Sól
Borg
Golf
Hreyfing
Sigling
Flugsæti

Glæsisigling um framandi slóðir

Singapore – Malasía – Thailand – Kambodía

Komdu með í ferð til Singapore og glæsisiglingu um framandi slóðir 23. janúar í 19 nætur. Sigling er afar þægilegur og einstaklega skemmtilegur ferðamáti. Það er sem draumi líkast að heimsækja nýjan og spennandi áfangastað nánast á hverjum degi –  án þess að þurfa að skipta um gististað.  Þægilegra getur það varla verið. Skipið Costa Victoria  er í eigu ítalska skipafélagsins Costa Cruises. Fallegur og góður aðbúnaður um borð bæði í mat, drykk og skemmtun. Úrval af skemmtilegum og fræðandi kynnisferðum í boði frá hverjum áfangastað. Þetta er einstök sigling um framandi slóðir.

Flogið er til og frá Singapore með viðkomu í Helsinki. Í upphafi ferðar er dvalið í 3 nætur á góðu hóteli í miðborg Singapore. Á meðan á dvöl stendur verður farið í 2 spennandi kynnisferðir sem eru innifaldar í verði. Þann 27. janúar hefst 14 daga draumasigling um hið heillandi suður-Kínahaf. Hér fá farþegar  að kynnast söguslóðum frá árdögum menningarinnar og upplifa framandlegan lífstaktinn á þessum slóðum.

Það verður víða komið við allt frá stórborgum með iðandi og  litríku mannlífi, borgir eins og Kuala Lumpur og Bangkok, til friðsælla og framandi stranda eins og Phuket í Thailandi. Í lok siglingarinnar er flogið frá Singapore til Helsinki og lent þar að morgni 11. febrúar en skömmu eftir hádegi er flogið með Icelandair til Keflavíkur.

Um Costa Victoria
Sjósett 1996 * Endurnýjað 2004 * Lengd: 253 metrar * Breidd: 32 metrar * 75.000 tonn * hæðir 12 * Fjöldi farþega: 2.400 * Fjöldi starfsfólks: 800 * 8 lyftur * 5 veitingasalir * 10 barir * kaffibar * 3 sundlaugar * 1 innisundlaug * 4 nuddpottar * móttaka * ferðaskrifstofa * læknisþjónusa * apótek * ljósmyndastofa * verslanir * leikhús * pianóbar * diskótek * spilaherbergi * bókaherbergi * kaffitería * verslanir * leikherbergi barna * heilsurækt * skokkhringur * hárgreiðslustofa * líkamsrækt * netkaffi * setustofur * næturklúbbur * loftkældir klefar * öryggishólf í klefa *

Innifalið: Flug, skattar, 1 taska/23 kg, gisting á 4* hóteli í 3 nætur í Singapore, 14 nátta sigling m/allt innifalið (einhverjar undantekningar), hafnargjöld. Einn kvöldverður og tvær kynnisferðir í Singapore. Akstur til og frá flugvelli skv. ferðatilhögun. Enskumælandi fararstjórn í Singapore.

Ekki innifalið: Kynnisferðir, þjónustugjald um borð í skipinu.

*Athugið! Staðfestingargjald er 150.000 kr. á mann.

Ferðatilhögun

Dagur 1/2 – Ferðast til Singapore

23.-24. janúar
Flug frá Keflavík til Helsinki. Flugtak kl. 10:25, og lending í Helsinki kl. 15:55. Flugtími 3:30 klst. Frá Helsinki er síðan haldið áfram til Singapore kl 23:55 og lent í Singapore kl. 17:10 þann 24. janúar. Flugtími: 11:15 klst. Ekið frá flugvelli á hótel í Singapore. Innritun á 4* hótel í miðborg Singapore. Um kvöldið er farið á skemmtilegan sjávarréttarstað í Clarke Quay hverfinu sem stendur við Singapore ána. Í þessu hverfi er fjöldinn allur af góðum veitinga- og skemmtistöðum.

Dagur 3/4 – Dvalið í Singapore

25.-26. janúar
Singapore er borg-eyríki syðst á Malasíuskaga. Með töfrum sínum hún til sín fleiri ferðamenn á ári hverju en þekkist víðast annars staðar. Fáir staðir geta státað af jafn fjölskrúðugu mannlífi því íbúar höfuðborgharinnar eru vel á milljón og ægir þar saman mörgum og ólíkum þjóðarbrotum sem á aðdáunarverðan hátt lifa saman í sátt og samlyndi. Skemmtilegt er að skoða sig um í China Town, Little India og Arab-Street svo fátt eitt sé nefnt. Verslun og viðskipti eru lífleg í Singapore og nauðsynlegt að bregða sér á Orchard Road, en þar eru verslanir stórar og smáar ásamt spennandi veitinga- og kaffihúsum.

25. janúar - Kynnisferð um Singapore
Eftir morgunverð er haldið af stað í hálfsdags kynnisferð um Singapore. Fræðumst um sögu borgarinnrar og hvernig hin fjölbreyttu þjóðarbrot lifa í sátt og samlyndi í borginni. Í ferðinni er ekið um fjármálahverfi borgarinn með sínum háreistu skrifstofubyggingum. Einnig verður gengið um í Merlion garðinn sem er eitt þekktasta tákn Singaporeborgar. Þá verður komið við Little India og Chinatown, ásamt því að skoða einstök musteri borgarinnar. Efitrmiðdagurinn er frjáls til að skoða sig um á eigin vegum.

26. janúar – Ferð til Sentosa
Kynnisferð til eyjunnar Sentosa. Ferðin hefst á akstri upp fjallið Faber en þaðan er farið í kláf yfir til Sentosa eyjunnar. Á leiðinni er stórkostlegt útsýni yfir Sentosa og suðurhluta Singapore. Á eyjunni skoðum við meðal annars sædýrasafn þar sem gengið er í gegnum undirvatnsgöng sem eru tæplega 90 km að lengd, tilfinning er eins og gengið sé á hafsbotninum og fjöldinn allur af litríkum fisum í öllum stæðrðum og gerðum synda í kring gesti og gangandi.

Dagur 5 - Sigling hefst

27. janúar
Áætluð brottför af hótelinu niður að höfn um kl. 14:00. Siglingin sjálf hefst kl. 20:00.

Dagur 6 - Kuala Lumpur í Malasíu

28. janúar
Komutími: 10:00. Brottför: 17:00
Kuala Lumpur er hin fagra höfuðborg Malasíu. Afar nútímalega borg með himinháum skýjaklúfum í bland við fallega musteri, moskur, indversk og kínversk hof og apa sem sveifla sér í trjánum! Þar búa um 7 milljónir manna. Kennileiti Kuala Lumpur eru Tvíburaturnarnir sem lengi vel voru hæstu byggingar heims en þeir eru 452 metrar. Malasía var bresk nýlenda allt til ársins 1957, enda tala þar flest allir góða ensku, og borgin er í raun mjög vestræn.

Dagur 7 - Langkawi í Malasíu

29. janúar
Komutími: 10:00 – Brottför: 20:00
Langkawi er eyja fyrir utan Malasíu. Lítil náttúruperla með drifhvítum ströndum og kristaltærum sjó. Sannkölluð paradís fyrir sólþyrsta ferðamenn. Það er aðeins búið á 4 af þeim 99 eyjum sem mynda Langkwai og af þessum 4 eyjum eru 3 af eyjunum lítið byggðar. Íbúafjöldi eru um 30.000.

Dagur 8/9 - Phuket í Tælandi

30.-31. janúar
Komutími: 08:00. Brottför: 18:00
Phuket er vinsæll ferðamannastaður á vestuströnd Thailands. Stærsta eyja Thailands sem hefur flest það sem ferðamaðurinn óskar sér. Falleg og fjölbreytt landssvæði með skógivöxnum fjöllum og gróðursælum ökrum, litríkum smáþorpum sem gaman er að skoða nánar. En það eru strendurnar við þessa fallegu eyju sem eru samt aðal adráttaraflið.

Dagur 10 - Penang í Malasíu

1. febrúar
Komutími: 07:00. Brottför: 16:00
Penangeyja liggur skammt undan norð-vesturstönd Malasíu en þar blakta pálmatrén á hvítri ströndinni. Gullfalleg musteri rísa upp úr hitabeltisgróðrinum – eins og draumsýn. Þarna má skoða fiðrildabúgarð, þjóðminasafn, listasafn og snákamusteri. Allt er þetta í senn heillandi, framandi og spennandi. Þessi fallega eyja er oft köllu Perla austursins. Íbúar eru um 700.000. Georgetown er miðja Penang þar sem flestir ferðamenna koma.

Dagur 11 - Malacca í Malasíu

2. febrúar
Komutími: 10:00 Brottför: 20:00
Malacca er rík af sögu liðinna alda. Sögulegar byggingar, gömul landssvæði og byggingar frá nýlendu tímanum. Enn þann dag í dag gætir áhrifa frá Bretum, Hollendingum og Portúgölum sem settu hér mark sitt á staðinn. Fallegar byggingar, virki, söfn kirkjur og turnar. Það er fróðlegt að heimsækja fornmuna verslanirnar á Jonker street sem þar eru á hverju strái og skemmtilegt að skoða og jafnvel að gera góð kaup.

Dagur 12 - Singapore

3. febrúar
Komutími. 09:00 Brottför: 20:00
Dvalið í Singapore í einn dag. Tilvalið tækifæri að skoða allt sem ekki náðist að skoða fyrir upphaf siglingarinnar.

Dagur 13 - Á siglingu

4. febrúar
Um að gera að njóta lífsins og alls þess sem Costa Victoria hefur upp á að bjóða.

Dagur 14 - Koh Samui á Tælandi

5. febrúar
Komutími 09:00 Brottför: 18:00
Koh Samui er þriðja stærsta eyja Thailands og næst stærsta eyja austurstrandarinnar. Eyjan er einkum þekkt fyrir fallegar, hvítar strendur og hreinan og tæran sjó. Á eyjunni er boðið upp á mikið úrval af áhugaverðum skoðunarferðum.

Dagur 15/16 - Laem Chabang á Tælandi

6.- 7. febrúar
Komutími: 09:00 Brottför: 16:00
Frá hafnarborginni Laem Chabang er um 2 klst. akstur í norður átt til Bangkok, og um það bil 1 klst. akstur til Pattaya strandarinnar. Um að gera að bóka kynnisferð á vegum skipafélagsins til Bangkok sem er höfuðborg Thailands. Borgin er stærsta borg Thailands og er miðstöð stjórnunar, fjármála, menningar og menntunar þar búa um 9 milljónir manna. Bangkok er afar alþjóðleg, fjölbreytt og heillandi borg þar sem gamlir og nýjir tímar mætast og þróast í allar áttir. Þarna eru gömul Búddahof, fagrar hallir og skemmtilega litríkir markaðir. Áin Chao Pray og hin fjölmörgu síki setja svip sinn á borgina.

Dagur 17 - Sihan- oukville í Kambodíu

8. febrúar
Komutími: 09:00 Brottför: 18:00
Sihanoukville er hérað í Kambodíu við Thailands flóann. Suðvestur af höfuðborginni Phnom Penh. Fallegar strendur og góð þjóusta við ferðamenn hafa gert Sihanoukville að eftirsóttum ferðamannastað.

Dagur 18 - Á siglingu

9. febrúar
Við höldum áfram að njóta lífsins og alls þess sem Costa Victoria hefur upp á að bjóða.

Dagur 19 - Singapore

10. febrúar
Komutími kl 09:00. Siglingu lýkur.
Um eftirmiðdaginn er ekið til Singapore flugvallar. Þaðan er flogið með Finnair til Helsinki kl. 23:40, og lent í Helsinki kl. 05:40 að morgni 11. febrúar. Flugtími 12:00 klst. Síðan er flug til Íslands með Icelandair kl. 14:20 og lending á Keflavíkur flugvelli kl. 15:55 að staðartíma. Flugtími: 3:35 klst.  

Dagur 20 - Ferðast til Íslands

11. febrúar
Lent í Helsinki kl. 05:40 að morgni 11. febrúar eftir næturflug frá Singapore með Finnair. Síðan er flug til Íslands með Icelandair kl. 14:20 og lending á Keflavíkur flugvelli kl. 15:55 að staðartíma.

Deila núverandi vefslóð með tölvupósti