Sól
Borg
Golfferðir
Sérferðir
Hreyfing
Sigling
Flugsæti

Zagreb

Zagreb er höfuðborg Króatíu og ein stærsta borg landsins. Borgin er lífleg og kemur á óvart, en skiptist í þrennt; þúsund ára gamla Gornji grad (efri bæinn), nítjándu aldar gamla Donji grad (neðri bæinn) og svo hið nútímalega Novi Zagreb svæðið (nýja Zagreb). Víða um Zagreb eru torg og opin svæði og hér átt þú eftir að sjá hvernig gamli tíminn mætir nýja tímanum. Mannlífið er engu líkt og menningin er heillandi. Sögulegar minjar er að finna innan um skýjakljúfa í borginni en mögnuð mannvirki eru á hverju horni.

Í hjarta borgarinnar í Gornji grad (efri bænum) er að finna forsetahöllina, tvíturna dómkirkjuna, hina þekktu St. Mark´s kirkju með litríka flísalagða þakinu, króatíska stjórnarráðið auk fjölda safna og listasafna sem er að finna í fallegum göngugötum. Þá er þar einnig að finna göngugötuna Ul. Ivana Tkalčićeva með fjölda útikaffihúsa og sérverslana en það er dásamlegt að ganga um götuna.

Í Donji grad (neðri bænum) er að finna aðaltorgið, Ban Jelačić, en þar eru gjarnan settir upp útimarkaðir. Þá er þar fjöldi verslana, veitingahúsa, kaffihúsa og garða ásamt aðalverslunargötunni Ilica. Rétt við aðalverslunargötuna er 360° útsýnisturninn og skammt frá er safnið um Broken Relationships.

Novi Zagreb (nýja Zagreb) myndaðist eftir seinni heimsstyrjöldina en var reistur fjöldi háhýsa og íbúðablokka, svæðið gæti verið áhugavert fyrir þá sem vilja skoða arkitektúrinn.

Zagreb er gjarnan kölluð "borg safnanna" en hér eru mörg áhugaverð söfn, t.d. Croatian Naive Art safnið, Mestrovic safnið og áðurnefnda Broken Relationships safnið. Þá er hér einnig að finna nokkurn fjölda listasafna sem bjóða upp á sýningar yfir gamla og nýja list. 

Hér er menningar- og menntamiðstöð landsins og þar er m.a. lista- og vísindaakademíur og Zagrebháskóli, sem var stofnaður árið 1669. Leikhúslíf og tónlist er í hávegum höfð í Zagreb og mælum við með því að þú heimsækir þjóðleikhúsið þar í borg en það er í nýbarokkbyggingu.

Það er hagstætt að versla í borginni en aðalverslunargatan í miðbænum er Ilica Street og þá eru einnig verslunarmiðstöðvar víðs vegar um borgina. Helstu verslunarmiðstöðvarnar eru City Center One West, Avenu Mall og Arena Center en í þeim má finna um 120-200 verslanir - Arena Center er með flestar.

Íbúar Zagreb eru um 790 þúsund og þykja hjálplegir og vinalegir og enska er töluð víða. Verðlagið er hagkvæmt og er því tilvalið að gera vel við sig í mat og drykk. Fjölmargir frábærir veitingastaðir eru hér sem bjóða upp á allt það sem hugurinn girnist. Við mælum með því að þú gerir eins og heimamennirnir - finnir þér gott kaffihús og horfir á heiminn líða hjá á meðan þú njótir hinnar gómsætu króatísku matargerðar.

Njóttu þess að ganga um fallegar götur í borginni og andaðu að þér menningu hennar. Upplagt er að njóta þeirra merkisstaða sem Zagreb hefur upp á að bjóða með því að nýta sér góðar samgöngur en sporvagnar og lestar ganga víða ásamt strætisvögnum. Hér eru túristarútur sem ganga allan daginn en hægt er að fara í þær og úr þeim þegar hentar.

Oft er besta upplifunin fengin með því að ganga um göturnar og virða fyrir sér byggingalistina og sögu borgarinnar, t.d. í gamla bænum, en þar er Lortscak turninnn og Dolac markaðurinn og hinar töfrandi götur, Mesnicka og Tkalčićeva.

Í borginni er gott að njóta lífsins og hin einstaka blanda miðalda turna, 19. alda halla, útimarkaða, forna kirkja, torga og fjöldi safna og útikaffihúsa gera Zagreb að hinni fullkomnu borg að kanna í helgarferð.

Finndu ferðina þína

SÍA LEITARNIÐURSTÖÐUR

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Aðstaða

Stjörnumat

Farþegar

Dagatal

Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 4

Kort

Click to view the location of the hotel

Kynnisferðir

Kynnisferð um Zagreb

Um 3 klst ferð 

Zagreb er ein stærsta borgin í Króatíu og er þar margt fallegt og merkilegt að sjá.

Farþegar eru sóttir með rútu á hótelin og ekið að Ban Jelacic torginu. Þaðan er gengið í gegnum miðbæinn þar sem við byrjum á að skoða The scale model sem er skemmtilegt líkan af borginni. Göngum að Dómkirkjunni en Dómkirkjan í Zagreb er hæsta bygging í Króatíu og einstakur minnisvarði um gotneskan arkitektúr. Göngum um Gradec hverfið og í gegnum markaðinn á torginu og að Tkalciceva stræti þar sem alltaf er líf og fjör. Markaðstorgið er staður fólksins, þarna kennir ýmissa grasa og prýða margir básar tréleikföng eða dúka sem bera mark sitt af sögu Króatíu. Við höldum leiðinni áfram að The Stone gate en þar er margt að skoða eins og Saint Mark kirkjan, þinghúsið ofl. Við göngum svo að hinu áhugaverða safni Museum of Broken Relationships, Church of Catherine, Tower Lotrscak og Strossmayer göngugötunni svo fátt eitt sé upp talið.

Ferðinni lýkur í miðbænum.

Innifalið í verði: Rútuferð og íslensk leiðsögn.

Lágmarksþátttaka í ferð með íslenskumælandi fararstjóra er 20 manns. Bóka þarf kynnisferðir á Íslandi í síðasta lagi 7 dögum fyrir brottför. ATH! Uppselt getur verið í ferðina fyrir þann tíma.

Farþegar fá upplýsingar um brottfaratíma frá hóteli í kynnisferðirnar hjá fararstjórum við komu í Zagreb.

Rastoke and Plitvice

Um 11 klst ferð

Við hefjum ferðina á 2 klst akstri til Rastoke. Rastoke er fallegt þorp stutt frá bænum Slunj. Allt umhverfis Rastoke eru kristaltærar ár og fallegt landslag. Við stöldrum hér við stutta stund og göngum um. Skoðum vel varðveittar myllur, einstakt landslag og falleg hús sem einnig hafa varðveist vel í þessu fallega umhverfi. Ferðinni er þá áfram haldið til Plitvice. Plitvice þjóðgarðurinn er einn sá elsti í Suðaustur Evrópu og sá stærsti í Króatíu.

Við förum hér í góðan göngutúr um þennan mikilfenglega skrúðgarð sem inniheldur meðal annars 16 stöðuvötn og fjölda fossa. Við förum um borð í rafknúinn bát og litla lest en frá lestinni gefst frábært tækifæri til að munda myndavélina 😊

Heilsdagsferð sem inniheldur talsverða göngu, hér er því gott að hafa með sér góða skó til göngu og hafa í huga að gangan er ekki fyrir þá sem eiga erfitt með gang eða lengri göngutúra. Talsvert er um tröppugang.

 

Innifalið í verði: Rútuferð og íslensk leiðsögn, aðgöngumiði í Rastoke og Plitvice garðana og hádegisverður (ath drykkir ekki innifaldir).

 

 

 

 

Lágmarksþátttaka í ferð með íslenskumælandi fararstjóra er 20 manns, en bóka þarf kynnisferðir á Íslandi í síðasta lagi 7 dögum fyrir brottför.  Ath! uppselt getur verið í ferðina fyrir þann tíma.

 

Farþegar fá upplýsingar um nákvæman brottfaratíma frá hóteli í kynnisferðirnar hjá fararstjórum við komu í Zagreb

Varaždin & Trakošćan

Um 8 klst ferð

Þessi ferð er á topp 10 lista yfir vinsælustu kynnisferðir frá Zagreb og svo sannarlega þess virði að taka þátt í. Ekið er eftir vestur hluta Zagreb í gegnum einstaklega fallegt landslag og græn svæði þar sem blasa við vínekrur, kirkjur og kastalar. Við ökum eftir  Hrvatsko Zagorje svæðinu en þar er að finna yfir 50 kastala, margir umkringdir fallegum listigörðum. Hrvatsko Zagorje er þekkt fyrir gerð fallegra tréleikfanga en sú framleiðsla á sér langa sögu og eru þessi leikföng til að mynda á lista heimsminjaskrá UNESCO. Því næst er ekið að Trakošćan kastalanum. Þessi þrettándu aldar kastali trónir í allri sinni dýrð efst á toppi hæðar. Hér stoppum við og skoðum meðal annars fallegar minjar á safni sem er innan veggja kastalans. Aðgöngumiði í kastalann er innifalinn í verði. ATH það er á brattan að sækja í göngu upp að kastalanum og ekki fyrir þá sem eiga erfitt með gang.

Við endum á að skoða Varaždin. Varaždin er í um 70 km fjarlægð frá Zagreb og er einn best varðveitti bær Króatíu. Allur bærinn er í Barokk arkitektúr og gengur gjarnan undir nafninu Barrokk bærinn.Takið endilega eftir nöfnum kránna 😊

Innifalið í verði: Rútuferð, íslensk fararstjórn og aðgöngumiði í Trakošćan kastalann.