Sól
Borg
Golf
Sérferðir
Hreyfing
Sigling
Flugsæti

Jólamarkaðir í Þýskalandi

Koblenz  –  Rüdesheim  –  Heidelberg

Aðventuferðir hafa notið mikilla vinsælda á liðnum árum og hafa öðlast fastan sess í hjörtum margra. Heimsferðir bjóða hér einstaklega skemmtilega ferð 1. desember í 5 nætur þar sem siglt er á fljótabáti á milli þriggja skemmtilegra jólamarkaða. Sérstakur ljómi umlykur aðventuna og jólahátíðina í Þýskalandi og hér er einstakt tækifæri að upplifa þá  jólastemningu sem þar ríkir. Jólamarkaðarnir hefjast í lok nóvember og eru þeir opnir fram að jólum. Þeir setja óneitanlega svip sinn á undirbúning jólanna með fagurlega skreyttum húsum og ljósum prýddum miðbæjum og torgum. Jólasöngvar óma og ilmurinn af jólaglöggi og piparkökum skapa hina fullkomnu jólastemmningu. 

Ferðin hefst á flugi til Frankfurt en þaðan er ekið til borgarinnar Koblenz. Þar er farið umborð í fljótabátinn Ms Johannes Brahms, en þar verður gist næstu 4 næturnar. Frá Koblenz er siglt til gleðiborgarinnar Rüdesheim, en siglingunni lýkur í Heidelberg þar verður dvalið síðustu nóttina.  Á öllum stöðum gefst góður tími til að skoða sig um og upplifa hina dásamlega jólastemninguna á jólmörkuðunum borganna. MS. Johannes Brahms fljótabáturinn er fallegur 3*+ bátur sem byggður var árið 1998 en báturinn tekur um 80 manns. Það eru 2 þilför á bátnum – efra og neðra þilfar en í hverri káetu er sjónvarp, öryggishólf og hárþurrka á baði. Fullt fæði er innifalið í siglingunni.

Innifalið: Flug til og frá Frankfurt, skattar, 1 taska /23 kg á mann,  sigling í 4 nætur m/fullt fæði innifalið. Gisting í 1 nótt í Heidelberg m/morgunnat innifalinn.  Gönguferðir í fylgd fararstjóra á jólamarkaði þriggja borga. Akstur til og frá flugvelli og á milli áfangastaða. Íslensk fararstjórn miðað við lágmarksþátttöku 20 manns. 

Ekki innifalið: Aðgangseyrir á söfn, aðgangur að kastalanum, tónleika og aðrar kynnisferðir.

 

Ferðatilhögun

Dagur 1 – Ferðast til Koblenz

1. desember / laugardagur

Flug með Icelandair til Frankfurt. Brottför kl. 07:35, lending kl. 12:00 að staðartíma. Ekið til borgarinnar Koblenz sem tekur um 1,5 klst. og komið þangað um eftirmiðdag. Innritun á fljótabátinn MS. Johannes Brahms.

Koblenz er ein elsta borg Þýskalands en þar búa um 110.000 manns. Við Koblenz mætast árnar frægu Mósel og Rín og nefnist staðurinn ”Þýska hornið”. Eftir innritun er haldið í gönguferð um miðborgina en þar gefst tækifæri að að skoða sig um á jólamörkuðum miðbæjarins, rölta á milli ríkulega skreyttra sölubása sem bjóða fallegar handunnum vörum og heimagerðum mat. Sjálfsagt er að bragða á hinum hefðbundna þýska jólabakstri á borð við "Stollen"-brauð/ávaxtabrauð sem finna má á hverju horni. Þýskar pylsur eru engu öðru líkar og rjúkandi ilminn af ristuðum möndlum fær enginn staðist. Kvöldverður á skipinu. Siglt frá Koblenz eftir miðnætti til Rüdesheim og komið þangað um hádegisbil á sunnudegi.

MS. Johannes Brahms.  Fallegur 3*+ fljótabátur sem byggður var 1998. Báturinn tekur um 80 manns. Það eru 2 þilför á bátnum – efra og neðra þilfar. Í hverri káetu er sjónvarp, öryggishólf og hárþurrka á baði. Fullt fæði er innifalið í siglingunni. 

Dagur 2/3 – Rüdesheim

2.-3. desember / sun-mánudagur  

Skömmu eftir hádegi sunnudags er komið til Rüdesheim. Miðbærinn er rómaður fyrir skemmtilegt yfirbragð gömul falleg bindishús og þröng heillandi stræti. Hér er tilvalið að koma við á einhverju hinna fjölmörgu veitingahúsa á  Drosselgasse, en þar er einstök jólastemning á þessum tíma árs. Fagurlega skreytt jólakofarnir bjóða alls konar skemmtilegan jólavarning, skreytingar, handverk, gjafavöru og góðgæti af ýmsu tagi. Góður dagur til að njóta aðventustemningarinnar, kíkja í verslanir, ylja sér við jólaglögg, hlusta á fallega tónlist og njóta lífsins. Kvöldverður um borð í MS Johannes Brahms. Eftir hádegi mánudagsins er siglt á ný og stefnan sett á háskólabæinn Heidelberg.

Dagur 4/5 – Heidelberg

3.-5. desember / mán-miðvikudagur 

Komið til Heidelberg aðfaranótt þriðjudags. Háskólaborg Heidelberg sem stendur við ána Neckar er að margra mati ein rómantískasta borg Þýskalands. Borgin er mikil háskólaborg og iðar af lífi. Yfir borginni gnæfir tignarlegur kastali og gamlar hallarrústirnar frá 13. öld sem eru upplýstar á kvöldin og setja rómantískan svip á borgina. Ein lengsta göngugata í Þýskalandi, Hauptstrasse, er lífæð og hjarta bæjarins með fjölda verslana, veitingastaða og iðandi mannlíf. Í Þýskalandi er almennt mjög gott að versla og Heidelberg er engin undantekning þar á. Fallegi gamli bærinn er með þröngum götum og gömlum húsum sem mörg hver hafa að geyma skemmtileg kaffi- og matsöluhús, stúdentaknæpur og smáverslanir. Siglingunni lýkur að morgni miðvikudags. 

Síðustu nóttina verður dvalið á góðu 4* hóteli í Heidelberg. Eftir innritun á hótelið verður farið í 2 klst. gönguferð um Heidelberg. Á göngu er best og skemmtilegast að kynnast gamla bænum í Heidelberg, bænum sem listamenn hafa keppst um að skrifa um, mála, lofsyngja eða dásama á annan hátt í gegnum tíðina. Þannig er borgin orðin ódauðleg og í hugum margra ein rómantískasta borg Þýskalands. Stúdentalíf, sagan, athyglisverðar byggingar, þröngar götur, áin Neckar, brýrnar, verslanir, veitingastaðir, jólastemmning og margt fleira ber á góma í göngu um bæinn. Gönguferðinni lýkur í miðbænum. Tilvalið tækifæri að taka litla lest sem gengur  upp að kastalanum sem gnæfir svo tignarlegur yfir bænum. Þaðan er gaman að njóta útsýnisins yfir borgina en einnig að skoða hallarsvæðið og berja augum eina stærstu víntunnu heims, sem þarna er að finna. Um eftirmiðdaginn er um að gera að njóta aðventustemningarinnar, kíkja í verslanir, ylja sér við jólaglögg, hlusta á fallega tónlist og njóta lífsins. Ath. Lestarferð og aðgangur að kastalanum er ekki innifalið í verði.

Gist er á Hotel Crown Plaza City Center í Heidelberg sem er gott 4* hótel staðsett í miðbæ Heidelberg. Á hótelinu er veitingahús, barir, líkamsræktarsalur, innisundlaug ásamt gufubaði og nuddpotti. Það eru  232 fallega innréttuð herbergi með gervihnattarsjónvarpi, útvarpi, öryggishólfi, minibar og hárþurrku á baði. Te og kaffi áhöld. Internet aðgengi á hóteli og á herbergjum gestum að kostnaðarlausu.

Dagur 6 – Ferðast til Íslands

6. desember/ fimmtudagur

Brottfarardagur. Eftir morgunverð er ekið til Frankfurt flugvallar, aksturinn tekur um 1 klst. Flugtak kl. 13:25, lending kl. 16:00.     

Deila núverandi vefslóð með tölvupósti