Novo Sancti Petri

Tveir 18 holu vellir, þar af 27 holur hannaðar af meistara Severiano Ballesteros.

Novo Sancti Petri golfsvæðið
Golfsvæðið Novo Sancti Petri er í Andalúsíu á Spáni við strönd Atlantshafsins. Á ströndinni eru glæsilegir golfvellir við hæfi allra kylfinga, æfingasvæði og nýuppgert 4* hótel með líkamsrækt. Novo Sancti Petri er draumur hvers kylfings því að það samanstendur af snilldarlega hönnuðu golfsvæði með tveimur 18 holu keppnisvöllum, stuttum æfingaholum  og fullkomnu æfingasvæði, hóteli, líkamsrækt og strönd, allt á sama stað.  Fyrir þá sem vilja prófa aðra golfvelli eru meira en 14  glæsilegir golfvellir í næsta nágrenni. Þeir sem vilja skoða meira en golfvelli hafa úr nægu að velja því að aðeins er 30 mínútna akstur til borgarinnar Jerez og 15 mínútna akstur til hinnar sögufrægu borgar Cadiz og fleiri bæja þar sem frábært er að njóta mannlífsins og menningarinnar.

Golfvellirnir
Novo Sancti Petri golfsvæðið býður upp á mikla fjölbreytni. Þar eru tveir 18 holu golfvellir sem skiptast í strandbrautir, hefðbundnar skógarbrautir, vatnabrautir og brautir sem bjóða upp á fallegt útsýni yfir Atlantshafið. 27 af 36 brautum eru hannaðar af snillingnum Severiano Ballesteros og er Novo Sancti Petri fyrsti völlurinn sem hann hannaði. Síðan þá hefur hann hannað marga fræga velli.
Æfingasvæðið er mjög gott og er þar mikið pláss með bæði grasi og mottum. Á æfingasvæðinu eru minni svæði fyrir löng og stutt vipp, sandgryfjuhögg og einnig eru þar góð púttsvæði. Stuttar æfingabrautir  eru einnig á svæðinu. Klúbbhúsið er rúmgott og vinalegt og öll önnur aðstaða er til fyrirmyndar. Kíktu nánar á Novo Sancti Petri golfsvæðið hér!

Hotel Iberostar Royal Andalus ****
Hótelið er staðsett á frábærum stað við Atlantshafsströndina en á hótelinu eru 413 herbergi á 3 hæðum. Fjölbreytt aðstaða og þjónusta er á hótelinu, s.s. stórar setustofur, hársnyrting, fundarherbergi, líkamsrækt, snarlbar, kaffitería og veitingastaðir. Á 60.000 fm svæði eru 2 stórar sundlaugar, barnalaugar og aðstaða til slökunar og sólbaða. Við hótelið er glæsileg baðströnd og á hótelinu er hægt að leigja strandsólbekki. Einnig er þarna fjölbreytt tómstunda- og íþróttaaðstaða í boði, bæði á hótelinu og í nágrenninu.

Innifalið í verði ferðar:      
Beint leiguflug til og frá Jerez Flutningur á golfsettum  Gisting með morgunverði og kvöldverði, allir drykkir innifaldir eftir kl.18  Golfkerrur 
Flugvallarskattar  Rútur til og frá flugvelli  Ótakmarkað golf nema brottfarardaga Fararstjórn

Bókaðu

Kort

Click to view the location of the hotel
Sól
Borg
Golfferðir
Sérferðir
Hreyfing
Sigling
Flugsæti

Deila núverandi vefslóð með tölvupósti