svo margir þekkja. Hótelið er steinsnar frá miðbænum en aðeins er um 15 mínútna gangur í gamla bæinn. Frá hótelinu er útsýni yfir á ströndina í Alicante, sem er í aðeins nokkura mínútna göngufjarlægð. Þá er hótelið skammt frá spilavítinu Casion Mediterráneo. Í nágrenni hótelsins er að finna úrval af veitingastöðum, börum og næturklúbbum.

Móttakan er opin allan sólarhringinn og þá er hér veitingastaðurinn Marabierta sem býður upp á útsýni yfir sjóinn og bryggju Alicante. Morgunverðarhlaðborð er borið fram í Alborada salnum en þaðan er fallegt útsýni yfir Alicante flóann.

Á hótelinu er sólbaðsaðstaða sem er undir glerþaki með innisundlaug og sólbekkjum en gestir hótelsins geta notið aðstöðunnar einu sinni á dag án endurgjalds yfir sumartímann. Oftar en það á dag og yfir vetrartímann, október-mars, er aðgangur gegn gjaldi. Fyrir þá sem vilja njóta sólarinnar meira er örstutt að ganga á ströndina.

Hótelið býður einnig upp á líkamsræktaraðstöðu og heilsulind gegn aukagjaldi. Heilsulindin býður upp á upphitaða sundlaug og nuddpott. Hér er einnig hægt að bóka nuddmeðferðir ásamt líkams- og andlitsmeðferðum til að gera vel við sig.

Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Herbergin eru fallega búin og öll með loftkælingu, kaffi/tekatli, flatskjá, síma, svölum eða verönd.  Á herbergjunum eru einnig öryggishólf og minibar (gegn gjaldi) og á baðherbergi er hárþurrka.

Vert er að taka fram að hér dvelur þú á eigin vegum, en Heimsferðir eru ekki með starfandi fararstjóra í borginni og rútuferð til og frá flugvelli á vegum okkar er ekki í boði, en auðvelt að taka leigubíl, strætisvagn eða lest inn í borgina frá flugvellinum. Einstakt tækifæri til að dvelja í þessari fallegu borg.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Um gistinguna
Aðstaða fyrir fatlaða
Bar
Barnaklúbbur
Barnaleiksvæði
Billiardborð Já, gegn gjaldi
Bílastæði
Byggingarár 2002
Endurnýjað 2011
Fjarlægð frá miðbæ 1 km
Fjarlægð frá strönd 500 m
Fjöldi herbergja/íbúða 132
Fjölskylduvænt
Handklæðaskipti, oft í viku 7
Hárblásari/Hárþurrka
Heilsulind/Spa Já, gegn gjaldi
Herbergisþjónusta
Innisundlaug Já, gegn gjaldi
Ketill fyrir te/kaffi
Líkamsræktaraðstaða
Loftkæling
Lyfta
Minibar Já, gegn gjaldi
Móttaka Já, allan sólarhringinn
Nudd Já, gegn gjaldi
Nuddpottur Í heilsulind
Næsti súpermarkaður 350 m
Ráðstefnusalir
Sauna Í heilsulind
Sími
Sjónvarp í herb/íbúð
Skipt á rúmum, oft í viku 2
Strandhandklæði Nei
Strætóstoppistöð 350 m
Veitingastaður
WiFi Frítt
Þrif, oft í viku 7
Þvottaaðstaða Já, gegn gjaldi
Öryggishólf

Opinber stjörnugjöf
4 stjörnur

Vefsíða
www.hotelspaportamaris.com

Fæðisval

Hótel Heimsferða bjóða allt frá engu fæði upp í allt fæði innifalið.

Ekkert fæði - Þjónusta sem er merkt ekkert fæði er án alls fæðis og drykkja.

Morgunverður - Þjónusta sem er merkt morgunverður felur í sér morgunverð meðan á dvöl stendur, án drykkja.

Hálft fæði - Þjónusta sem er merkt hálft fæði felur í sér morgun- og kvöldverð meðan á dvöl stendur, án drykkja.

Fullt fæði - Þjónusta sem er merkt fullt fæði felur í sér morgun-, hádegis- og kvöldverð meðan á dvöl stendur, án drykkja.

Allt innifalið - Þjónusta þar sem er allt innifalið felur í sér að morgun-, hádegis- og kvöldverður er innifalinn í verði meðan á dvöl stendur og einnig drykkir, óáfengir og áfengir (innlendir). Ef hótelið er með a la carte veitingastað er misjafnt hve oft er í boði að fara meðan á dvöl stendur, þá er einnig misjafnt hvort kvöldverður þar sé gegn aukagjaldi eða ekki. Þjónusta þar sem allt er innifalið er ávallt með einhverjum takmörkunum, upplýsingar um það fást hjá ferðaráðgjöfum eða á hótelum við komu.

Vert er að taka fram að á hótelum sem bjóða þjónustu þar sem allt er innifalið er ekki sjálfgefið að bjóða megi gestum inn í garðinn eða á hótelið. Misjafnlega strangt er tekið á þessu á milli hótela en góð regla er að spyrjast fyrir í móttöku áður en von er á gestum sem dvelja á öðrum gististöðum.



Kort

Click to view the location of the hotel

Deila núverandi vefslóð með tölvupósti