Sól
Borg
Golfferðir
Sérferðir
Hreyfing
Sigling
Flugsæti

Split

Split er gömul borg með einstaklega líflegu andrúmslofti

Hún er næst stærsta borg Króatíu en þar búa um 200.000 manns. Borgin liggur við strönd Adríahafsins en við strandgötuna standa hótel, barir og veitingahús á milli pálmatrjáa. Borgin er talin vera 1700 ára gömul og þar er mikið af sögulegum minjum og fornmunum sem ná aftur til 500 f.Kr.

Gamli bæjarhlutinn í Split hefur byggst inn í og í kringum höll rómverska keisarans Díókletíusar. Höllin stendur að hluta til enn og prýðir bæði miðborg Split og er á heimsminjaskrá UNESCO. Markaðsbásar standa við hallarveggina þar sem Díókletíus gekk um forðum.

Í Split má njóta óperuuppfærslna á sumrin og tónlist af ýmsu tagi, t.d.  klapa sem er þjóðleg tónlist frá Dalmatía héraðinu. Á hallarsvæðinu stendur dómkirkjan í Split, St. Domnius, byggð á 13. Öld sem vel þess virði er að skoða.

Finndu ferðina þína

SÍA LEITARNIÐURSTÖÐUR

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Aðstaða

Stjörnumat

Farþegar

Dagatal

Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 4

Áhugaverðir staðir

Diocletian's Palace
Fallegur kastali í gamla bænum sem atriði úr þáttunum Game of Thrones voru tekin upp í kjallaranum. Er á minjaskrá UNESCO.

St.Domnius Cathedral
Elsta kaþólska dómkirkja í heimi. Hægt að fara uppí turninn þar sem stórkostlegt útsýni er yfir borgina.

Old Town
Þar sem þröngar litlar götur liggja í kringum Diocletian kastalann eins og völundarhús. Narodni torgið er staðsett í hjarta gamla bæjarins og þar er mikið af kaffihúsum og veitingastöðum.

The Riva
Virkilega falleg göngugata meðfram höfninni með pálmatrjám, litríkum byggingum og útsýni út á Adriahafið. Flottir veitingastaðir og barir.

Marjan Hill
Hæð með fjölmörgum gönguleiðum og frábæru útsýni yfir borgina.

Trogir
Lítill fallegur bær rétt hjá Split sem gaman er að fara til. Það tekur um 35 mín að keyra þangað og 1 klst að fara þangað með ferju.

Verslun

Í miðbæ Split er fjöldi verslana, bæði fataverslanir og einnig litlar verslanir með listmuni, skart og allt það sem ferðamanninn vanhagar um í fríinu.

Einnig eru þar nokkrar verslunarmiðstöðvar og má þar nefna Mall of Split, City Center One Split og Joker mall. Þar eru verslanir með þekktum vörumerkjum sem við Íslendingar þekkjum vel, eins t.d. Zara, Mango, GAP, Intersport, Nike, Desigual og H&M en mismundandi er þó í hvaða verslunarmiðstöð má finna þessi vörumerki. Einnig má finna eitthvað af þessum verslunum í miðbænum. Verslunarmiðstöðvarnar eru opnar  frá kl 09.00-21.00 alla daga en opnunartími verslana í gamla bænum getur verið breytilegur.

Útimarkaðir má finna í gamla bænum í Split. Þar er á boðstólum úrval af minjagripum, grænmeti, ávöxtum og fatnaði. 

Tax Free
Flestar verslanir bjóða upp á svokallað Tax-Free ef keypt er fyrir ákveðna upphæð í viðkomandi verslun. Verslunin fyllir þá út sérstakt eyðublað sem viðskiptavinir þurfa að fá stimplað hjá tollvörðum á flugvellinum við brottför.  Ath. að þetta er gert fyrir innritun á flugvelli og hafa tollverðir leyfi til þess að óska eftir að sjá varninginn sem verslaður var. Í verslun þarf að framvísa vegabréfi þegar sótt er um Tax-Free.

Matur

Króatía er fræg fyrir fjölbreytta og ljúffenga matargerð, enda landið afar frjósamt.

Hér svipar matargerðinni til þeirrar ítölsku, mikið er um fisk, pasta, pizzur og grænmeti, en þó eru töluverð áhrif frá slavneskri og austurrískri eldamennsku. 

Króatar eru stoltir af víngerð sinni, en á Dalmatiu skaganum eru framleidd mörg af frægustu vínum landsins.

Fjöldi fallegra veitingastaða er í gamla bænum og við göngugötuna Riva og skemmtilegt er að njóta hinnar einstöku stemningar þar.

Kynnisferðir

Heimsferðir bjóða upp á kynnisferðir í Split í vor og farþegar okkar eru hvattir til þess að kynna sér hvað er í boði. Kynnisferðir eru bókaðar á í bókunarferlinu eða hjá ferðaráðgjafa Heimsferða. Einnig er hægt að bóka hjá fararstjóra þegar út er komið ef enn er laust í ferðirnar. 

Vinsamlegast athugið að kynnisferðir með íslenskum fararstjóra eru háðar því að a.m.k. 20 manns bóki sig. Fararstjórar Heimsferða geta aðstoðað farþega við að bóka í ferðir með enskumælandi fararstjórum ef ekki næst næg þátttaka í ferð með íslenskum fararstjóra.

Ath. Farþegar fá upplýsingar um hvar þeir verða sóttir fyrir kynnisferðirnar úti hjá fararstjórum.

Gönguferð um miðbæinn

Borgin Split er stærsta borgin á Dalmatíu svæðinu. Í þessari ferð munum við rölta um þröngar götur miðbæjarins, sem mynda einskonar völundarhús inn í Díókletíusar höllinni. Díókletíus keisari lét byggja þetta mannvirki um aldamótin 300 e.Kr. Þar skoðum við vel varðveitt kjallarahús og Júpíter musterið sem er staðsett á hinu forna Peristyle-torgi. Dómirkjan sem stendur við torgið er elsta starfandi og trúlega minnsta Dómkirkja í heimi. Árið 1979 var hallarsvæðið og nærliggjandi svæði sem umlykur höllina, sett á lista UNESCO sem menningarleg og söguleg verðmæti.

Við munum einnig fara framhjá og skoða vernduðu borgarmúrana sem liggja allt í kringum Díókletíusar-höllina, koma við á sögufrægum torgum og líflegum mörkuðum. Ferðin endar á göngugötunni Riva sem liggur meðfram sjávarsíðunni. Riva er  tilvalinn staður til að rölta um, setjast niður á einum af fjölmörgu veitingahúsum sem þar eru og njóta.

Innifalið í verði: Íslensk leiðsögn og staðarleiðsögumaður.

Bærinn Trogir

Bærinn Trogir er í heild sinni á heimsminjaskrá UNESCO. Trogir er staðsettur á lítilli eyju á milli meginlands Króatíu og eyjunnar Ciovo. Afar fallegur bær sem er umkringdur sögufrægum miðaldamúr sem samanstendur af kastala, turni og höllum frá tímum Rómverja. Bæirnn er jafnframt þekktur fyrir merkar byggingar frá ýmsum tímabilum byggingasögunnar sem eru mikil bæjarprýði. Bærinn á sér langa og ríka sögu og er talinn einn best varðveitti bærinn í allri Mið-Evrópu.

Um 1 klst akstur er frá Split yfir til Trogir. Gengið verður um bæinn ásamt íslenskri leiðsögn og gefinn verður frjáls tími í lokin. Brottför frá Trogir er um kl 14.00.

Innifalið í verði: Rútuferð og íslensk fararstjórn ásamt staðarleiðsögumanni.

Krka þjóðgarðurinn

Krka þjóðgarðurinn er nefndur eftir Krka ánni og nær yfir rúmlega 142 ferkílómetra svæði. Þessi garður er einn af áhugaverðustu stöðum Króatíu en hann er þekktastur fyrir stórkostlega fossa og þar á meðal fræga fossinn Skradinski Buk, sem er mjög óvenjulegur foss og talinn einn sá fallegsti í þjóðgarðinum. 

Eftir leiðsögnina um neðri hluta garðsins verður gefinn frjáls tími þar sem hægt verður að snæða hádegisverð, ganga um þorpið, njóta sín í fallegu landslagi eða jafnvel fá sér sundsprett.

Innifalið í verði: Rútuferð, aðgangur að þjóðgarðinum og íslensk fararstjórn.

Um 6 klst ferð

Lágmarksþátttaka í ferð með íslenskumælandi fararstjóra er 20 manns, en bóka þarf kynnisferðir á Íslandi í síðasta lagi 7 dögum fyrir brottför.  Ath! uppselt getur verið í ferðina fyrir þann tíma.

 Farþegar fá upplýsingar um nákvæman brottfaratíma frá hóteli í kynnisferðirnar hjá fararstjórum við komu í Split.

Kort

Click to view the location of the hotel