Sól
Borg
Golfferðir
Sérferðir
Hreyfing
Sigling
Flugsæti

Cinque Terre

0

Ítalía – Cinque Terre

Vinsælasta gönguferð Heimsferða

2 brottfarir: 
20. til 27. maí & 27. maí til 3. júní 

Fararstjóri: Vilborg Halldórsdóttir

Gönguferðir um ströndina og þorpin í Cinque Terre á Ítalíu, á svæði sem býr yfir óviðjafnanlegri náttúrufegurð, menningu og sögu. Cinque Terre heitir eftir fimm þorpum sem virðast hanga utan í bröttum hlíðunum við ströndina sunnan við Genúa. Einnig verður gengið til þorpanna Levanto og  Portovenere.  Þarna mynda fallegar hafnir, fullar af litskrúðugum fiskibátum og þröngum strætum, mjög sérstaka stemmningu.

Á milli þorpanna liggur fjöldi göngustíga, ýmist um þverhníptar klettasnasir eða um iðjagrænar og ávalar hæðir þaktar vínviði og ólífuviðarlundum. Gist er á heimilislegu hóteli í einu þorpinu og farið þaðan í dagsgöngur. Gengið er í um 4 – 7 tíma á dag og flokkast ferðirnar sem léttar til miðlungserfiðar og henta því flestum sem eru í nokkuð góðu formi.

Netverð á mann:
224.995 kr. á mann í tvíbýli
264.995 kr. á mann í einbýli

Verð miðast við lágmarks þátttöku 16 manns 

Hápunktar ferðarinnar
  • Íslensk fararstjórn
  • Gisting á 3* hóteli í 7 nætur
  • Ganga - Monterosso til Levanto
  • Ganga - Monterosso til Verazza
  • Ganga - Vernazza til Cornigla
  • Ganga - Corniglia til Volastra og til Manarola
  • Ganga - Riomaggiore til Portovenere
Og margt fleira...

Ferðatilhögun

Dagur 1
Flogið til Mílanó
Flogið til Mílanó

Miðvikudagur

Flug  með Icelandair FI 592 til Malpensa á Ítalíu. Flugtak kl 13:55, lending kl 19:40 að staðartíma. Frá Malpensa  til Monterosso er um 290  km og tekur um 3,5 tíma að aka þangað. Monterosso er eitt af þorpunum í Cinque Terre. Gisting á   góðu 3* hóteli, Hotel Marina, í 7 nætur.   

https://www.hotelmarina5terre.it/

Dagur 2
Monterosso
Monterosso

Fimmtudagur

Við byrjum á rólegu nótunum og förum í létta gönguferð um bæinn okkar, þar sem við kynnumst lífinu og aðstæðum í Monterosso. Kvöldverður á hótelinu.

Dagur 3
Monterosso og Levanto
Monterosso og Levanto

Föstudagur

8.5 km - 4 klukkustundir

Leiðin liggur með fram sjónum fram hjá "Risanum" og upp á Mescohöfða þaðan sem útsýnið frá varðstöðinni og 11. aldar rústum  kenndum við einsetumanninn Heilagan Antonio er óviðjafnanlegt. Héðan liggur leiðin um furuskóga og ræktað land niður til  Levanto þaðan sem siglt er aftur til Monterosso.

Dagur 4
Monterosso – Soviore - Venazza
Monterosso – Soviore - Venazza

Laugardagur

9 km / 6 klst.  

Frá Monterosso er stefnan tekin upp úr bænum, eftir skuggsælum steintröppum sem liggja upp til klaustursins við Madonna di Soviore (415 m hæð) þaðan sem útsýnið yfir Monterosso er óviðjafnanlegt. Stoppað um stund til að njóta staðarins eða fá sér kaffibolla áður en göngunni er haldið áfram. Nú liggur leiðin eftir fáförnum göngustíg um ilmandi gróðurbreiður og víngarðana ofan við Vernazza. Héðan liggur leiðin niður að höfninni í Vernazza og  þaðan siglt aftur til Monterosso.

Dagur 5
Monterosso – Vernazza – Corniglia
Monterosso – Vernazza – Corniglia

Sunnudagur

9 km/ 4 klst.

Gangan er ein kunnasta gönguleið á Ítalíu. Leiðin liggur milli tveggja þeirra þorpa sem svæðið er kennt við, um litskrúðugar smábátahafnir, eftir göngustíg er vindur sig áfram utan í snarbröttum hlíðum yfir fagurbláu hafi. Frá Veranazza er gengið yfir til Cornigla. Frá Cornigla er lestaferð aftur til Monterosso. Kvöldverður á hótelinu.

Dagur 6
Corniglia – Volastra – Manarola
Corniglia – Volastra – Manarola

Mánudagur 

6,5 km/ 4klst. 

Frá Corniglia  liggur leiðin innan um sítrus- og ólífuvið upp til bæjarins Volastra, þaðan sem göngustígurinn vindur sig í gegnum  ægifögur vínræktarlönd og furuskóga í um 400 m. hæð. Héðan er útsýnið með ólíkindum og er þessi ganga ein af þeim ógleymanlegri. Frá Volastra er gengið niður til Manarola þorpsins og þaðan er farið með lestinni aftur til Monterosso. 

Dagur 7
Riomaggiore – Campiglia - Portovenere
Riomaggiore – Campiglia - Portovenere

Þriðjudagur 

11 km/7 klst.

Frá Riomaggiore liggur leiðin um ilmandi gróðurbreiður og vínræktarlönd upp í um 520 m hæð. Síðan liggur gönguleiðin eftir fjallshryggnum, en þaðan er víðfeðmt útsýni yfir "Skáldaflóa" og suður til Apuani Alpanna. Á leiðinni er stoppað vð kirkjuna í Monte Nero í um 300 m hæð. Síðan er haldið áfram til Campigia þorpsins þar verður gert stutt hressingar stop áður en haldið er áfram til Portovenere. Frá Portovenere er siglt með fram gjörvallri Cinque Terre ströndinni  aftur til Monterosso. Kvöldverður á hótelinu.  

Dagur 8
Heimferð
Heimferð

Miðvikudagur

Í dag kveðjum við Monterosso. Brottför frá hóteli skömmu eftir hádegi og ekið til Malpensa.

Flug með Icelandair  FI 593 til Keflavíkur. Brottför kl 20:40 lending í Keflavík kl 22:55.

Bóka ferð

Úps! Hér er bara ekkert að finna Vinsamlegast kannaðu hvort rétt lengd ferðar og/eða brottför er valin. Einnig er þér velkomið að hringja í ferðaráðgjafa okkar í síma 595-1000 fyrir nánari aðstoð

Ítalía Sjá á korti

Gjaldmiðill: Evra Tímamismunur: 2 klst. Tungumál: ítalska
Meðalhiti
8 °C janúar
8 °C febrúar
11 °C mars
14 °C apríl
18 °C maí
22 °C júní
24 °C júlí
24 °C ágúst
21 °C september
17 °C október
12 °C nóvember
9 °C desember

Innifalið í ferðinni

  • Flug
  • Flugvallaskattar
  • Innritaður farangur - 20 kg.
  • Handfarangur - 5 kg.
  • Akstur samkvæmt ferðalýsingu
  • Gisting í 7 nætur á 3* hóteli í Monterosso með morgunverði
  • 3 kvöldverðir á hótel Marina Monterosso

Ekki innifalið

  • Bátsferðir
  • Ökuferðir
  • Ferðir með kláfum
  • Valfrjálsar kynnisferðir
  • Aðgangseyrir að söfnum
  • Annað sem ekki er talið upp í leiðarlýsingu

Aðrar hreyfiferðir

Jóga á Krít
0

Jóga á Krít

2. júní í 7 nætur

Í þessari ferð mun Auður Bjarnadóttir bjóða upp á fjölbreytt jóga, hugleiðslu og slökun kvölds og morgna undir berum himni. Auður hefur mikla reynslu í jógafræðum og kennslu, hefur rekið jógasetrið í mörg ár og státar af ýmsum kennaraprófum í jóga, þar á meðal Hatha/Ashtanga-jóga, Kundalini-jóga ásamt Yoga Nidra og Yoga Therapíu.

Einnig mun Guðrún Þorsteinsdóttir, fararstjóri Heimsferða á Krít, vera gestakennari í þessari ferð en hún mun bjóða upp á tíma í tónheilun.

Í ferðinni er dvalið á fallegu 5* hóteli sem heitir Aloe Boutique Suites. Hótelið er staðsett á Almyrida svæðinu, u.þ.b. 22 km fyrir austan Chania. Aloe Boutique Suites er eingöngu fyrir fullorðna (16+) og einblínir hótelið á að gestir njóti sín í fallegu og rólegu umhverfi. Öll sameiginleg aðstaða og þjónusta er til fyrirmyndar og er hótelið tilvalið fyrir afslöppun og dekur.

Krít lætur engan ósnortinn með fegurð sinni, menningu, góðum mat og yndislegum eyjaskeggjum! Í þessari ferð gefst tækifæri á að rækta líkama og sál við frábærar aðstæður. Fallegar strandlengjur, kristaltær sjórinn, kyrrðin og góða veðrið er tilvalin umgjörð um ferð sem þessa. Fyrir utan prógramm þessarar ferðar er hægt að skoða sig um eyjuna á eigin vegum eða bóka sig í kynnisferðir sem Heimsferðir skipuleggur á Krít (ekki innifalið í verði).

Ferðin er jafnt fyrir byrjendur sem lengra komna, tilvalin ferð fyrir þá sem vilja sporna gegn streitu, hægja á sér og ná tengingu við sjálfan sig.

Uppselt
Allir geta hjólað!
0

Götuhjólaferð í Altea

4. júní – 11. júní 2020

Heimsferðir standa fyrir hjólaferð til Altea á Spáni í byrjun júní 2020. Ferðin er í viku og áhersla lögð á góðar hjólaleiðir í fallegu umhverfi og frábærum félagsskap. Hægt er að ferðast með eigið hjól út eða leigja gott hjól úti. Rafmagnsgötuhjól er einnig frábær valkostur fyrir þá sem vilja og mögulegt er að leigja þau úti. Þá geta allir hjólað saman!

Fjölbreyttar hjólaleiðir eru í nágrenni Altea og hentar svæðið hinum „venjulega“ hjólara ásamt því sem vanir hjólarar fá að njóta sín. Í þessari ferð verða tveir vanir íslenskir hjólaleiðsögumenn svo hópurinn getur hjólað saman eða í minni hópum, allt eftir þörfum og óskum hvers og eins. Hjóladagarnir verða 4-5 og dagleiðirnar frá 40 – 100 km eftir hópum og hraða. Alltaf verður stoppað á aðlaðandi veitingahúsum í hádegismat þar sem hópurinn snæðir saman og í lok dags boðið upp á stund í garðinum með teygjuæfingum og slökun.

Nánari upplýsingar veitir Elín Hrund á elin@heimsferdir.is og í síma 5951000.

Uppselt
Hvítu Þorpin
0

Gönguferð um Hvítu Þorpin

Jimera de Líbar – Montejaque – Grazalema – Genalguacil – Ronda

11. júní í 7 nætur

Gönguferð um fjalllendi Málaga og Cádiz á Spáni. Við kynnumst hinum hvítu þorpum í göngum okkar um fallegt landslag Andalúsíu, en um er að ræða þorp með litlum húsum í andalúsískum stíl sem öll eru hvítmáluð með kalki til varnar hita á sumrin. Gengið er í 3-6 tíma á dag og flokkast göngurnar undir léttar til miðlungserfiðar og henta því flestum sem eru í nokkuð góðu formi. Gist er í Ronda í 7 nætur á sjarmerandi 4ra stjörnu hóteli, Catalonia Reina Victoria (með morgunverði inniföldum). Frá Ronda er farið í dagsferðir þar sem þorp í nágrenninu eru heimsótt: Grazalema, Jimera de Libar, Montejaque og Genalguacil eru m.a. þorp sem við munum heimsækja fyrir utan Ronda. 

Það sem gerir þessa ferð sérstaka fyrir utan fegurð og sjarma þessa svæðis er að ekki er farið með stóra hópa (minnst 12 manns og mest 20 manns). Í öllum göngunum í Ronda er einnig boðið upp á veglega hressingu sem er innifalin í verði.  Fyrir utan íslenskan fararstjóra eru einnig frábærir staðarleiðsögumenn með í för þannig að það má segja að þetta sé sannkölluð lúxus gönguferð!

Athugun:
Gönguleiðir geta verið færðar um dag eða breytt ef fararstjórar telja þörf á.
Hægt er að lengja dvöl á ferð á hóteli á Costa del Sol svæðinu ef áhugi er fyrir hendi.

 

Uppselt

Deila núverandi vefslóð með tölvupósti