Costa Ballena

Heimsferðir bjóða glæsilegar golfferðir vor og haust til eins af bestu golfsvæðum Evrópu, Costa Ballena á Spáni, sem óhætt er að segja að slegið hafi í gegn meðal íslenskra kylfinga sem þangað hafa farið.

Lagt er upp með að allar aðstæður til golfiðkunar og öll umgjörð, s.s. gisting, fararstjórn og þjónusta, séu fyrsta flokks. Fyrir þá sem vilja prófa aðra golfvelli eru meira en 14 glæsilegir golfvellir í næsta nágrenni. Fyrir þá sem vilja skoða meira en golfvelli er aðeins 20 mínútna akstur til borgarinnar Jerez og einnig er stutt til hinnar sögufrægu borgar Cadiz og fleiri bæja þar sem frábært er að njóta mannlífsins og menningarinnar.

Golfsvæðið Costa Ballena
Golfsvæðið er hannað af tvöfalda US Masters meistaranum Jose María Olazabal. Golfvöllurinn er 27 holur auk 9 holu par-vallar. Svæðið er eitt stærsta og best útbúna kennslu- og æfingasvæði á Spáni og er við ströndina. Æfingasvæðið er flóðlýst og geta 140 manns verið við æfingar í einu. Við æfingasvæðið er stór og góð púttflöt þar sem hægt er að æfa allar tegundir af púttum, auk vippsvæðis, þar sem hægt er að æfa högg frá 5 metrum upp í 80 metra ásamt glompuhöggum.

Par-3 holu völlurinn
Vötn koma ítrekað  við sögu á þessum litla en skemmtilega velli. Hann liggur við ströndina og er með glæsilegum og krefjandi holum. Stysta brautin er 100 metrar og lengsta brautin er 180 metrar.

Klúbbhúsið
Á Costa Ballena er klúbbhúsið vel staðsett með veitingastað, bar og verönd með útsýni yfir æfingasvæðið og ströndina. Í klúbbhúsinu er líkamsræktaraðstaða, gufuböð, nuddpottar og fín golfverslun. Vellirnir bjóða upp á alvörugolf fyrir alla kylfinga en eru fremur sléttir og þægilegir að ganga á.
Kíktu nánar hér á golfvöllinn og aðstöðuna: http://www.ballenagolf.com

Matvöruverslun og verslunarmiðstöð
Í næsta nágrenni við hótelið er stórmarkaður þar sem verð á vatni og vistum er mjög gott. Flestir af okkar farþegum nýta sér skutluþjónustu okkar en við bjóðum upp á reglulegar ferðir í matvörubúðina. Einnig er í 10 mínútna akstursfjarlægð nýleg verslunarmiðstöð og margir hafa nýtt sér skutluþjónustu þangað og gert góð kaup. Þar er að finna margar fínar búðir eins og t.d. H&M, Zara, íþróttavöruverslanir, verslanir með leður og gull svo eitthvað sé nefnt.

Hotel Barcelo Golf and Spa – Costa Ballena ****
Glæsilegt hótel með heilsulind sem opnaði í júní 2005. Hótelið er í 3 mínútna göngufæri við golfskálann og býður upp á fullkomna slökun eftir afrek dagsins, einnig er falleg strönd í 500 metra fjarlægð frá hótelinu. Öll herbergi eru með sjávarsýn og útsýni yfir golfvöllinn. Herbergin eru með góðum baðherbergjum með hárþurrku, loftkælingu, síma, internettengingu (Wi-Fi), gervihnattasjónvarpi, minibar, öryggishólfi og svölum. Góð heilsulind er á hótelinu ásamt margvíslegri þjónustu. Tvær sundlaugar eru í garðinum.

Innifalið í verði ferðar:       
Beint leiguflug til og frá Jerez Flutningur á golfsettum  Gisting með morgunverði og kvöldverði  Golfkerrur og æfingaboltar 
Flugvallarskattar  Rútur til og frá flugvelli  Ótakmarkað golf nema brottfarardaga  Fararstjórn 
Golfskólinn er starfræktur á Costa Ballena      

Golfskóli

Golfskólinn þinn hefur verið leiðandi í golfkennslu Íslendinga erlendis frá árinu 1997. 

Á Costa Ballena er starfræktur 6 daga golfskóli ásamt minni námskeiðum sem hægt er að bóka sig í eftir að út er komið. Einnig bjóða kennarar upp á einkatíma. Kennarateymið er skipað Magnúsi Birgissyni (PGA-SPGA), Sigurði Péturssyni (PGA-SPGA) og Ragnhildi Sigurðardóttir (PGA) ásamt fjölda reyndra gestakennara. 

Yfir 4400 nemendur hafa lært golf í golfskólum á þeirra vegum í Portúgal og á Spáni. 

Skólinn hefur síðan vorið 2006 verðið staðsettur á Costa Ballena en aðstæður á Costa Ballena fyrir golfkennslu eru hreint út sagt frábærar sem eykur gæði kennslunar. Gæði, reynsla og frábærar aðstæður gera það að verkum að þú verður ekki svikinn að því að setjast á skólabekk syðst í Andalúsíu og nema golfíþróttina í heila viku.

Unnt er að bæta golfskólanum við bókunina á síðasta stigi bókunar á Costa Ballena golfferð.

Bókaðu

Kort

Click to view the location of the hotel
Sól
Borg
Golfferðir
Sérferðir
Hreyfing
Sigling
Flugsæti

Deila núverandi vefslóð með tölvupósti