Sól
Borg
Golfferðir
Sérferðir
Hreyfing
Sigling
Flugsæti

Verona

Ein elsta og fegursta borg Ítalíu - borg frægustu elskenda allra tíma - Rómeó og Júlíu

Verona er ein elsta og fegursta borg Ítalíu, borg menningar, lista, tísku og ekki síst rómantíkur.
Hringleikahúsið fræga í borginni, Verona Arena, er frá 1. öld og í sama byggingarstíl og Colosseum í Róm en þar eru settar upp óperusýningar á sumrin. Innviðir hringleikahússins hafa varðveist að fullu en útviðirnir urðu fyrir skemmdum í jarðskálfta árið 1117.

Verona er í héraðinu Veneto á norðanverðri Ítalíu. Áin Adige rennur í gegnum borgina sem í búa um 270 þúsund manns. Vegna legu sinnar við mikilvæga samgönguleið milli Alpanna og Pósléttunnar varð Verona snemma hluti af hinu mikla Rómarveldi og geymir enn margar stórkostlegar minjar frá þeim tíma. Þekktust er Arenan, hringleikahúsið fræga, þar sem óperusýningar á heimsmælikvarða eru settar á svið undir berum himni á sumrin.

Á 13. öld komst Scaligeri ættin til valda og réð ríkjum í hartnær eina og hálfa öld. Fjölskyldan gerði Verona að metnaðarfullri höfuðborg sem varð að einni helstu menningar- og listamiðstöð landsins. Á þessum tíma gerðist sagan um Rómeó og Júlíu sem Shakespeare gerði ódauðlega í verki sínu. Svalir Júlíu eru enn á sínum stað og einnig hallir Scaligeri-fjölskyldunnar og ýmsar glæsibyggingar og listaverk sem setja svip sinn á miðborgina. Fjöldi ferðamanna flykkist árlega til Verona til að njóta menningarverðmæta, lista og sögu eða til að rápa á milli glæsilegra verslana eða veitingahúsa og njóta hins besta í mat og drykk.

Matur og drykkur
Fjöldi góðra veitingastaða er í Verona. Borgarbúar eru ekki eingöngu miklir matgæðingar, líkt og aðrir Ítalir, heldur eru þekkt vínræktarsvæði og mikil ávaxta- og grænmetisrækt ásamt kjötvinnslu í næsta nágrenni borgarinnar. Allt þetta stuðlar að frábærri matargerðarlist.

Samgöngur
Í Verona er lestarstöð og ágætar lestarsamgöngur í allar áttir Frá kl. 6.10 - 23.00 fara rútur á 20 mínútna fresti milli flugvallar og lestarstöðvarinnar Porta Nuova í Verona og leigubílar eru ávallt til taks. Verona er mjög vel staðsett til að ferðast frá um alla Ítalíu eða til Austurríkis, Sviss, Frakklands, Slóveníu eða Króatíu.

Nokkrar vegalengdir frá Verona til viðmiðunar:
Peschiera við Gardavatn: 25 km

Feneyjar: 120 km
Rimini: 250 km
Milano: 165 km
Bologna: 140 km
Róm: 550 km

Finndu ferðina þína

SÍA LEITARNIÐURSTÖÐUR

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Aðstaða

Stjörnumat

Farþegar

Dagatal

Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 4

Saga & listaverk á hverju horni

Fyrir unnendur sögu, menningar og lista er Verona gósenland.

Hér eru örfá dæmi um hinar fjölmörgu minjar í Verona sem allir verða að skoða:

Arena
Hið 2000 ára gamla rómverska hringleikahús við Piazza Bra. Á sumrin eru þar reglulega, undir berum himni, óperusýningar á heimsmælikvarða, sem enginn ætti að missa af. Einstök upplifun.

Piazza Erbe
Einstaklega töfrandi torg í gamla bænum með fögrum byggingum og líflegum markaði. Hérna var Forum Romanum til forna.

Piazza dei Signori
Þetta torg prýðir glæsilegar byggingar, m.a. höll og íburðarmiklar grafir Scaligeri-fjölskyldunnar. Á miðju torginu er stytta af hinum eina sanna miðaldaritsnillingi Dante. Notalegt kaffihús kennt við hann er við torgið.

Castelvecchio-kastali
Kastalinn er frá 14. öld. Nú er þar stórkostlegt listaverkasafn.

Duomo-dómkirkjan og St. Anastasia
Merkilegar kirkjur með sögu allt frá 12. og 13. öld.

Casa di Giulietta
húsið hennar Júlíu með svölunum frægu, er við Via Cappello og Casa di Romeo, heimili Rómeó, er skammt undan.

Tomba di Giuletta
Gröf Júlíu, er ásamt Freskusafninu við Via Shakespeare.

San Zeno Maggiore
Talin ein fegursta kirkja Norður- Ítalíu í rómönskum stíl. Sérlega merkileg er útihurðin með „biblíu fátæka mannsins“, meistaraverk frá 11. og 12. öld.

Madonna di Lourdes
Pílagríma- og útsýnisstaður ofan við borgina.

Matur

Ítalskur matur er afar fjölbreyttur og góður. Í Veróna má finna úrval frábærra veitingastaða. 

Hér eru dæmi um nokkra góða staði en hafið í huga að oftast þarf að panta borð fyrirfram:
Ciccarelli, Via Mantovana 171. Hefðbundinn en góður, verðlaunaður matur á góðu verði. 

Dodici ApostoliVicolo Corticella S.Marco, 3. Glæsilegur staður í sögulegri byggingu. Heldur í gamlar hefðir.
Re Teodorico, Piazzale Castello S. Pietro, 1. Skemmtilegur staður með útýni yfir alla borgina. Erfitt að ganga upp að honum svo gott er að taka leigubíl. http://www.teodoricore.com/home 
Arche, Via Arche Scagliere, 6. Fínn staður á móti Scagliere-bogunum, útsýni, hefðbundinn matur og  sjávarréttir.
Il Cenacolo, Via Teatro Filarmonico, 10. Góður matur og fjölbreyttur matseðill.
Bottega del Vino, Via scudo di Francia, 3. Glæsilegt úrval af vínum, góður matur og notalegt  andrúmsloft.
Caffe Dante, staðsettur á litlu torgi út frá Piazza Erbe sem heitir Piazza dei Signori. Á þessu torgi er líka skemmtilegur turn sem er gaman að fara uppí og skoða útsýnið yfir borgina. http://www.caffedante.it
Calmiere, staðsettur á San Zeno torginu, ekta fyrir þá sem hafa áhuga á týpiskri ítalskri matargerð út þessu héraði. Þar er einnig fræg gömul og merkileg kirkja. Hægt að sitja úti í góðu veðri. http://calmiere.com/en
Al Duomo, skemmtilegur staður rétt við Dómkirkjuna, gaman að sitja í garðinum í hádeginu. http://www.tripadvisor.com/...
Ristorante Castel Vecchio, mjög flottur staður fyrir þá sem vilja gera vel við sig, staðsettur á móti kastalanum en er í dýrari kantinum. http://www.ristorantecastelvecchio.com

Filarmonico Caffee, skemmtilegur bar, hægt að fá sér drykk og létta rétti, staðsettur rétt við Hotel Mastinohttp://www.tripadvisor.it/..   
Caffè-Borsari, flott kaffihús með eðal kaffi, staðsett á Corso Porta Borsari.
Signor Vino, skemmtilegur bar á horni Corso Porta Borsari og Via Armando Diaz. Hægt að kaupa mjög góð vín á góðu verði.http://www.signorvino.com/it/negozi/verona
Macelleria Biondani, lítil en mjög flott „gourmet“ búð við San Zenohttp://www.macelleriabiondani.it

Verslun

Ítalir eru þekktir fyrir hönnun og tísku en í Verona má finna öll helstu tískuhúsin og fjölda sérverslana af ýmsu tagi. Enn sem komið er kjósa Ítalir frekar að versla í sérverslunum en í stórum verslunarmiðstöðvum.

Í Verona er Via Mazzini aðalverslunargatan í miðbænum og liggur út frá Piazza Bra.

Steinsnar frá miðbæ Verona er verlsunarmiðstöðin Adigeo sem opnaði vorið 2017 en þar er að finna yfir 130 verslanir.

Þá státar verslunarmiðstöðin Le Corti Venete af fjölmörgum verslunum, þar á meðal H&M og Zara, en rúta á þeirra vegum stoppar gegnt við Hotel Mastino.

Á hverjum degi er mikið líf í kringum ferðamannamarkaðinn á Piazza Erbe. Á laugardagsmorgnum er stór markaður við íþróttavöllinn og þriðja hvern laugardag er antíkmarkaður á torginu við San Zeno kirkjuna.

Kynnisferðir

Heimsferðir bjóða upp á kynnisferðir í Verona í haust og farþegar okkar eru hvattir til þess að kynna sér hvað er í boði. Kynnisferðir eru bókaðar á í bókunarferlinu eða hjá ferðaráðgjafa Heimsferða. Einnig er hægt að bóka hjá fararstjóra þegar út er komið ef enn er laust í ferðirnar. 

Vinsamlegast athugið að kynnisferðir með íslenskum fararstjóra eru háðar því að a.m.k. 20 manns bóki sig. Fararstjórar Heimsferða geta aðstoðað farþega við að bóka í ferðir með enskumælandi fararstjórum ef ekki næst næg þátttaka í ferð með íslenskum fararstjóra.

Ath. Ekki er hægt að greiða með kreditkortum ef bókað er hjá fararstjóra þegar út er komið og greiða þarf allar kynnisferðir í Evrum.
Ath. Farþegar fá upplýsingar um hvar þeir verða sóttir fyrir kynnisferðirnar úti hjá fararstjórum.

Veróna gönguferð

Þægileg gönguferð um gamla bæinn í Veróna þar sem farþegar sjá helstu kennileiti borgarinnar og merka staði  Gengið um miðbæinn að tveimur undursamlega fallegum torgum  Piazza Erbe og Piazza Signori en þar má sjá hallir og grafhýsi Scaligeri fjölskyldunnar. Skammt þar frá eru „Casa Capuletti“  hús Júlíu með svölunum frægu. Ferðin endar við Piazza Bra torgið  með hinu heimsþekkta 2000 ára gamla hringleikahúsi (Arena), skoðum okkur um á staðnum. Frá Arenunni liggja leiðir til allra átta. Verslunargatan Via Mazzini svíkur engan og sjálfsagt að kíkja á vöruúrvalið þar. 

Gönguferðin tekur um 2 klst.

Innifalið: íslensk fararstjórn, aðgangur að Arenunni og heyrnartól.

Allar kynnisferðir eru háðar lágmarksþátttöku 20 manns. Ef kynnisferðir eru ekki bókaðar fyrir brottför er
ekki hægt að tryggja að laust sé í viðkomandi ferð. Til að tryggja sér kynnisferð þarf að bóka 7 vikum fyrir brottför.
Þær ferðir sem bókaðir eru í Veróna greiðast í EUR og eru 10% dýrari.

Gardavatnið & veisla

Einhver fegursta ökuleið á Ítalíu þar sem ekið er meðfram bökkum Gardavatnsins og skoðaðir nokkrir af hinum fögru  bæjum sem  liggja við það.  Hér verður enginn ósnortinn af fegurð vatnsins,  né smábæjunum með litlum bæjarkjörnum, smáhöfnum og rómantískum gönguleiðum meðfram  vatninu, af gróðri, landslagi, stórbrotnum vegamannvirkjum og fagurri fjallasýn. Staldrað við á nokkurm völdum stöðum, þar sem hægt er að njóta stemmningarinnar og bragða á einhverju af því frábæra sem  Ítalir hafa uppá að bjóða í mat og drykk. Þeir bæir sem heimsóttir verða Í ferðinni  eru Sirmione, við suðurhluta vatnsins, Bardolino sem stendur við austurbakka vatnsins. Þar er haldið á góðan veitingastað í miðbænum þar sem ekta ítölsk veislumáltíð býður hópsins. Þá er ferðinni haldið áfram til Malcesine, sem stendur við norðaustur hluta vatnsins. Dvalið þar um stund áður en ekið er til baka til Veróna seinnipart dags. 

Ferðin til Gardavatnsins tekur um 12 klst.

Innifalið: akstur, ítölsk veislumáltíð í Bardolino og íslensk fararstjórn.

Allar kynnisferðir eru háðar lágmarksþátttöku 20 manns. Ef kynnisferðir eru ekki bókaðar fyrir brottför er
ekki hægt að tryggja að laust sé í viðkomandi ferð. Til að tryggja sér kynnisferð þarf að bóka 7 vikum fyrir brottför.
Þær ferðir sem bókaðir eru í Veróna greiðast í EUR og eru 10% dýrari.

Feneyjarferð sigling

Hver maður þarf að koma einu sinn í lífinu til Feneyja. Dagsferð til þessarar einstöku borgar með öllum síkjunum og gondólunum, glæsibyggingum eins og  Markúsarkirkjunni og hertogahöllinni, Feneyjar-kristalnum  fræga og ótrúlegu mannlífi og heillandi sögu. Brottför frá Veróna er um kl. 08:30 og komið til Tronchetto í Feneyjum um kl. 10:00. Siglt með ferju að Markúsartorginu. Leiðsögn um torgið og nágrenni þess. Þá er frjáls tími þar sem farþegar geta skoðað sig betur um eða farið í hálfrar klukkustundar gondóla-siglingu um þröngu síkin í Feneyjum og út á Canal Grande að Rialto-brúnni, þetta er ómissandi upplifun ! Síðdegis er siglt til baka til Tronchetto. Áætluð brottför frá Feneyjum er um kl. 17:30 og komutími til Veróna um kl 19:30.

Innifalið: íslensk fararstjórn, akstur og sigling frá/til Markúsartorginu. 

Ekki innifalið: Gondólasigling og máltíð ekki innifalin.

Allar kynnisferðir eru háðar lágmarksþátttöku 20 manns. Ef kynnisferðir eru ekki bókaðar fyrir brottför er
ekki hægt að tryggja að laust sé í viðkomandi ferð. Til að tryggja sér kynnisferð þarf að bóka 7 vikum fyrir brottför.
Þær ferðir sem bókaðir eru í Veróna greiðast í EUR og eru 10% dýrari.

Valpolicella héraðið

Matur & Vín
Skömmu fyrir hádegi á brottfarardegi er haldið í skemmtilega ferð. Ekið skammt útfyrir borgina um ávalar hæðir  Veneto héraðsins. Hér er  umhverfið frjósamt og  fagurt og víða má sjá vínakra og olívutré. Ítalía er eitt mesta vínfram-leiðsluland í heimi.  Umhverfi Veneto héraðs  er mikið augnayndi og afar einkennandi fyrir vínræktarhéruð Ítalíu, en á þessu svæði  fer fram  stór hluti af þeirri framleiðslu.  Vínin frá Valpolicella svæðinu  í kringum Verona eru líklega þekktustu vín héraðsins. Í upphafi  ferðar er stoppað og farþegar fá góða máltíð hjá vínbónda í héraðinu.  Þaðan er ferðinni haldið áfram og við heimsækjum  vín- og olífuolíu bónda í smábænum San´Ambrogio. Þar kynnir hann vörur sína fyrir farþegum og einnig er boðið að smakka á framleiðslunni.  Um 16:30 er haldið er af stað út á flugvöll. Farþegar taka töskur sínar með sér í rútuna, þar sem ferðin endar út á flugvelli.

Innifalið: akstur, vínsmökkun, máltíð og íslensk fararstjórn.

Athugið! Farþegar sem bóka þessa ferð þurfa ekki að bóka akstur út á flugvöll þar sem ferðin endar á flugvellinum.

Allar kynnisferðir eru háðar lágmarksþátttöku 20 manns. Ef kynnisferðir eru ekki bókaðar fyrir brottför er
ekki hægt að tryggja að laust sé í viðkomandi ferð. Til að tryggja sér kynnisferð þarf að bóka 7 vikum fyrir brottför.
Þær ferðir sem bókaðir eru í Veróna greiðast í EUR og eru 10% dýrari.

Kort

Click to view the location of the hotel