Sól
Borg
Golfferðir
Sérferðir
Hreyfing
Sigling
Flugsæti

Sigling Kúba

0
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Ferðalýsing

Sigling Kúba 27. mars – 6. apríl 2019

Carnival Paradise

Tampa – Key West – Havana – Tampa

Sigling til hinnar stórkostlegu eyju Kúbu ætti ekki fram hjá neinum að fara enda bíður eyjan uppá einstaka upplifun af menningu, sögu og andrúmslofti sem fyrirfinnst hvergi annarstaðar í heiminum. Það er mikil upplifun að sigla þangað með skemmtiferðaskipi Carnival Paradise. Í þessari 10 daga ferð verður farið í 5 daga skemmtisiglingu, meðal annars til Havana á Kúbu. Flogið til Tampa í beinu flugi með Icelandair. Dvalið er í 3 nætur við ströndina áður en farið verður um borð í skemmtiferðaskipið Carnival Paradise. Siglt er til suðurs, komið við á  Key West, síðan er einn dagur á siglingu áður en komið er til Havana. Eftir annan dag á siglingu er komið aftur til Tampa þar sem dvalið verður í tvær nætur nálægt flugvellinum í Tampa áður en haldið er heim á ný.

Carnival Paradise
Carnival Paradise var sjósett 1998 en var síðast endurbætt 2018. Skipið er 260m að lengd, 71.909 tonn og 11 hæðir. Fjöldi farþega getur verið allt að 2.100 og 920 starfsmenn starfa um borð. Skipið skartar tveimur sundlaugum, vatnsrennibraut, þremur nuddpottum, gufubaði, spa, svæði fyrir aðeins 21 árs og eldri, minigolf, líkamsrækt með mismunandi námskeiðs-tímum, móttöku, verslunum, veitingastöðum, börum og margs konar afþreyingu fyrir allan aldur.

Innifalið:
Flug, skattar, 1 taska allt að 23 kg á mann
Gisting í 3 nætur fyrir siglingu og 2 nætur eftir siglingu á 3* hóteli
Sigling í 5 nætur með fullu fæði
Allur akstur sem tilgreindur er í ferðalýsingu
Íslensk fararstjórn miða við lágmark 20 farþega

Ekki innifalið:
Drykkir
Kynnisferðir á áfangastöðum skipsins
Þjónustugjald í siglingunni 12.95 USD á mann á dag
Annað sem ekki er talið upp í ferðalýsingu

Ferðatilhögun

27. mars - Brottför

Flogið með Icelandair kl. 17:25 áætluð lending kl. 21:40 á flugvellinum í Tampa.

Farþegum ekið á hótel Holiday Inn & Suites Clearwater Beach sem tekur rúmlega 40 mín þar sem gist verður í 3 nætur fyrir siglingu.

Holiday Inn er 3* hótel sem er staðsett alveg við ströndina í Clearwater. Snyrtileg herbergi með loftkælingu, sjónvarpi, Wifi, aðstaða til að hita te og kaffi. Hægt að fá morgunverð gegn gjaldi. Á hótelinu er líkamsrækt, sundlaug ásamt sólbaðsaðstöðu, veitingastaður og bar.

Holiday Inn

28. & 29. mars - St. Petersburg

Frjálsir dagar hægt að taka því rólega á hótelinu eða á ströndinni eða skoða sig um í næsta nágrenni. Einnig er hægt að fara inn í borgina kíkja í verslanir og fleira.

30. mars - Tampa

Brottför frá hótelinu rétt fyrir hádegi, þá verður ekið með hópinn að höfninni og farið um borð í Carnival Paradise.

Þegar komið er um borð og farþegar hafa komið sér fyrir þá er um að gera að reyna að átta sig aðeins á skipinu, fararstjóri mun vera farþegum innanhandar og leiðbeina þeim. Þegar skipið lætur úr höfn er gaman að vera uppi á dekki og njóta útsýnis þegar skipið siglir frá landi klukkan 16:00.

31. mars - Key West

Key West er suðlægasta borgin á meginlandi Bandaríkjanna og er hluti af Flórída Keys sem er kóral eyjaklasi staðsettur undan suðurströnd Florida og skilur að Mexikóflóa og Atlantshafið.

Fallegur bær sem vert er að skoða rithöfundurinn Ernest Hemingway bjó þar um tíma.

1. apríl - Dagur á siglingu

Skemmtilegur dagur á siglingu, nú er um að gera að hafa gaman og njóta þess að vera um borð. Fara í heilsulindina, taka á því í ræktinni eða nota eitthvað af þeirri miklu skemmtilegu afþreyingu sem er um borð

2. apríl - Havana Kúba

Havana er lífleg borg sem lætur engan ósnortin. Í gamla hluta Havana lifir gamli tíminn enn góðu lífi gaman er að rölta um hann og virða fyrir sér mannlífið.

Habana Vieja er einn þekktasti hluti borgarinnar iðandi af mannlífi og er hann á heimsminjaskrá UNESCO. Búið er að endurnýja sumar byggingarnar en aðrar ekki.

Hægt er að fara á ýmis söfn meðal annars er hægt að kynna sér byltingarsögu Kúbu sem er í gömlu forsetahöllinni.

3. apríl - Dagur á siglingu

Síðasti dagurinn á skipinu,Gefst nú kostur á því að njóta alls sem er í boði um borð. Hvort sem það er að vera í sólinni úti á dekki og láta dekra við sig kíkja í búðir fá sem gott að borða eða bara að njóta þess að vera um borð áður en komið er til hafnar í Tampa á ný.

4. apríl - Tampa

Snemma morguns leggst Carnival Paradise að bryggju í Tampa. Eftir morgunverð verður farið í land og ekið á hótel AC Hotel Tampa Airport þar sem að dvalið verður næstu 2 nætur áður en haldið er heim á ný.

AC Hotel er gott 3* hótel á herbergjunum er loftkæling, hárþurrka, sjónvarp, aðstaða til að hita te og kaffi, lítill ísskápur og öryggishólf. Góð aðstaða er á hótelinu svo sem sundlaug, sólbaðsaðstaða, líkamsrækt, veitingastaður og bar. Beint á móti hótelinu er stór verslunarmiðstöð Inetrnational Plaza ef einhverja langar að kíkja í verslanir.

Morgunverður ekki innifalinn.

AC Hotel

5. apríl - Tampa

Síðasti dagurinn áður ern haldið verður heim, tilvalið að skoða sig aðeins um kíkja í verslanir og fleira. 

https://www.shopinternationalplaza.com/ 

6. april - Heimkoma

Brottför frá flugvellinum í Tampa kl. 18:55 áætluð lending í Keflavík kl. 06:10 að morgni 7. apríl.

Deila núverandi vefslóð með tölvupósti