Sól
Borg
Golfferðir
Sérferðir
Hreyfing
Sigling
Flugsæti

Sérferð - Víetnam

0
Uppselt
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Víetnam

Keflavík – Frankfurt – Heidelberg – Saigon – Danang – Hoian – Hanoi – Halong Bay – Frankfurt – Keflavík 

Fararstjóri:  Árni Hermannsson

20. september – 8. október 2019

Einstaklega áhugaverð ferð 20. september 2019 í 18 nætur til Víetnam sem býður upp á stórkostlega og ógleymanlega upplifun ásamt ótrúlegri sögu lands og þjóðar. Landið er einstaklega fagurt og gróðursælt með skógiklæddum fjöllum, gróskumiklum hrísgrjónaökrum, fossum og lækjum. Heimamenn taka einstaklega vel á móti ferðamanninum og hvarvetna má sjá brosandi andlit.

Í upphafi ferðar er flogið með Icelandair til Frankfurt og gist í bænum Heidelberg rétt sunnan við Frankfurt. Daginn eftir er flogið til Ho Chi Minh City (Saigon) í suðurhluta Víetnam og dvalið þar í 4 nætur.

Frá Saigon er flogið til Danang og ekið til Hoian og dvalið þar í 5 nætur á fallegu hóteli við ströndina. Hoian er afar áhugaverður staður og er á heimsminjaskrá UNESCO.

Þá er dvalið í 3 nætur í höfuðborginni Hanoi. Að lokum er ekið til Halongflóa en þaðan er farið í 2 nátta siglingu með dæmigerðum bát heimamanna en það er sem ævintýri líkast að sigla á milli stórfenglegra kalksteinsklettanna og fallegra sandstranda.

Fjölmargar áhugaverðar kynnisferðir eru innifaldar í ferðinni og þess ávallt gætt að heimsækja áhugaverða sögulega staði en einnig að njóta alls þess sem þetta fallega land hefur uppá að bjóða.

Innifalið:
Flug, skattar, innrituð 23kg taska og handfarangur upp á 10kg
Gisting í 1 nótt í Heidelberg m/morgunmat
Gisting í 14 nætur á 4* hótelum í Víetnam m/fullt fæði innifalið
Gisting í 1 nótt í Frankfurt m/morgunmat
Kynnisferðir samkvæmt ferðatilhögun
Ferðamannaáritun til Víetnam
Staðarleiðsögumaður ásamt íslenskum fararstjóra

Miðað er við lágmarksþáttöku 20 manns





Ferðatilhögun

Dagur 1 -Flogið til Frankfurt

20. september / föstudagur

Flug með Icelandair frá Keflavík til Frankfurt. Flugtak kl 7:25, lending í Frankfurt kl 12:50 að staðartímaEkið frá flugvelli í Frankfurt til Heildelberg (1 klst.).  Um eftirmiðdaginn er boðið uppá gönguferð um Heildelberg. Gist á Hótel Crown Plaza í Heidelberg  í 1 nótt.  Morgunverður innifalinn. 

www.ihg.com/crowneplaza/hotels/us/en/heidelberg/hdbge/hoteldetail

Dagur 2 - Flug til Saigon

21 / 22. september / laugardagur - sunnudagur    Flug frá Frankfurt til Saigon (Ho Chi Min City).

Um morguninn 21. september erekið frá Heidelberg um kl. 11.00. Flogið frá Frankfurt kl. 14.55 með Vietnam Airlines til Saigon.  Lent að morgni þann 22.september  kl. 07.10 í Saigon ( Ho Chi Min City ). Eftir komuna á flugvöllinn er gengið frá ferðamannaáritunni og síðan ekið frá flugvelli á hótel. Innritun á hótel. Eftir hádegi hefst stutt ferð um borgina og í lokin verður svo boðið upp á hið fræga kaffi Vietnama og ekið aftur á hótel. Kvöldverður á völdum veitingastað.

11:35  tíma flug frá Frankfurt til Saigon.

Akstur frá flugvelli í Saigon til hótels ca. 45 min.

Gisting: Rex Hotel/Deluxe Room. www.rexhotelvietnam.com

Dagur 3 - Saigon

23 september / mánudagur Saigon.

Eftir morgunverð verður farið í sérstaka skoðunarferð um borgina. Heimsótt verður hverfið Cho Lon en þar eimir mikið eftir af kínverski menningu. Þá er farið í Thien Hau, hof sjófarenda, og þaðan gengið um Binh Tay markaðinn. Þá heimsækum við Fito-safnið sem geymir þúsundir ,,lækningamuna“ frá fyrstu tíð. Að hádegisverði loknum verður svo farið að gömlu forsetahöllinni, Notre Dame kirkjunni, pósthúsinu og á Ben Than markaðinn. Um kvöldið snætt á völdum veitingastað.

Dagur 4 - Saigon & Cu Chi göngin

24 september / þriðjudagur -  Saigon og Cu Chi göngin.

Að loknum morgunverði er ekið frá hóteli og stefnt á Cu Chi borg.  Þar verður skoðað hið fræga neðanjarðar- gangakerfi frá tímum Vietnam-stríðsins.  Staðurinn er þekktur undir nafninu ,,Járn þríhyrningurinn“ en þar áttu Vietnamar í áralöngum átökum við Bandaríkjamenn.  Hluti ganganna er varðveittur og svæðið, sem nú er verndað, varpar skýru ljósi á þau átök sem heimurinn þóttist þekkja á 7. áratug síðustu aldar.  Hádegisverður verður snæddur á veitingastað í nágrenninu og ekið aftur til baka til Saigon og endað á að heimsækja Stríðsminjasafnið í borginni en þá fá menn endanlega mynd af Vietnam-stríðinu.  Seinni hluti dagsins er svo frjáls. Kvöldverður á hótelinu.

Dagur 5 - Saigon, Óshólmar Mekong

25. september / miðvikudagur - Saigon – Óshólmar Mekong.

Að loknum morgunverði verður ekið inn á óshólma Mekong fljóts en þar gefur að líta sannkallað líf á vatni!  Fyrst er farið til My Tho – borg í Mekong Delta héraðinu um 80 km frá Saigon. Það búa um 230.000 manns.  Þar verður stigið um borð í báta og siglt um svæðið. Heimsótt verða ,,eyjaþorp“ þar sem skoðaðar verða framleiðsluvörur íbúanna, einkum handgerðir munir og þeirra eigið sælgæti úr kókoshnetum ásamt fjölbreytilegum ávöxtum. Hópnum verður boðið upp á smá ferðalag á hestvögnum innfæddra. Hádegisverður þar sem boðið verður upp á ýmiss konar mat sem er einkennandi fyrir svæðið. Haldið aftur til Saigon seinni partinn. Um kvöldið er sameiginlegur kvöldverður á veitingastað

Dagur 6 - Saigon, Danang, Hoian

26. september / fimmtudagur -  Saigon – Danang-Hoian.

Eftir morgunverð  er frjáls tími fram hádegi en þá er hádegisverður á hóteli og að honum loknum er ekið til flugvallar og flogið til Danang, sem staðsett er um miðbik landsins. Þaðan er ekið til Hoian og innritað á hótelið þar.  Kvöldverður á hótelinu.

Ca  35 km. akstur frá Danang til Hoian.

Gisting: Hoian Silk Marina/Pool View & River View Balcony. www.hoiansilkmarina.com

Dagur 7 - Hoian

27. september / föstudagur – Hoian

Eftir morgunmat verður farið í gönguferð um hin gamla, heillandi borgarhluta Hoian en hann er á Heimsminjaskrá SÞ  vegna vel varðveittra húsa og stræta og einnig þar sem borgin var mikil verslunarmiðstöð til forna.  Merkir staðir eru m.a. annars Japanska brúin í borginni, kínverska verslunarhúsið og markaðurinn. Hádegisverður og seinni partinn heimsækjum við Silki-þorpið og fræðumst um silkigerð innfæddra (og þar geta menn látið sauma á sig föt sem afhent eru daginn eftir). Seinni hluti dagsins er svo frjáls en nóg er að skoða í borginni. Kvöldverður á völdum veitingastað.

Dagur 8 - Hoian & nágrenni

28. september / laugardagur – Hoian og nágrenni.

Eftir morgunmat verður boðið upp á jeppaferð um sveitirnar í nágrenni Hoian Gestum boðið að taka þátt í að planta í vatni að hætti heimamanna og fara með vatna buffalo út á hrísgrjónaakrana. Þar á eftir heimsækum við veiðimenn og tökum þátt í veiðiferð að hætti innfæddra og síðar um daginn kynnumst við handiðju innfæddra. Að hádegisverði loknum er farið í siglingu á mjög svo sérkennilegum bát sem er einkennandi fyrir þetta svæði. Þá er haldið aftur til hótelsins. Kvöldverður á hóteli.

Dagur 9 - Hoian & nágrenni

29. september / sunnudagur – Hoian og nágrenni.

Eftir morgunmat verður ekið til Tra Que þorpsins en íbúar þar eru þekktir fyrir sérstaka ræktun á mintu og basil. Þar verður gestum kynnt ræktunin og geta tekið þátt í störfum á staðnum. Síðan heimsækjum við fjölskyldu á staðnum og lærum að að matreiða ,,sveitarétt“ staðarins – Tam Huu- sem er samsettur úr  rækjum, svínakjöti og kryddi. Hádegisverður snæddur á staðnum og boðið verður upp á fótanudd. Snúið til baka á hótel seinni partinn. Kvöldverður.

Dagur 10 - Frjáls dagur

30. september  / mánudagur   Hoian.

Frjáls dagur að hætti hvers og eins. Sameiginlegur kvöldverður.

Dagur 11 - Hoian, Danang, Hanoi

1. október / þriðjudagur.  Hoian – Danang - Hanoi.

Að loknum morgunverði verður ekið til Danang til að sjá svokölluðu Marmara-fjöll sem eru afar sérkennileg og einnig verður heimsótt Cham-safnið sem geymir minjar um fyrrum þjóðflokka landsins.  Hádegisverður og svo verður flogið til Hanoi (ca. 1 klst. flug) helstu borgar í N. Vietnam. Ekið frá flugvelli til hótels í miðbænum. Gott hótel, frábærilega vel staðsett með tilliti til veitingastaða,bara, kaffihúsa og verslana.

Flug Hoinan – Hanoi 1:15 mín.

Akstur frá Hanoi flugvelli til borgar um það bil 35-40 mín.

Gisting: Silk Path Hotel/Premium Deluxe. www.silkpathhotel.com

Dagur 12 - Hanoi

2. október  / miðvikudagur.  Hanoi.

Að loknum morgunverði verður farið í dagsferð um borgina sem löngum hefur verið hjarta menningar- og stjórnmálasögu landsins. Byrjað verður á að heimsækja grafhýsi þjóðhetjunnar miklu, Ho Chi Min, og þaðan í Sögusafnið. Eftir hádegisverð verður farið í kerrum -rickshaw- um hið líflega, gamla hverfi borgarinnar en þar hefur ekkert breyst um árhundruð. Rickshaw-túrinn endar við Ma May götuna sem er einkennandi fyrir 19. aldar nýlendubyggð og að lokum farið í hið fræga vatna-leikhús borgarinnar. Kvöldverður á völdum veitingastað í borginni

Dagur 13 - Hanoi

3. október / fimmtudagur.   Hanoi

Að loknum morgunverði reynum við að kynnast betur handverki innfæddra. Fyrst heimsækjum við Dong Ho bæinn en þar eru menn ansi flinkir í að gera útskurðarmyndir. Þá heimsækum við Bat Trang þar sem íbúarnir eru þekktir fyrir pottagerð. Við göngum um bæinn og kynnum okkur handverkið en fjölbreytileikinn er mikill.  Snúum til baka á hótelið til að snæða hádegisverð og seinni hluti dags er frjáls. Kvöldverður á veitingastað.

Dagur 14 - Frjáls dagur

4. október / föstudagur.  Hanoi

Frjáls dagur að hætti hvers og eins. Sameiginlegur kvöldverður.

Dagur 15 - Hanoi, Halong flói

5. október / laugardagur: Hanoi – Halong flói.

Ökum um morguninn frá Hanoi, í austurátt  og heimsækjum á leiðinni perluverksmiðju og perluverslun. .  Farið verður um borð í ,,júnku“ sem er jafnframt lúxushótel.  Siglt um flóann en flóinn og hinar háu sérkennilegu kalksteinsklettar eru eitt af náttúruundrum heims, yfir 3000 talsins.  Siglt verður á smærri bátum í land og boðið verður upp á sund og kæjakferð ( aukagjald). Kvöldverður um borð og lífsins notið á þessum stórkostlega stað.

Ca. 4 klst. akstur frá Hanoi til Halong flóa með stoppi á leiðinni.

Gisting:www.alisacruise.com/en Alisa Cruise/Junior Suite

Dagur 16 - Halong flói

6. október / sunnudagur.  Halong flói

Að loknum morgunverði verður boðið upp á ,,Taichi-afslöppun“ á sólarþilfari skipsins og svo verður boðið upp á siglingu á minni bát og skoðaðir hellar og önnur náttúruundur. Hádegisverður og kvöldverður um borð.

Dagur 17 - Halong flói, Hanoi, heimflug

7. - 8. október / mánudagur / þriðjudagur. Halong flói – Hanoi – heimflug

Eftir morgunverð er siglt í land og ekið til baka til Hanoi. Í Hanoi er frjáls tími. Sameiginlegur kvöldverður áður en haldið er út á flugvöll.

Flug til Frankfurt kl. 22:30 og lent í Frankfurt  þann 8.október kl. 06.00. 

Ekið frá flugvelli á hótel á Frankfurt flugvelli og dvalið þar fram að hádegi. Flogið til Keflavíkur með Icelandair kl. 14.00 og lent í Keflavík kl. 15.35.

Deila núverandi vefslóð með tölvupósti