Þetta er ágætis íbúðahótel staðsett mjög miðsvæðis í Albir í einungis um 100 metra frá ströndinni.

Hótelið fær góðar umsagnir gesta og sérstaklega hvað varðar staðsetningu þess og hve íbúðirnar eru notalegar en þær eru nútímalega innréttaðar, með björtum og léttum innrréttingum.

Allar eru íbúðirnar búnar svölum/verönd, loftkælingu, sjónvarpi, síma, eldhúsaðstöðu, þvottavél og frítt aðgengi er að þráðlausu interneti (Wi-Fi).

Hér er hótelgarður með sundlaug og barnalaug ásamt leiksvæði fyrir börnin og unnt er að tengjast þráðlausu interneti (Wi-Fi) á sameiginlegum svæðum.

Þessi gististaður hefur ekki opinbera stjörnugjöf, er eins konar „boutique“ hótel án stjörnugjafar. Okkar mat er hins vegar að þessar góðu íbúðir beri 3 stjörnur og miðað við umsagnir gesta sem hér hafa dvalið, líkar þeim dvölin afar vel.

Athugið að samkvæmt reglum gististaðarins, má að hámarki bóka þrjá aðila inn í þessar íbúðir og engin undanþága veitt fyrir fjórða aðila, þó um barn sé að ræða.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.

Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.