Sól
Borg
Golfferðir
Sérferðir
Hreyfing
Sigling
Flugsæti

Skemmtisigling páskar 2019

0
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Skemmtisigling um páskana

með Costa Victoria

17. apríl – 23. apríl 2019

Feneyjar – Bari – Kotor/ Montenegro – Split – Feneyjar

Hér er í boði skemmtileg 7 daga ferð sem hefst með 2ja nátta dvöl í Feneyjum. Þá er haldið í  4ra nátta siglingu um Adríahafið. Tilvalið tækifæri fyrir þá sem ekki hafa áður reynt þennan ferðamáta, en langar til að prófa og láta sannfærast um ágæti hans.

Ferðin hefst á flugi til  London / Gatwick og það áfram til Feneyja.  Dvalið í Feneyjum í 2 nætur. Þá tekur við dásamleg sigling um Adríahafið með Costa Victoria sem er 4* lúxusskip. Fyrsti viðkomustaðurinn er borgin Bari í Puglia héraði á Ítalíu. Þaðan er siglt yfir Adriahafið til Kotor í Svartfjallalandi og dvalið þar í einn dag. Síðasti viðkomustaður siglingarinnar er borgin Split í Króatíu. Í lok ferðar er flogið frá Feneyjum til London og þaðan með kvöldflugi til Íslands.

Stutt – gaman – skemmtilegt – og einungis 2 vinnudagar !!

Skipið - Costa Victoria
Costa Victoria var sjósett 1996 en var síðast endurnýjað 2017. Skiptið er 253m að lengd, 32 metrar að breidd, 75.000 tonn og 14 hæðir. Fjöldi farþega getur verið allt að 2.200 og 790 starfsmenn starfa um borð. Um borð skipsins eru 8 lyftur, 4 veitingasalir, 10 barir, kaffibar, 3 sundlaugar, 4 nuddpottar, móttaka, ferðaskrifstofa, læknisþjónusa, ljósmyndastofa, verslanir, leikhús, pianóbar, diskótek, spilaherbergi, bókaherbergi, kaffitería, verslanir, leikherbergi barna, heilsurækt, skokkhringur, hárgreiðslustofa, líkamsrækt, setustofur, næturklúbbur, klefar loftkældir, öryggishólf í klefa.

Innifalið:
Flug, skattar, 1 taska 20kg á mann
Akstur samkvæmt ferðalýsingu
2 nætur á 4* hóteli í Feneyjum með morgunverð
4 nátta sigling með öllu inniföldu (einhverjar undantekningar)
Hafnargjöld og þjónustugjöld í siglingu  

Ekki innifalið:
Íslensk fararstjórn
Ferðamanna skattur á hótelinu í Feneyjum
Kynnisferðir og annað sem ekki er tilgreint sem innifalið

Ferðatilhögun

17. apríl - Brottför

Flogið með WOWair til London / Gatwick.

Flugtak kl. 6:10 og lending á Gatwick flugvelli  kl. 10:25. Flug frá London/Gatwick til Feneyja kl. 14:00, lending kl. 17:10.

Ekið eða siglt frá flugvelli á hótel.

Gist á góðu 4* hóteli í Feneyjum.

17. til 19. apríl - Feyneyjar

Hver maður þarf að koma einu sinn í lífinu til Feneyja.

Þessi einstaka borg með öllum síkjunum og gondólunum, glæsibyggingum eins og Markúsarkirkjunni og hertogahöllinni, Feneyjar-kristalnum  fræga og ótrúlegu mannlífi og heillandi sögu. Það er ævintýri líkast að eyða kvöldstund í Feneyjum. Skoða sig um á Markúsartorginu og fá sér svo góðan ítalskan kvöldverð á einhverju hinn a fjölmörgu veitingastöðum staðarins.

Daginn eftir gefst góður tími til að skoða sig um eða jafnvel bregða sér í hálfrar klukkustundar gondóla-siglingu um þröngu síkin í Feneyjum og út á Canal Grande að Rialto-brúnni, þetta er ómissandi upplifun!  

19. apríl - farið í skipið

Innritun í skipið er kl. 14:00. Siglingin hefst kl. 17:00. Og þá hefst þægileg lúxussigling og um að gera að njóta alls hins besta sem siglingin býður upp á.

20. apríl - Bari

Bari er höfuðstaður Puliga-héraðsins, og mikilvæg hafnarborg við sunnanvert Adríahafið. Þar er miðstöð viðskipta, m.a. við lönd við austanvert Miðjarðarhaf.

Upphaflega var Bari grísk nýlenda og síðar rómverskur verslunarstaður. Eldri hluti borgarinnar stendur á höfða á milli gömul og nýju hafnanna. Þar eru gamlar og fallegar byggingar og torg frá 11-12 öld, og þröngar krókóttar götur sem gefa heilsteypta mynd af ítölskum miðaldabæ.

Nýrri hluti Bari er nútímaleg borg með breiðstrætum, viðskiptamiðstöð, háskólahverfi og menningarstofnunum, leikhúsi, óperu, en þar er einnig úrval kaffihúsa, veitingastaða og verslana.

21. apríl - Kotor

Svartfjallaland stendur við Adríahafið og býr yfir mikilli náttúrufegurð. Fjallasýn er þar einstök, strendurnar hreinar og sjórinn kristaltær. Kotor-flóinn er talinn vera einn af fallegustu flóum veraldar. Í botni hans stendur bærinn Kotor við fagurbláan sjóinn á annan veg og kleppabjargir á hinn. Einstaklega fallegur miðaldarbær með mikla sögu og fornminjar á heimsminjaskrá UNESCO. Til að njóta einstaks útsýnis er möguleiki að ganga um 1500 þrep upp á bjargið og njóta útsýnisins.

Í Kotor er mikið af fornum kirkjum og miðaldarbyggingum, en einnig er þar  úrvali af veitingastöðum, börum og litlum sérverslunum.

Ekki missa af StTryphon kirkjunni frá 12. öld, StLuke kirkjunni og StNicholas Orthodox kirkjunni.

22. apríl - Split

Það búa um 200.000 manns í Split og er hún næst stærsta borg Króatíu. Borgin er talin vera 1700 ára gömul og þar er mikið af sögulegum minjum og fornmunum sem ná aftur til 500 f.Kr..  Gamli bæjarhlutinn í Split hefur byggst inn í og í kringum höll rómverska keisarans DíókletíusarHöllin stendur að hluta til enn og prýðir bæði miðborg Split og er á heimsminjaskrá UNESCO. 

Borgin liggur við strönd Adríahafsins og við strandgötuna standa hótel, barir og veitingahús á milli pálmatrjáa. Markaðsbásar standa við hallarveggina þar sem Díókletíus gekk um forðum.  

23. apríl - Heimkoma

Siglingunni lýkur í Feneyjum.

Komið er til Feneyja að morgni. Ekið frá höfninni til flugvallar. Flug til London / Gatwick. Flugtak kl. 15:55, lending í Gatwick kl. 17:10.  

Flug með WOWair frá London/Gatwick kl. 20:50 og lending í Keflavík kl. 23:00.

Deila núverandi vefslóð með tölvupósti