Sól
Borg
Golf
Hreyfing
Sigling
Flugsæti
  • Cinque Terre

Cinque Terre

Cinque Terre
Fararstjóri: Þuríður Jónsdóttir 

Cinque Terre er ein vinsælasta gönguferðin! Gönguferðir á svæði sem býr yfir einstakri náttúrufegurð, menningu og sögu.

Gönguferðir um ströndina og þorpin í Cinque Terre á Ítalíu, á svæði sem býr yfir óviðjafnanlegri náttúrufegurð, menningu og sögu. Cinque Terre heitir eftir fimm þorpum sem virðast hanga utan í bröttum hlíðunum við ströndina sunnan við Genúa. Þarna mynda fallegar hafnir, fullar af litskrúðugum fiskibátum og þröngum strætum, mjög sérstaka stemmningu.

Á millli þorpanna liggur fjöldi göngustíga, ýmist um þverhníptar klettasnasir eða um iðjagrænar og ávalar hæðir þaktar vínviði og ólífuviðarlundum. Gist er á heimilislegu hóteli í einu þorpinu og farið þaðan í dagsgöngur. Gengið er í um 4–6 tíma á dag og flokkast ferðirnar sem léttar til miðlungserfiðar og henta því flestum sem eru í nokkuð góðu formi.

Innifalið: Flug, taska, skattar, gisting á 3* hóteli með morgunverðarhlaðborði. Þrír kvöldverðir. Akstur til og frá flugvelli og íslensk fararstjórn miðað við lágmarksþátttöku 14 manns.

Ekki innifalið: Bátsferðir, valfrjálsar kynnisferðir, aðgangseyrir að söfnum, kláfum og annað sem ekki er tilgreint að ofan.

Staðfestingargjald er kr. 25.000 á mann.

Ferðatilhögun

Dagur 1 – Flogið til Ítalíu

Frá Íslandi til Monterosso
Flogið til Malpensa á Ítalíu með Icelandair. Flugtak kl. 13:50, lending kl. 19:40 að staðartíma.  

Frá Malpensa til Monterosso eru um 290 km og tekur um 3,5 klst að aka þangað. Monterosso er eitt af þorpunum í Cinque Terre.

Gisting á Hotel Marina 3* í 7 nætur.

Dagur 2 – Monterosso og nágrenni

Við byrjum á rólegu nótunum og förum í létta gönguferð um bæinn okkar, þar sem við kynnumst lífinu og aðstæðum í Monterosso. Kvöldverður á hótelinu.

Dagur 3 – Monterosso – Levanto

7 km ganga / 3 klst.
Leiðin liggur meðfram sjónum framhjá „Risanum“ og upp á Mesco-höfða, þaðan sem útsýnið frá vitanum og 11. aldar rústum kenndum við einsetumanninn heilagan Antonio er óviðjafnanlegt. Héðan liggur leiðin um furuskóga og ræktað land niður til Levanto þaðan sem siglt er aftur til Monterosso.

Dagur 4 – Monterosso – Vernazza

6 km ganga / 5 klst.
Frá Monterosso er stefnan tekin upp úr bænum, eftir skuggsælum múlasnastíg er liggur upp til bænahússins við Madonna di Soviore, þaðan sem útsýnið yfir Monterosso er óviðjafnanlegt. Leið okkar liggur eftir fáförnum göngustíg um ilmandi gróðurbreiður og víngarðana ofan við Vernazza. Héðan liggur leiðin niður að höfn þaðan sem siglt er aftur til Monterosso.

Dagur 5 – Monterosso – Riomaggiore

12 km ganga / 5 klst.
Gangan er ein kunnasta gönguleið á Ítalíu. Leiðin liggur um „þorpin fimm“ sem svæðið er kennt við, um litskrúðugar smábátahafnir, eftir greiðfærum göngustíg er vindur sig áfram utan í snarbröttum hlíðum yfir fagurbláu hafi. Göngunni lýkur á hinum svokallaða „Ástarstíg“, milli Manarola og Riomaggiore.

Kvöldverður á hótelinu.

Dagur 6 – Manarola – Corniglia

6–5 km ganga / 4 klst.
Frá Manarola liggur leiðin innan um sítrus- og ólífuvið upp til bæjarins Volastra, þaðan sem göngustígurinn vindur sig í gegnum ægifögur vínræktarlönd og furuskóga í um 400 m hæð. Héðan er útsýnið með ólíkindum og á góðum degi má sjá alla leið til Korsíku. Frá Corniglia tökum við lestina aftur til Monterosso.

Dagur 7 – Riomaggiore – Portovenere

11 km ganga / 6 klst.
Frá Riomaggiore liggur leiðin um ilmandi gróðurbreiður og vínræktarlönd upp í um 500 m hæð. Héðan liggur gönguleiðin eftir fjallshryggnum, en þaðan er víðfeðmt útsýni yfir „Skáldaflóa“ og suður til Apuani-alpanna. Frá Portovenere er siglt meðfram gjörvallri Cinque Terre ströndinni aftur til Monterosso.

Kvöldverður á hótelinu.

Dagur 8 – Flogið til Íslands

Heimferð
Í dag kveðjum við Monterosso. Brottför frá hóteli um eftirmiðdaginn og ekið til Malpensa. 

Flogið í ágúst með Icelandair. Brottför kl. 20:40 eftir miðnætti og lending í Keflavík kl. 22:55 aðfaranótt 6. september.

Gisting

Vel staðsett hótel með einstaklega hlýlegt andrúmsloft.
 
Hotel Marina er staðsett í Monterosso-þorpinu í Cinque Terre. Þetta heimilislega hótel er í gamla hluta Monterosso og í einungis 100 m fjarlægð frá ströndinni. Farþegar okkar í gönguferðum hafa dvalið hér ár eftir ár og látið afar vel af, enda verður andrúmsloftið hér eins ítalskt og hugsast getur.
 
Á hótelinu er veitingasalur þar sem morgunverður er framreiddur af hlaðborði og einstaklega fallegur „sítrusgarður“ eða Lemon garden þar sem gestir hótelsins geta slakað á með fallegt útsýnið allt um kring.

Herbergin eru mjög hlýleg, öll með baðherbergi, hárþurrku, gervihnattasjónvarpi, minibar, síma og loftkælingu.
 
Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.
 
Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.
 
Gott hótel á yndislegum stað!

Um gistinguna
Fjarlægð frá miðbæ 0 m
Fjarlægð frá strönd 100 m
Garður
Loftkæling
Lyfta
Minibar Já, gegn gjaldi
Móttaka Já, allan sólarhringinn
Sími
Sjónvarp í herb/íbúð
Sundlaug
Veitingastaður

Kort

SÍA LEITARNIÐURSTÖÐUR

Leitarniðurstöðusýn

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Farþegar

Dagatal

Sjá leitarniðurstöður sem
Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 7