Sól
Borg
Golfferðir
Sérferðir
Hreyfing
Sigling
Flugsæti

Glæsisigling með Costa Mediterranea

0
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Glæsisigling með Costa Mediterranea

Ítalía, Grikkland, Ísrael og Króatía

Glæsisigling með Costa Mediterranea
1. – 15. október 2020

Feneyjar – Bari – Aþena – Haifa – Heraklion – Corfu – Split – Feneyjar

Sigling  með glæsilegu skemmtiferða skipi verður sífellt vinsælli ferðamáti og þeir sem hafa einu sinni farið í siglingu kjósa að endurtaka það á ný. Lúxussiglingar eru einstaklega þægilegur ferðamáti og afar spennandi að heimsækja nýtt land og upplifa nýja menningu nánast á hverjum degi. Fjölmargar  siglingar eru í boði – allar spennandi hver á sinn hátt. Í þessar siglingu um Miðjarðarhafið er siglt með glæsiskipinu Costa Deliziosa  sem sjósett var árið 2010. 5 stjörnu lúxusskip með fullu fæði og daglegri afþreyingar- og skemmtidagskrá. Þar er meðal annars  „Samsara Spa”  sem er ein stærsta og glæsilegasta heilsulind. Fræðandi og skemmtilegar kynnisferðir eru í boði á hverjum áfangastað.

Innifalið í verði: Flug, gisting í 3 nætur í Feneyjum með morgunverði, sigling í 11 nætur með fullu fæði, hafnargjöld, Íslensk fararstjórn.

Ekki innifalið: Gistináttaskattur í Feneyjum, skoðunarferðir á áfangastöðum skipsins, drykkir um borð og annað sem ekki er talið upp í leiðarlýsingu.

Verð er miðað lágmarksþátttöku 20 manns. 



Ferðatilhögun

Dagur 1 – Flogið til Feneyja

Fimmtudagur 1. október
Flogið  til Feneyja með Lufthansa  með millilendingu í Frankfurt. KEF – FRA  14:15 – 19:50 FRA VCE 21:10 – 22:30. Farið á hótel í miðborg Feneyja þar sem gist verður í eina nótt.

Dagur 2 - Feneyjar – Ítalía

Föstudagur 2. október
Frjáls dagur fram að hádegi,  þá verður haldið að höfninni í Feneyjum þar sem farið verður um borð í hið glæsilega skip Costa Mediterranea. Skipið lætur úr höfn kl. 17:00

Dagur 3 - Bari - Ítalía

Laugardagur 3. október
Lagst að bryggju kl. 14:00   Bari er höfuðstaður Puliga-héraðsins, og mikilvæg hafnarborg við sunnanvert Adríahafið. Upphaflega var Bari grísk nýlenda og síðar rómverskur verslunarstaður. Eldri hluti borgarinnar stendur á höfða á milli gömul og nýju hafnanna. Þar eru gamlar og fallegar byggingar og torg frá 11-12 öld, og þröngar og krókóttar götur sem gefa heilsteypta mynd af ítölskum miðaldabæ. Nýrri hluti Bari er nútímaleg borg með breiðstrætum, viðskiptamiðstöð, háskólahverfi og menningarstofnunum, leikhúsi, óperu, en þar er einnig úrval kaffihúsa, veitingastaða og verslana.

Skipið lætur úr höfn kl.20:00

Dagur 4 – Dagur á siglingu

Sunnudagur 4. október
Dagur á siglingu um að gera að njót alls sem er um borð.

Dagur 5 – Aþena ( Pireo) - Grikkland

Mánudagur 5. október
Skipið leggst að bryggju kl. 08:00. Höfuðborg Grikklands þar sem vestræn menning á upptök sín. Lifandi borg þar sem gamli og nýju tíminn mætast. Hið stórfenglega hof Parthenon á Acropolis hæðinni rís hæst yfir borgina og er minnismerki um glæsta sögu fortíðarinnar. Merkustu staðir borgarinnar eru á frekar litlu svæði í miðborginni, sem afmarkast af Acropolis, Plaka hverfinu, Omonia, Likavitos hæð og Syntigma innan þessa svæðis er hin forna Aþena og í rauninni sú Aþena sem  ferðamenn sjá.   Skipið lætur úr höfn kl. 18:00

Dagur 6 – Dagur á siglingu

Þriðjudagur 6. október
Annar dagur á siglingu um að gera að njóta þjónustunar um borð, af nógu er að taka, allir ættu að finna eitthvað við sitt hæfi.

Dagur 7–8 - Haifa - Ísrael

Miðviku/fimmtudagur 7/8 október
Skipið kemur í höfn í Haifa snemma morguns 06:00 þar sem við verðum næstu tvo daga. Haífa er hafnarborg í Ísrael sem liggur á norðurströnd landsins við Miðjarðarhaf, nálægt landamærum Líbanons. Íbúafjöldi er um 300.000. Costa Mediterranea lætur úr höfn kl. 22:00 fimmtudaginn 7.  október.

Dagur 9 - Dagur á siglingu

Föstudagur 9. október
Síðastu heili dagurinn á siglingu í ferðinni. Nú er um að gera að njóta þjónustunar um borð.

Dagur 10 - Heraklion - Grikkland

Laugardagur 10. október
Komið í höfn í Heraklion  kl. 08:00. Heraklion er höfðuborg Krítar og jafnframt stærsta borg Krítar, íbúafjöldi er um 151.000. Mikilvæg hafnar-borg og þar situr stjórn eyjunnar. Andrúmsloftið er heillandi og staðurinn laðar til sín bæði  innlenda og erlenda ferðamenn. Sjálfsagt að nota daginn vel og skoða sig um þessari merku borg. Skipið lætur úr höfn frá Heraklion kl. 14:00

Dagur 11 - Corfu - Grikkland

Sunnudagur 11. Október
Costa Mediterranea kemur í höfn á Corfu kl. 13:00. Corfu er önnur stærsta eyjan við Grikklandsstrendur og er staðsett út frá norðvestur strönd landsins. Eyjan er um 60 km. löng og um 20 km. breið þar sem hún er breiðust. Eyjan er þekkt fyrir að vera græn og gróðursæl með mörg ólífutré, frábærar baðstrendur og fjölbreytta afþreyingar möguleika fyrir ferðamenn. Gamli bærinn er friðsæll og skemmtilegur með úrvali af kaffihúsum og litlum verslunum sem selja fallegt handverk heimamanna meðal annars muni muni úr ólífutré. 

Dagur 12 - Split – Króatía

Mánudagur 12. október

Skipið leggst að bryggju kl. 14:00.  Split er gömul borg með einstaklega líflegu andrúmslofti
Hún er næst stærsta borg Króatíu en þar búa um 200.000 manns. Borgin liggur við strönd Adríahafsins en við strandgötuna standa hótel, barir og veitingahús á milli pálmatrjáa. Borgin er talin vera 1700 ára gömul og þar er mikið af sögulegum minjum og fornmunum sem ná aftur til 500 f.Kr.  Gamli bæjarhlutinn í Split hefur byggst inn í og í kringum höll rómverska keisarans Díókletíusar. Höllin stendur að hluta til enn og prýðir bæði miðborg Split og er á heimsminjaskrá UNESCO. Markaðsbásar standa við hallarveggina þar sem Díókletíus gekk um forðum. Haldið frá Split kl. 18:00

Dagur 13 - Feneyjar – Ítalía

Þriðjudagur 13. október
Þá er ævintýrið á enda, Costa Mediterranea kemur í höfn í Feneyjum, farið frá borði kl. 10, haldið á hótel í miðborg Feneyja, gist 2 nætur.

Dagur 14 - Feneyjar

Miðvikudagur 14. október
Frjáls dagur

Dagur 15 - Heimferð

Fimmtudagur 15. október
Flogið   með Lufthansa  með millilendingu í München. VCE MUC 20:15 – 21:15 – MUC KEF  22:15 –  00:10+1 

Deila núverandi vefslóð með tölvupósti