Sólarferð - Borgarferð
Golfferðir
Hreyfiferðir
Sérferðir
Sportferðir
Flugsæti

Heidelberg

Aðventuferð til Heidelberg
1. desember í 4 nætur 

Kynntu þér sérferðina til Heidelberg hér en bókun ferðarinnar fer fram á bokun.heimsferdir.is - smelltu hér!

Aðventuferðir hafa notið mikilla vinsælda á liðnum árum og hafa öðlast fastan sess í hjörtum margra. Heimsferðir bjóða uppá aðventuferð til háskólaborgarinnar Heidelberg sem stendur við ána Neckar og er að flesta mati ein rómantískasta borg Þýskalands. Borgin er mikil háskólaborg og iðar af lífi. Yfir borginni gnæfir tignarlegur kastali og gamlar hallarrústirnar frá 13. öld sem eru upplýstar á kvöldin og setja rómantískan svip á borgina. Ein lengsta göngugata í Þýskalandi, Hauptstrasse er lífæð og hjarta bæjarins með fjölda verslana, veitingastaða og iðandi mannlíf. Í Þýskalandi er almennt mjög gott að versla og Heidelberg er engin undantekning þar á. Fallegi gamli bærinn er með þröngum götum og gömlum húsum sem mörg hver hafa að geyma skemmtileg kaffi- og matsöluhús, stúdentaknæpur og smáverslanir. 

Jólamarkaðurinn í Heidelberg er með eldri og þekktari jólamörkuðum í Þýskalandi. Hann opnar í lok nóvember og er opin fram að jólum og stemmningin er aldeilis frábær. Miðbærinn er fagurlega skreyttur og ljósum prýddur og fallegar byggingar borgarinnar búa til einstaka umgjörð um jólamarkaðinn. Í fagurlega skreyttum jólahúsum má finna alls konar skemmtilegan jólavarning, skreytingar, handverk, gjafavöru og góðgæti af ýmsu tagi.

Netverð á mann
Frá kr. 127.700.-  m.v. 2 í herbergi. 
Frá kr. 159.995.-  m.v. 1 í herbergi.

Hótel í Heidelberg
Hótel Crown Plaza Heidelberg City Center**** 
Gott 4* hótel staðsett í miðbæ Heidelberg. Á hótelinu er veitingahús, barir, líkamsræktarsalur, innisundlaug ásamt gufubaði og nuddpotti. Það eru 232 fallega innréttuð herbergi með gervihnattarsjónvarpi, útvarpi, öryggishólfi, minibar og hárþurrku á baði. Te og kaffi áhöld. Internet aðgengi á hóteli og á herbergjum gestum að kostnaðarlausu. 

Innifalið: Flug til og frá Frankfurt, skattar, 1 taska /20 kg, gisting í 4 nætur með morgunverðarhlaðborði. Gönguferð í fylgd fararstjóra um Heidelberg. Akstur til og frá flugvelli og íslensk fararstjórn miðað við lágmarksþátttöku 20 manns.

Ekki innifalið: Fæði, aðgangseyrir á söfn, aðgangur að kastalanum, tónleika og aðrar kynnisferðir.

Ferðatilhögun

Dagur 1 – Flug til Frankfurt

1. des / föstudagur
Flug með Icelandair til Frankfurt. Brottför kl 07:35, lending kl 12:00 að staðartíma. Ekið frá flugvelli til Heidelberg, um klukkutíma akstur. Eftir innritun á hótel er boðið uppá stutta vettvangskönnun með fararstjóra um næsta nágrenni hótelsins.

Dagur 2 – Bæjarferð - gönguferð

2. des / laugardagur
Tveggja tíma gönguferð um Heidelberg. Á göngu er best og skemmtilegast að kynnast gamla bænum í Heidelberg, bænum sem listamenn hafa keppst um að skrifa um, mála, lofsyngja eða dásama á annan hátt í gegnum tíðina. Þannig er borgin orðin ódauðleg og í hugum margra ein rómantískasta borg Þýskalands. Stúdentalíf, sagan, athyglisverðar byggingar, þröngar götur, áin Neckar, brýrnar, verslanir, veitingastaðir, jólastemmning og margt fleira ber á góma í göngu um bæinn. Gönguferðinni lýkur í miðbænum. Tilvalið tækifæri að taka litla lest sem gengur upp að kastalanum sem gnæfir svo tignarlegur yfir bænum. Þaðan er gaman að njóta útsýnisins yfir borgina en einnig að skoða hallarsvæðið og berja augum eina stærstu víntunnu heims, sem þarna er að finna. Ath. Lestarferð og aðgangur að kastalanum er ekki innifalið í verði. Um eftirmiðdaginn er um að gera að njóta aðventustemningarinnar, kíkja í verslanir, ylja sér við jólaglögg, hlusta á fallega tónlist og njóta lífsins.

Dagur 3 – Bæjarferð - gönguferð

3. des / sunnudagur
Gönguferðin um Heidelberg verður einnig á dagskrá í dag. Farþegar hafa val um hvort þeir fari í gönguferðina á laugardegi eða sunnudegi. Fyrir þá sem ekki hyggja á gönguferð í dag er þetta góður dagur til að njóta aðventustemningarinnar, kíkja í verslanir, ylja sér við jólaglögg, hlusta á fallega tónlist og njóta lífsins.

Dagur 4 – Frjáls dagur

5. desember / mánudagur
Dagur til að njóta aðventustemningarinnar, kíkja í verslanir, ylja sér við jólaglögg, hlusta á fallega tónlist og njóta lífsins.

Dagur 5 – Flug til Íslands

6. desember / þriðjudagur  
Eftir morgunverð er ekið til Frankfurt flugvallar. Flugtak 13.25, lending kl 16:00.

Deila núverandi vefslóð með tölvupósti