Sól
Borg
Golfferðir
Sérferðir
Hreyfing
Sigling
Flugsæti

Golftvenna

0
Uppselt
Tilbaka

GISTING & VERÐ

  • Farþegar
Hætta við Brottfararstaður
Frá
 
Veldu brottfarardagsetningu
Meðalverð á mánuði
Hætta við Lengd
Lengd
Hætta við Farþegar

Lýsing

Tvö glæsileg hótel við einhverja skemmtilegustu golfvelli suður Andalúsíu á frábæru kynningarverði

Í haust, nánar tiltekið dagana 24.sept - 04. okt, ætla Heimsferðir að bjóða upp á glæsilega golftvennu til suður Andalúsíu á Spáni.

Um er að ræða 6 nætur á Fairplay Golf & Spa Resort og 4 nætur á Aldiana hótelinu við Alcaidesa golfvellina.

Fairplay Golf & Spa Resort*****, (nýr áfangastaður Heimsferða)
Hótelið er staðsett í suður Andalúsíu rétt um klukkustund frá Gíbraltar. Á hótelinu er að finna alla þá þjónustu sem búast má við af nútíma 5 stjörnu hóteli, glæsileg verðlauna heilsulind, útisundlaug, líkamsrækt og afar fallega innréttuðum Double Superior herbergjum með svölum.

Á hótelinu eru einnig 3 glæsilegir veitingastaðir en hótelið er byggt eins og lítill hvítur Spænskur bær með fallegum stígum og torgum milli húsa. Innfalið í verðinu er morgunverður og kvöldverður á glæsilegu hlaðborði Los Acebuches veitingastaðsins auk þess sem local áfengir drykkir, gos og vatn eru einnig innifaldir.

Glæsilegur 18 holu golfvöllur
Golfvöllurinnn liðast um fallegt miðjarðarhafs landslag þar sem ólífurunnar, kork og furutré ásamt vötnum og útsýni yfir Alcornocales þjóðgarðinn gera upplifunina ógleymilega. Völlurinn hentar kylfingum af öllum getustigum og æfingasvæðið er upplagt til að skerpa á golftækninni enda eru æfingaboltar innifaldir í verði. Starfsfólk golfverslunarinnar tekur vel á móti okkur en þar er hægt að leigja golfbíl og versla það helsta sem kylfingum vantar.

Hotel Aldiana**** 
Hótelið, sem samanstendur af 19 húsum, hverju með 16 herbergjum, er staðsett við Miðjarðarhafið með stórkostlegu útsýni yfir á Gíbraltarklettinn. Aldiana er þýsk hótelkeðja sem gerir mjög miklar kröfur um að matur og allur aðbúnaður sé eins og best verður á kosið. Á svæðinu eru m.a. 10 tennisvellir, líkamsræktarstöð, innisundlaug, gufubað, 2 útisundlaugar, leikhús, næturklúbbur o.fl. Dagskrá er fyrir börn og unglinga allan daginn en á kvöldin eru skemmtisýningar í leikhúsinu og annað hvort lifandi tónlist eða diskótek við barinn á kvöldin en allir drykkir eru innifaldir. Á fimmtudagskvöldum er „gala-kvöld“ á hótelinu eða „black and white kvöld“ og er þá óskað eftir að sem flestir mæti í einhverju svörtu og hvítu – en, það er þó alls engin skylda.  Örstutt er síðan niður á mjög góða strönd þar sem hægt er að synda eða ganga klukkustundum saman í flæðarmálinu en sjórinn þarna er einstaklega tær. 

Golfvellirnir og klúbbhúsið eru á hæð fyrir ofan hótelið og því sér hótelið og golfvöllurinn um að skutla kylfingum hnökralaust á tveimur 8 manna skutlum upp í klúbbhús og til baka reglulega, eða á u.þ.b. 10-15 mínútna fresti. Kylfingar geta á morgnana smurt sér brauð og tekið með sér ávexti og vatn út á golfvöll. Sérstakur „golfers lunch“ er líka á hótelinu  kl. 14-17 á daginn. Vinsamlega athugið að það er ekki hraðbanki á Alcaidesa en hægt er að fá evrur á hótelinu gegn 4% þóknun.

Tveir glæsilegir golfvellir 
Alcaidesa Links golfvöllurinn er ein af golfperlunum á Costa del Sol. Völlurinn var hannaður af Peter Ellis árið 1992 og hefur fengið margar viðurkenningar sem einn af bestu links-völlum á meginlandi Evrópu. Völlurinn liggur að hluta til meðfram 2 km langri Miðjarðarhafsströndinni með stórkostlegu útsýni yfir hafið og Gíbraltarklettinn. 
Alcaidesa Heathland golfvöllurinn er meira hæðóttur innanlandsvöllur með breiðum brautum, vötnum og einstöku landslagi. Margir telja að hann sé síst síðri en links-völlurinn. 

Innifalið í verði ferðar:
- Flug til Malaga og frá Jerez
- Flutningur á golfsettum
- Flugvallaskattar
- Rútur til og frá flugvelli og milli Fairplay og Alcaidesa

Ótakmarkað golf nema á brottfarardegi
FAIRPALY GISTING:     - Gisting í 6 nætur með morgunverð, kvöldverð og innlendum drykkjum í Double Superior herbergi með svölum

FAIRPLAY GOLF:          - Ótakmarkað golf í 6 daga, æfingaboltar og kerra

ALCAIDESA GISTING:  - Gisting í 4 nætur með öllu inniföldu

ALCAIDESA GOLF:       - Ótakmarkað golf í 3 daga, golfbíll 27 holur á dag og æfingaboltar

Fararstjórn á báðum hótelum

KYNNINGARVERÐ: 279.900kr í tvíbýli á mann // 309.900kr í einbýli


Deila núverandi vefslóð með tölvupósti