Sólarferð
Borgarferð
Golfferðir
Hreyfiferðir
Sérferðir
Sportferðir
Siglingar
Flugsæti

Víetnam

Keflavík – Frankfurt / Heidelberg – Saigon – Hue – Hoian – Hanoi – Halong Bay – Frankfurt – Keflavík 

Fararstjóri:  Árni Hermannsson

Einstaklega áhugaverð ferð 20. mars í 17 nætur til Víetnam sem býður uppá stórkostlega og ógleymanlega upplifun ásamt ótrúlegri sögu lands og þjóðar. Landið er einstaklega fagurt og gróðursælt með skógiklæddum fjöllum, gróskumiklum hrísgrjónaökrum, fossum og lækjum. Heimamenn taka einstaklega vel á móti ferðamanninum og hvarvetna má sjá brosandi andlit.

Í upphafi ferðar er flogið til Frankfurt og gist í bænum Heidelberg rétt sunnan við Frankfurt. Daginn eftir er flogið til Ho Chi Minh City (Saigon) í suðurhluta Víetnam og dvalið þar í 4 nætur.

Frá Saigon er flogið til Danang og ekið til Hoian og dvalið þar í 5 nætur á fallegu hóteli við ströndina. Hoian er afar áhugaverður staður og er á heimsminjaskrá UNESCO.

Þá er dvalið í 3 nætur í höfuðborginni Hanoi. Að lokum er ekið til Halongflóa en þaðan er farið í 2 nátta siglingu með dæmigerðum bát heimamanna en það er sem ævintýri líkast að sigla á milli stórfenglegra kalksteinsklettanna og fallegra sandstranda.

Fjölmargar áhugaverðar kynnisferðir eru innifaldar í ferðinni og þess ávallt gætt að heimsækja áhugaverða sögulega staði en einnig að njóta alls þess sem þetta fallega land hefur uppá að bjóða.

Innifalið: Flug, skattar, innrituð 23kg taska með Icelandair og 30kg með Vietnam Airlines, gisting í 1 nótt í Heidelberg m/morgunmat. Gisting í 14 nætur á 4* hótelum í Víetnam m/fullt fæði innifalið. Kynnisferðir samkvæmt ferðatilhögun og sigling um Halong flóa. Ferðamannaáritun til Víetnam og íslensk fararstjórn. Gisting á 3* hóteli við Frankfurt flugvöll þann 6. apríl.

Ekki innifalið: Hádegisverður / kvöldverður 5. apríl.

Staðfestingargjald er 80.000 kr. á mann.

Ferðatilhögun

Dagur 1 - Flogið frá Íslandi

20. mars / þriðjudagur
Flug með Icelandair frá Keflavík til Frankfurt. Flugtak kl 07:30, lending í Frankfurt kl 12:00 að staðartíma. Ekið frá flugvelli í Frankfurt til Heildelberg, aksturinn tekur um 1 klst. Um eftirmiðdaginn er boðið uppá gönguferð um Heildelberg. Gist á Hotel Crown Plaza í Heidelberg í 1 nótt. Morgunverður innifalinn.

Dagur 2/3 – Flogið til Ho Chi Minh City

21.-22. mars / miðviku-fimmtudagur
Flug frá Frankfurt til Saigon, Ho Chi Min City. Um morguninn 21. mars er ekið frá Heidelberg um kl. 10.00. Flogið frá Frankfurt kl. 13.55 með Vietnam Airlines til Saigon. Lent að morgni þann 22. mars kl. 07.25 í Saigon, Ho Chi Min City. Eftir komuna á flugvöllinn er gengið frá ferðamannaáritunni og síðan ekið frá flugvelli á hótel. Innritun á hótel, Rex Hotel. Eftir hádegi hefst stutt kynnisferð um borgina og í lokin verður boðið upp á hið fræga kaffi Víetnama og ekið aftur á hótel. Kvöldverður á völdum veitingastað.



Dagur 4 – Kynnumst Saigon

22. mars / fimmtudagur
Eftir morgunverð verður farið í sérstaka skoðunarferð um borgina. Heimsótt verður hverfið Cho Lon en þar eimir mikið eftir af kínverski menningu. Þá er farið í Thien Hau, hof sjófarenda, og þaðan gengið um Binh Tay markaðinn. Þá heimsækum við Fito-safnið sem geymir þúsundir "lækningamuna" frá fyrstu tíð. Að hádegisverði loknum verður svo farið að gömlu forsetahöllinni, Notre Dame kirkjunni, pósthúsinu og á Ben Than markaðinn. Um kvöldið snætt á völdum veitingastað.

Dagur 5 – Cu Chi göngin

24. mars / laugardagur
Að loknum morgunverði er ekið frá hóteli og stefnt á Cu Chi borg. Þar verður skoðað hið fræga neðanjarðargangakerfi frá tímum Víetnam-stríðsins. Staðurinn er þekktur undir nafninu "Járn þríhyrningurinn" en þar áttu Víetnamar í áralöngum átökum við Bandaríkjamenn. Hluti ganganna er varðveittur og svæðið, sem nú er verndað, varpar skýru ljósi á þau átök sem heimurinn þóttist þekkja á 7. áratug síðustu aldar. Hádegisverður verður snæddur á veitingastað í nágrenninu og ekið aftur til Saigon og endað á að heimsækja Stríðsminjasafnið í borginni en þá fæst endanlega mynd af Víetnam-stríðinu. Seinni hluti dagsins er svo frjáls. Kvöldverður á hótelinu.

Dagur 6 – Óshólmar Mekong

25. mars / sunnudagur
Að loknum morgunverði verður ekið inn á óshólma Mekong fljóts en þar gefur að líta sannkallað líf á vatni! Fyrst er farið til My Tho – borg í Mekong Delta héraðinu um 80 km frá Saigon. Það búa um 230.000 manns. Þar verður stigið um borð í báta og siglt um svæðið. Heimsótt verða "eyjaþorp" þar sem skoðaðar verða framleiðsluvörur íbúanna, einkum handgerðir munir og þeirra eigið sælgæti úr kókoshnetum ásamt fjölbreytilegum ávöxtum. Hópnum verður boðið upp á smá ferðalag á hestvögnum innfæddra. Hádegisverður þar sem boðið verður upp á ýmiss konar mat sem er einkennandi fyrir svæðið. Haldið aftur til Saigon seinni partinn. Um kvöldið er sameiginlegur kvöldverður á veitingastað.

Dagur 7 – Ferðast til Hoian

26. mars / mánudagur
Eftir morgunverð er frjáls tími fram hádegi en þá er hádegisverður á hóteli og að honum loknum er ekið til flugvallar og flogið til Danang í miðju landsins. Þaðan er svo ekið til Hoian og innritað á hótel þar, Hoian Silk Marina. Kvöldverður á hótelinu.

Dagur 8 – Dvalið í Hoian

27. mars / þriðjudagur
Eftir morgunmat verður farið í gönguferð um hin gamla, heillandi borgarhluta Hoian en hann er á Heimsminjaskrá SÞ vegna vel varðveittra húsa og stræta og einnig þar sem borgin var mikil verslunarmiðstöð til forna. Merkir staðir eru m.a. annars Japanska brúin í borginni, kínverska verslunarhúsið og markaðurinn. Hádegisverður og seinni partinn heimsækjum við Silki-þorpið og fræðumst um silkigerð innfæddra (og þar geta menn látið sauma á sig föt sem afhent eru daginn eftir). Seinni hluti dagsins er svo frjáls en nóg er að skoða í borginni. Kvöldverður á völdum veitingastað.

Dagur 9 – Dvalið í Hoian

28. mars / miðvikudagur
Eftir morgunmat verður boðið upp á jeppaferð um sveitirnar í nágrenni Hoian Gestum boðið að taka þátt í að planta í vatni að hætti heimamanna og fara með vatna buffalo út á hrísgrjónaakrana. Þar á eftir heimsækum við veiðimenn og tökum þátt í veiðiferð að hætti innfæddra og síðar um daginn kynnumst við handiðju innfæddra. Að hádegisverði loknum förum við í siglingu á mjög svo sérkennilegum bát sem er einkennandi fyrir þetta svæði. Þá er haldið aftur til hótels. Kvöldverður á hóteli.

Dagur 10 – Tra Que þorpið

29. mars / fimmtudagur 
Eftir morgunmat verður ekið til Tra Que þorpsins en íbúar þar eru þekktir fyrir sérstaka ræktun á mintu og basil. Þar verður gestum kynnt ræktunin og geta tekið þátt í störfum á staðnum. Síðan heimsækjum við fjölskyldu á staðnum og lærum að að matreiða "sveitarétt" staðarins, Tam Huu, sem samanstendur af rækjum, svínakjöti og kryddi. Hádegisverður snæddur á staðnum og boðið verður upp á fótanudd. Snúið til baka á hótel seinni partinn. Kvöldverður.

Dagur 11 – Frjáls dagur í Hoian

30. mars / föstudagur
Frjáls dagur. Hádegisverður og kvöldverður á hóteli.

Dagur 12 – Hin fræga Hanoi

31. mars / laugardagur
Að loknum morgunverði verður ekið til Danang til að sjá svokölluðu Marmara-fjöll sem eru afar sérkennileg og einnig verður heimsótt Cham-safnið sem geymir minjar um fyrrum þjóðflokka landsins. Hádegisverður og svo verður flogið til Hanoi (ca. 1 klst. flug) helstu borgar í N. Víetnam. Ekið frá flugvelli til hótels í miðbænum, Silk Path Hotel sem er gott hótel, frábærilega vel staðsett með tilliti til veitingastaða, bara, kaffihúsa og verslana.

Dagur 13 – Dvalið í Hanoi

1. apríl / sunnudagur
Að loknum morgunverði verður farið í dagsferð um borgina sem löngum hefur verið hjarta menningar- og stjórnmálasögu landsins. Byrjað verður á að heimsækja grafhýsi þjóðhetjunnar miklu, Ho Chi Min, og þaðan í Sögusafnið. Eftir hádegisverð verður farið í rickshaw-kerrum um hið líflega, gamla hverfi borgarinnar en þar hefur ekkert breyst um árhundruð. Rickshaw-túrinn endar við Ma May götuna sem er einkennandi fyrir 19. aldar nýlendubyggð og að lokum farið í hið fræga vatna-leikhús borgarinnar. Kvöldverður á völdum veitingastað í borginni.

Dagur 14 – Dong Ho & Bat Trang

2. apríl / mánudagur
Að loknum morgunverði kynnumst við betur handverki innfæddra. Fyrst heimsækjum við Dong Ho bæinn en þar eru menn ansi flinkir í að gera útskurðarmyndir. Þá heimsækum við Bat Trang þar sem íbúarnir eru þekktir fyrir pottagerð. Við göngum um bæinn og kynnum okkur handverkið en fjölbreytileikinn er mikill. Snúum til baka á hótelið til að snæða hádegisverð og seinni hluti dags er frjáls. Kvöldverður á veitingastað.

Dagur 15 – Siglt um Halong-flóa

3. apríl / þriðjudagur
Ökum um morguninn frá Hanoi og í austur og heimsækjum á leiðinni perluverksmiðju og perluverslun. Farið verður um borð í "júnku" sem er jafnframt lúxushótel. Siglt um flóann en flóinn og hinar háu sérkennilegu kalksteinseyjar eru eitt af náttúruundrum heims, yfir 3000 talsins. Siglt verður á smærri bátum í land og boðið verður upp á sund og kæjakferð (aukagjald). Kvöldverður um borð og lífsins notið á þessum stórkostlega stað.

Dagur 16 – Siglt um Halong-flóa

4. apríl / miðvikudagur
Að loknum morgunverði verður boðið upp á "Taichi-afslöppun" á sólarþilfari skipsins og svo verður boðið upp á siglingu á minni bát og skoðaðir hellar og önnur náttúruundur. Hádegisverður og kvöldverður um borð.

Dagur 17 – Ferðast til Íslands

5.-6. apríl / fimmtu-föstudagur
Eftir morgunverð er siglt í land og ekið til baka til Hanoi. Í Hanoi er frjáls tími áður en haldið er út á flugvöll og flogið um miðnætti til Frankfurt kl. 23.35 og lent í Frankfurt kl. 06.00. Ekið frá flugvelli á hótel á Frankfurt flugvelli og dvalið þar fram að hádegi. Flogið er heim með Icelandair frá Frankfurt kl. 14.00 og lent í Keflavík kl. 15.35.

Deila núverandi vefslóð með tölvupósti