Sól
Borg
Golfferðir
Sérferðir
Hreyfing
Sigling
Flugsæti

Spurt & svarað

Spurt & Svarað

Hérna að neðan má sjá svör við algengum spurningum sem ferðaráðgjafarnir okkar hafa fengið í gegnum tíðina.

Bókun á netinu
Tókst bókunin mín?
Bókun verður til á vefnum þegar fylltar hafa verið út farþegaupplýsingar og smellt hefur verið á gula BÓKA hnappinn. Við bókun á vefnum skal greiða staðfestingargjald. Staðfesting á bókuninni verður send á netfangið þitt en athugaðu að það getur tekið allt að 30 mínútur. Athugðu enn fremur að bókunarstaðfestingin gæti farið í aðrar möppur á pósthólfinu en innhólfið.

Bólusetningar ferðamanna
Þarf ég bólusetningu vegna ferðarinnar?
Ef þú átt bókaða ferð með okkur til suðlægra landa, einkum í hitabeltinu, þá bendum við á vef landlæknis þar sem sjá má nánari upplýsingar vegna bólusetninga ferðamanna en að mörgu þarf að huga þegar bólusetningarþörf er metin. Sjá nánari upplýsingar um bólusetningar ferðamanna á vef landlæknis.

Ferðagögn
Hvenær fæ ég ferðagögnin mín afhent?
Þegar bókuð hefur verið ferð eða flug fær farþegi send á netfangið sem gefið var upp við bókun "Bókunin mín" gögn en þau gögn gilda sem ferðagögn þegar ferð hefur verið að fullu greidd. 

Forfallatrygging
Hvað er felur forfallatrygging í sér? 
Farþegum stendur til boða að kaupa sérstaka forfallatryggingu við staðfestingu ferðar, hún er þó ekki í boði fyrir allar ferðir og bendum við fólki á að kynna sér sínar tryggingar ef það vill vera með forfallatryggingu. Ekki er hægt að bæta við forfallatryggingu eftir að bókun hefur verið staðfest. 
Forfallatrygging gildir að brottför ef farþegi forfallast vegna þungunar, veikinda, slyss, andláts eða andláts mjög náins ættingja, barnsburðar eða sóttkvíar og getur framvísað vottorði frá lækni um að farþegi hafi verið óferðafær á brottfarardegi. Sjálfsábyrgð er kr. 15.000 á mann og fæst ekki endurgreidd.

Innfalið í fæði
Hvað er innifalið í hálfu fæði?
Innifalið í hálfu fæði er morgunverður og kvöldverður.

Hvað er innifalið í fullu fæði?
Innifalið í fullu fæði er morgunverður, hádegisverður og kvöldverður.

Hvað er innifalið í allt innifalið?
Innifalið í allt innifalið er morgunverður, hádegisverður og kvöldverður ásamt innlendum áfengum og óáfengum drykkjum frá kl. 10-11 að morgni til kl. 22-23 á kvöldin. Athugið að reglur geta verið misjafnar á milli gististaða.

Lokagreiðsla
Fer lokagreiðsla sjálfkrafa út af kreditkortinu mínu?
Fyrirtækjum er óheimilt að geyma kreditkorta upplýsingar viðskiptavina og verða því viðskiptavinir að hafa samband við ferðaráðgjafa í síma 595-1000 vegna lokagreiðslu.

Stökktu
Hvað felur Stökktu tilboð í sér?
Þegar bókað er Stökktu felur það í sér að viðskiptavinur kaupir flugsæti og gistingu. Ekki er hægt að gera ráð fyrir því að sú gisting sem úthlutuð verður sé almennt í sölu hjá Heimsferðum. Gæði gistingar eru að lágmarki skv. bókun Stökktutilboðs hverju sinni eða sambærilegt, hvort heldur sem er skv. stjörnumati Heimsferða eða opinberri stjörnugjöf. Vert er að taka fram að farþegar verða að vera undir það búnir að þurfa að skipta um gististað meðan á dvöl stendur.

Athugið einnig að þegar bókað er Stökktu þá er vert að hafa í huga að Heimsferðir leitast við að upplýsa um gististað degi fyrir brottför sé það mögulegt en athugið að upplýsingar um gistingu gætu þó ekki fengist fyrr en við lendingu á áfangastað.

Vegabréf
Þarf ég að hafa vegabréf meðferðis?
Íslenskir ríkisborgarar skulu ávallt hafa vegabréf meðferðis þegar ferðast er til og frá Íslandi þar sem vegabréf eru einu gildu íslensku ferðaskilríkin. Ökuskírteini sýnir t.d. ekki fram á íslenskt ríkisfang. Athugið að framlengd vegabréf teljast ekki lengur gild ferðaskilríki. Þeir sem hyggjast ferðast utan EES verða að hafa vegabréf sem gilda í a.m.k. 6 mánuði frá áætluðum ferðalokum. Rétt er að kynna sér hverjur kröfur er gerðar í þeim ríkjum sem heimsækja á.  Sjá nánari upplýsingar um vegabréf á vef utanríkisráðuneytisins.

Vegabréfsáritanir
Þarf ég vegabréfsáritun?
Rétt er að kynna sér tímanlega hvort vegabréfsáritunar / landgönguleyfis (e. Visa) sé krafist í því landi sem heimsækja á. Almennt þurfa íslenskir ríkisborgarar vegabréfsáritun en frá því gilda þó margar undantekningar samanber það sem gildir um ferðalög til aðildarríkja Schengen. Athugið einnig hvað Schengen vegabréfsáritun varðar að hafa fleiri en "single-entry" áritun ef til stendur að ferðast á milli landa sem eru utan Schengen svæðisins á meðan dvöl stendur.  Sjá nánari upplýsingar um vegabréfsáritanir á vef utanríkisráðuneytisins.

Börn sem ferðast ein

Neos 
Börn 4 – 15 ára þurfa fylgd
Undir 4 ára verða að ferðast með öðrum
Hægt að fá fylgd með 15 – 18 ára

Norwegian Air
Börn 5 – 11 ára þurfa fylgd
Undir 5 ára verða að ferðast með öðrum
Hægt að fá fylgd með 12 – 15 ára börnum

Travel Service/ Smart wings
Börn 6 – 12 ára þurfa fylgs, þarf að bóka með minnst 2ja daga fyrirvara
Undir 6 ára verða að ferðast með öðrum
Hægt að fá fylgd fyrir 13 – 17 ára

Adria Air
Börn 5 – 12 ára þurfa fylgd
Undir 5 ára verða að ferðast með öðrum
Hægt að fá fylgd með 13 – 16 ára

Iceland Air
5 – 11 ára þurfa fylgd
Undir 5 ára ferðast með öðrum
Hægt að fá fylgd með 12 – 15 ára

Ferðaöryggi

Á vef utanríkisráðuneytisins má finna upplýingar um atriði sem rétt er að huga sérstaklega að áður en haldið er af stað í ferðalag erlendis.

Þar er að finna m.a. upplýsingar um:

  • Ferðaviðvaranir
  • Upplýsingar um næsta íslenska sendiráð og/eða ræðisskrifstofu
  • Vegabréf
  • Vegabréfsáritanir
  • Ökuskírteini
  • Peningar
  • Farmiðar
  • Ferðatryggingar
  • Vottorð – sjúkratryggingakort
  • Bólusetningar
  • Ferðalög með börn
  • Lög, reglur og siðvenjur í því landi sem heimsækja á

Kynntu þér nánar upplýsingar um ferðaöryggi á vef utanríksráðuneytisins.

Öryggishólf
Eru öryggishólf á gististöðum farþegum að kostnaðarlausu? 
Misjafnt er hvað öryggishólf varðar á gististöðum en almennt þarf að greiða fyrir notkun á öryggishólfum.

Töskutjón
Heimsferðir bera ekki ábyrgð á skemmdum á töskum sem kunna að verða í leiguflugi, áætlunarflugi, áætlunarbifreiðum eða öðrum farartækjum. Verði skemmdir á töskum í flugvél ber farþega að fá skriflega skýrslu hjá flugvallaryfirvöldum á staðnum. Flugfélagið sér um greiðslu skaðabóta samkvæmt alþjóðlegum reglum og er greiðsla send beint til farþega.

Sé um íslenskt flugfélag að ræða þarf sömuleiðis tjónaskýrslu frá flugvallaryfirvöldum, farseðil og töskumiða, en farþegar snúa sér einnig beint til flugfélagsins.

Hafi farþegi ekki tjónaskýrslu, getur hann ekki fengið tösku bætta. Heimsferðir bera ekki ábyrgð ef farangur tapast eða hann berst farþega seint vegna rangrar afgreiðslu á flugvelli. Nánari upplýsingar um rétt farþega vegna seinkunar í flugi og skemmd á tösku má sjá á vef samgönguráðuneytisins www.samgongustofa.is

Seinkun á flugi
Stundvísi er keppikefli Heimsferða en óhjákvæmilega geta orðið tafir á flugi í öllum flugrekstri, sem ferðaskrifstofan getur á engan hátt borið ábyrgð á. Ef verður töf á flugi eftir að innritun á flugvelli hefur farið fram, fer í gang verkferli samkvæmt alþjóðareglum.

Þjónustuaðili á flugvelli (handling agent) skal þá fyrir hönd flugfélagsins veita upplýsingagjöf, úthluta matarmiðum og jafnvel gistingu eftir lengd og eðli seinkunarinnar. Farþegar þurfa að fylgjast vel með í kallkerfi flugvallar og gera vart við sig hjá viðkomandi þjónustuaðila (handling agent), til þess að fá upplýsingar. Gott er að hafa hugfast að fyrstu og bestu upplýsingarnar fást á flugvellinum og ferðaskrifstofa eða fararstjóri fær nákvæmlega sömu upplýsingar og farþegi.

Nánari upplýsingar um rétt farþega vegna seinkunar í flugi og skemmd á tösku má sjá á vef samgönguráðuneytisins www.samgongustofa.is

Verði veruleg töf er gott að hafa hugfast að jákvætt hugarfar er góður ferðafélagi.

Greiðslumöguleikar

Greiðslumöguleikar

Nokkrir greiðslumöguleikar eru fyrir hendi hjá okkur í Heimsferðum:  

Greiða með kreditkortum en við tökum við Visa og Mastercard greiðslukortum þegar bókað er á netinu en á skrifstofu Heimsferða er einnig unnt að greiða símgreiðslu.

Greiða inn á bankareikning Heimsferða.
Bankareikningur Heimsferða: 101-26-275. Kennitala 470492-2289. 
Vinsamlegast settu bókunarnúmer í skýringu og sendu kvittun á sala@heimsferdir.is

Greiða með reiðuféi eða debetkortum á skrifstofu Heimsferða.

Unnt er að gera raðgreiðslusamning til allt að 36 mánaða eða fá vaxtalaust staðgreiðslulán til allt að 4 mánaða á skrifstofu Heimsferða eða í gegn um síma, 595 1000.

Hjá okkur getur þú fengið Pei greiðsludreifingu í allt að 12 mánaði og að hámarki 1.900.000. Hægt er að greiða með Pei í gegn um síma, 595 1000, eða koma til okkar í Skógarhlíð 18, 105 Reykjavík.

Hvernig bóka ég?

Hvernig bóka ég?

Bókunarvélin er svargrá lárrétt næstum efst á síðunni og opnast ávallt með Pakkaferðir sem grunnleitarskilyrði - ef þú ert að leitast eftir að bóka flugsæti eingöngu þá smellir þú á örina í glugganum lengst til vinstri og velur Flugsæti. Þá velur þú frá hvaða áfangastaði og til hvaða áfangastaðar þú vilt bóka. Því næst velur þú brottfarardagsetningu sem ferðast skal á. Þá velur þú svo fjölda farþega og skráir inn aldur á farþegum. Að lokum smellir þú á gula hnappinn Leita.  

Eftir að smellt hefur verið á Leita þá birtast leitarniðurstöður samkvæmt völdum leitarskilyrðum og valin dagsetning er merkt með gulu. Þá er unnt að velja dvalarlengdir í boði efst vinstra megin, t.d. 7-11-14-18-21-25-28 nætur en fjölda nátta er einnig unnt að velja eftir að smellt hefur verið á bláa verðhnappinn. Þarna er einnig unnt að skoða hvað er í boði á næstu dagsetningum skv. völdu leitarskilyrðunum. Ef skoða á aðra mánuði eða breyta einhverjum öðrum leitarskilyrðum þá skal smella á "Breyta leit" í bókunarvélinni sem nú sýnir valin leitarskilyrði og þá opnast aftur allir valgluggarnir. Þá er ennfremur unnt að sía leitarniðurstöðurnar ennfrekar með því að velja t.d. 4* gististaði undir "Stjörnumat" ásamt því að velja Allt innifalið í "Fæði" en þá uppfærist leitin sjálfkrafa og skilar leitarniðurstöðum skv. því sem síað hefur verið. 




Þegar smellt hefur verið á bláa verðkassann á gistivalkosti þá má sjá hvernig gisting er í boði ásamt fæði í boði á viðkomandi gisitvalkosti. Þá er unnt að bóka með því að smella á þá gistitegund/fæði sem velja skal og næsta skref er þá að fylla inn upplýsingar um farþega í bókun. 

Athugið að hér efst á ljósgráa fletinum er að finna allar upplýsingar um áfangastaðina, svokallaðar áfangastaðasíður en þar má lesa um áfangastaðinn, sjá alla gistivalkosti sem eru í boði hverju sinni og hvar þeir eru staðsettir ásamt því að einnig eru upplýsingar um kynnisferðir í boði. Þá birtast einnig inni á áfangastaðasíðunum bókunarvélarniðurstöður og fyrsta brottför birtist fremst en unnt er þar að breyta farþegasamsetningu og velja aðrar dagsetningar vinstra megin á síðunni undir "Farþegar"og "Dagatal". Á áfangastaðasíðunum má því finna ferð en þar er hins vegar ekki eiginlega bókunarvélin - hún er í svargráu lárréttu línunni efst. 

Tollfrjáls sala & veitingar um borð hjá Neos

Friðhelgi og kökur

Við vekjum athygli á því að þegar farið er inn á vefsíðu Heimsferða vistast kökur (e. cookies) í tölvu notandans. Kökur eru textaskrár sem eru notaðar til þess að greina heimsóknir á vefsíðuna eftir IP-tölum. Aðrar vefsíður geta ekki lesið upplýsingarnar sem eru geymdar í kökunni.

Deila núverandi vefslóð með tölvupósti