Sól
Borg
Golf
Hreyfing
Sport
Sigling
Flugsæti

Líkami & Sál í Marokkó

Jóga – Heilsurækt – Dekur - Nudd – Brimbretti

Einstök 9 nátta ferð þar sem farþegum gefst kostur á að njóta lífsins á einstaklega fallegum hótelum sem standa við strandlengju Marokkó. Á hótelunum er frábær aðstaða til að næra sál og líkama í fullkominni slökun, dekri og vellíðan - allt eftir því hvað hver og einn kýs.

Flogið er beint til Agadir í Marokkó og dvalið fyrstu 6 næturnar á Paradis Plage Surf Yoga & Spa Resort og síðustu 3 næturnar á Hotel Royal Atlas Agadir. Á Paradise Plage Surf Yoga & Spa 4* er kjörið að njóta lífsins og alls hins besta sem hótelið hefur uppá að bjóða í mat, drykk og afþreyingu.

Á Paradise Plage er boðið upp á jóga, nudd, tyrknesk böð og ýmsar heilsu- og nuddmeðferðir. Fyrir þá sem vilja sörfa en eru óvanir þá er hér í boði brimbrettakennsla. Unnt er að bæta við bókun á ferðinni dásamlegum 5 daga afþreyingarpökkum en pakkarnir eru: Jóga með 5x90 mín. jógatímum. Jóga & Dekur með 5x75 mín. jógatímum, 2 arabískum böðum, 1 kornmaska og 2 slökunarnuddum 25/50 mín. Brimbrettaskóli með 5x90 mín. brimbrettatímum. Brimbretti & Jóga með 5x90 mín. brimbretta- og jógatímum. Brimbretti - Jóga & Dekur eða allur pakkinn með 5x90 mín. brimbretta- og jógatímum ásamt 2 arabískum ilmolíuböðum, 2 arabískum gufuböðum og 2x25 mín. nuddum.

Síðari hluta ferðarinnar er dvalið á Royal Atlas Agadir 4*+ í Agadir, sem er stærsti sólstrandarstaður Marokkó. Í Agadir er að finna gullna strandlengju eins langt og augað eygir en á þessum fallega stað skín sólin um 300 daga á ári.

Ferðatilhögun

Dagur 1 - Flogið til Marokkó

6. nóv / mánudagur

Flogið í beinu flugi með Primera Air til Agadir. Brottför kl. 08:15, lending í Agadir kl. 13:40 að staðartíma en enginn tímamismunur er í Marokkó og á Íslandi. Ekið frá flugvellinum til Hotel Paradis Plage Surf Yoga and Spa Resort, um 20 km akstur. Gisting og kvöldverður.

Dagur 1-5 - Yoga & Surf

6. - 12. nóv / mán-sun

Dvalið á Hotel Paradise Plage Surf Yoga and Spa****
Paradise Spa hótelið er staðsett við Atlantshafið með beinu aðgengi út á ströndina. Á hótelinu er falleg heilsulind, snyrtistofa, útisundlaug og veitingastaðir. Kjörinn staður til að njóta lífsins og alls hins besta sem hótelið hefur uppá að bjóða í mat drykk og margvíslegri afþreyingu. Hér eru 2 veitingastaðir, grillstaður, bar og kaffishús á hótelinu. Einnig er fjölbreytt afþreying í boði eins og jóga tímar, brimbretta kennsla, úrval af slökunarnuddi, tyrkneskt bað og endalaust dekur fyrir líkama og sál. Herbergin á Paradis Plage eru litlar svítur fallega innréttaðar í marokkóskum stíl ásamt svölum eða verönd með útsýni yfir garðinn eða sjóinn. Hálft fæði er innifalið í verði.

Á meðan dvalið er á Paradise Plage er unnt að auka enn á vellíðanina og iðka jóga, fara í slökunarnudd og/eða skella sér á brimbretti. Hér fyrir neðan má sjá vellíðunar- og brimbrettapakka sem í boði eru á Paradise Plage hótelinu og unnt er að bæta við bókun í bókunarferlinu.

Dagur 6 - Ekið til Agadir

12. nóv / sunnudagur

Ekið er frá Taghazout til Agadir (u.þ.b. 20 mín. akstur). Borgin Agadir stendur við hinn fallega Agadir flóa. Agadir er fyrst og fremst sólstrandarstaður og aðal aðdráttaraflið er hin breiða og gullna sandströnd. Hér skín sólin um 300 daga á ári en svæðið er umlukið fjöllum á einn veg og loftslagið því afskaplega milt og þægilegt. Notalegan andvara leggur svo frá hafi hinu megin frá, svo dagarnir verða aldrei of heitir. Strandlengjan í Agadir telur eina 9 kílómetra, en við ströndina er nýleg 6 km löng strandgata sem iðar af mannlífi, en hér er fólk að spóka sig frá morgni til kvölds, á göngu, úti að skokka eða bara sitja og horfa á mannlífið. Á aðra höndina eru veitingastaðir, hótel og barir en á hina liggur breið og falleg ströndin. Sjá nánar um áfangastaðinn Agadir á vefsíðu Heimsferða.

Dagur 6-10 - Dvalið í Agadir

12.- 15. nóv / sun-mið

Dvalið á Hotel Royal Atlas Agadir****
Flott 4* hótel staðsett á gullnum sandi Agadir strandarinnar í göngu fjarlægð frá miðbænum. Á hótelinu er heilsulind með fjölbreyttri þjónustu. Inni- og útisundlaugar og góð sólbaðsaðstaða í fallegum garði ásamt sundlaugarbar. Hér eru 4 veitingastaðir, 2 barir, setusofur, og næturklúbbur. Á hótelinu eru 338 loftkæld herbergi með gervihnattarsjónvarpi/ flatskjá, minibar og öryggishólfi. Hárþurrka á baði. Heilsunudd í boði ásamt tyrknesku baði. Í heilsulindinni er æfingasalur og gufubað. Morgunverðarhlaðborð er innifalið í verði.

Bættu við ferðina

Jóga 12.500 /mann

Ræktaðu líkama og sál

Tilvalið fyrir alla sem vilja rækta líkama og sál. Jógatímarnir fara fram í jógasetri á ströndinni  þar sem heyra má öldurnar koma að landi. Hér eru gluggar frá gólfi upp í loft og einstaklega sjarmerandi umgjörð fyrir jógaiðkandann. Jógatímarnir eru daglega í 90 mínútur. Kroll Karsten er einn af jógakennurunum, menntaður dansari og jógakennari sem kennir m.a. Yin og Yang jóga.  

Innifalið:
5x90 mín. jógatímar

Brimbretti 17.000 /mann

Sörfaðu við bestu aðstæður

Á fyrsta degi munu sérhæfðir kennarar í brimbrettaskólanum finna út á hvaða stigi þú ert í þessari íþrótt. Hver og einn er settur í prógram og á stað sem hann ræður við. Kennslan er í 90 mínútur í senn alla 5 dagana og allir þátttakendur fá lánað brimbretti og blautbúning að kostnaðarlausu.

Einn aðal kennari brimbrettaskólans heitir Tarik Wahbi og er frá Agadir. Hann þekkir svæðið betur en nokkur annar, hefur tekið þátt í mörgum alþjóðlegum brimbrettakeppnum og var á sínum tíma einn af topp 10 brimbrettamönnum Marokkó. Hann hefur þjálfað fólk í þessari íþrótt á ýmsum stöðum, var lengi vel í Frakklandi en er nú kominn á heimaslóðir og sér um brimbrettakennslu á Paradis Plage.

Innifalið:
5x90 mín. brimbrettatímar 

Jóga & dekur 23.000 /mann

Ræktaðu líkama og sál ásamt vellíðan

Tilvalið fyrir alla sem vilja rækta líkama og sál ásamt almennri líkamlegri líðan. Jógatímarnir fara fram í jógasetri á ströndinni  þar sem heyra má öldurnar koma að landi. Hér eru gluggar frá gólfi upp í loft og einstaklega sjarmerandi umgjörð fyrir jógaiðkandann. Jógatímarnir eru daglega í 75 mínútur. Í heilsulindinni er svo unnt að njóta tyrkneskra gufubaða, kornmaskameðferðar ásamt slökunarnuddi, 25 mín. og 50 mín.

Innifalið:
5x75 mín. jógatímar 
2 tyrknesk gufuböð
1 kornmaskameðferð
2 slökunarnudd, 25mín og 50mín.

Brimbretti & jóga 23.000 /mann

Frábær blanda til að ná jafnvægi

Afhverju ekki að prófa að fara á brimbretti og í jógakennslu? Í þessum pakka er boðið upp á 90 mín. brimbrettatíma og 90 mín. jógatíma alla 5 dagana.

Á fyrsta degi munu sérhæfðir kennarar í brimbrettaskóla hótelsins finna út á hvaða stigi þú ert í þessari íþrótt. Hver og einn er settur í prógram og á stað sem hann ræður við. Hægt er að fá lánað brimbretti og blautbúning/ neopreno galla.

Einn aðal kennari brimbrettaskólans heitir Tarik Wahbi og er frá Agadir. Hann þekkir svæðið betur en nokkur annar, hefur tekið þátt í mörgum alþjóðlegum brimbrettakeppnum og var á sínum tíma einn af topp tíu brimbrettamönnum Marokkó. Hann hefur þjálfað fólk í þessari íþrótt á ýmsum stöðum, var lengi vel í Frakklandi en er nú kominn á heimaslóðir og sér um brimbrettakennslu á Paradis Plage.

Í jógatímunum gefst okkur tækifæri til að rækta líkama og sál við við góðar aðstæður en jógatímarnir fara fram í jógasetri á ströndinni þar sem heyra má öldurnar koma að landi. Hér eru gluggar frá gólfi upp í loft og einstaklega sjarmerandi umgjörð fyrir jógaiðkandann. Kroll Karsten er einn af jógakennurunum, menntaður dansari og jógakennari sem kennir m.a. Yin og Yang jóga.

Innifalið:
5x90 mín. jógatímar
5x90 mín. brimbrettatímar

Brimbretti, jóga & dekur 36.000 /mann

Njóttu lífsins, taktu allan pakkann!

Fyrir þá sem hafa nóga orku og vilja upplifa allt sem er í boði, þá er þessi pakki frábær enda upplagt að nýta tímann! Farið er í 90 mínútna jógatíma og 90 mínútna brimbrettatíma alla 5 dagana en þess á milli er hægt að fara í slökunarnudd, gufubað eða marrokkóskt skrúbb.

Á fyrsta degi munu sérhæfðir kennarar í brimbrettaskóla hótelsins finna út á hvaða stigi þú ert í þessari íþrótt. Hver og einn er settur í prógram og á stað sem hann ræður við. Allir þátttakendur fá lánað brimbretti og blautbúning að kostnaðarlausu. Einn aðal kennari brimbrettaskólans heitir Tarik Wahbi og er frá Agadir. Hann þekkir svæðið betur en nokkur annar, hefur tekið þátt í mörgum alþjóðlegum brimbrettakeppnum og var á sínum tíma einn af topp 10 brimbrettamönnum Marokkó.

Í jógatímunum gefst okkur tækifæri til að rækta líkama og sál við við góðar aðstæður en jógatímarnir fara fram í jógasetri á ströndinni þar sem heyra má öldurnar koma að landi. Hér eru gluggar frá gólfi upp í loft og einstaklega sjarmerandi umgjörð fyrir jógaiðkandann. Kroll Karsten er einn af jógakennurunum, menntaður dansari og jógakennari sem kennir m.a. Yin og Yang jóga.

Í heilsulindinni er svo unnt að njóta tyrkneskra gufubaða, marokkósks skrúbbs ásamt slökunarnudds og eðalnudds.

Innifalið:
5x90 mín. jógatímar
5x90 mín. brimbrettatímar
1x tyrkneskt gufubað með ilmolíu (Sensory hammam)
1x50 mín. skrúbb með hefðbundri marókkóskri svartri sápu og gufa („Maroccan Hammam“)
1x25 mín. slökunarnudd
1x25 mín. eðalnudd fyrir bak, háls og axlir – tilvalið til að slaka á eftir brimbrettatíma

Deila núverandi vefslóð með tölvupósti