Sól
Borg
Golfferðir
Sérferðir
Hreyfing
Sigling
Flugsæti

Bratislava - Vor 2019

HAGNÝTAR UPPLÝSINGAR

ALMENNAR UPPLÝSINGAR
Slóvakía er tæplega 50.000 ferkm. að stærð, það er lýðveldi og þar búa yfir 5 milljónir manna,  þar af um 600 þúsund í höfuðborginni Bratislava. Í Slóvakíu eru töluð slóvakíska en margir skilja og tala ensku. Í Slóvakíu er klukkan 2 klst á undan íslenska tímanum frá lok mars til lok októbers – annars er tímamismunur 1 klst frá lok október til lok mars. Slóvakía hefur verið í Evrópusambandinu frá árinu 2004.  


VEGABRÉF
Nauðsynlegt er að hafa gilt vegabréf í ferð til Slóvakíu eins og til annarra landa. Ef ekki er hægt að sýna við innritun á flugvelli, fullgilt og löglegt vegabréf, hafa starfsmenn á Keflavíkurflugvelli ekki heimild til að leyfa viðkomandi farþega að ferðast og er ekki um neinar undanþágur frá því að ræða. Ekki er hægt að fá framlengingu á vegabréfi úti á flugvelli í Keflavík. Gott ráð er að athuga í tíma hvort vegabréf þitt sé enn í gildi og einnig er gott að ferðast með ljósrit af vegabréfi þínu. Þann 24.nóvember 2015 breyttust reglur um vegabréf og eru framlengd vegabréf ekki lengur talin gild ferðaskilríki. Farþegar bera algjörlega einir ábyrgð á því að vegabréf sé gilt og sé viðkomandi meinað að ferðast vegna ófullnægjandi skilríkja, fæst ferðin ekki endurgreidd af hendi ferðaskrifstofunnar. Farþegar með erlent vegabréf þurfa sjálfir að kanna hvort þeir þurfa vegabréfsáritun inn í landið.


FLUG & FLUGVÖLLUR
Flugvöllurinn í Bratislava heitir M.R.Stefánik Aiport og er flugtíminn frá Keflavík um 4 ½ klst. Mæta þarf til innritunar á flugvöll eigi síðar en 2 klst fyrir áætlaða brottför.


TAFIR Í FLUGI
Stundvísi er keppikefli Heimsferða en óhjákvæmilega geta orðið tafir á flugi í öllum flugrekstri, sem ferðaskrifstofan getur á engan hátt borið ábyrgð á. Ef verður töf á flugi eftir að innritun á flugvelli hefur farið fram, fer í gang verkferli samkvæmt alþjóðareglum. Þjónustuaðilar á flugvelli (handling agent) skal þá fyrir hönd flugfélagsins veita upplýsingagjöf, úthluta matarmiðum og jafnvel hótel eftir lengd og eðli seinkanna. Farþegar þurfa að fylgjast vel með í kallkerfi flugvallar og gera vart við sig hjá viðkomandi þjónustuaðila (handling agent), til þess að fá upplýsingar. Gott er að hafa hugfast að fyrstu og bestu upplýsingarnar fást á flugvellinum og ferðaskrifstofa eða fararstjóri fær nákvæmlega sömu upplýsingar og farþegi. Verði veruleg töf er gott að hafa hugfast að jákvætt hugarfar er góður ferðafélagi.


TRYGGINGAR
Farþegar bera sjálfir ábyrgð á því að tryggingar þeirra séu í lagi meðan á ferð þeirra stendur. Hafi ferðin verið greidd með kreditkorti, er farþegi oft með góðar tryggingar í þeim kortum. En við bendum farþegum einnig á að hafa með Evrópska sjúkratryggingakortið með í för,  sem veitir rétt á allri nauðsynlegri heilbrigðisþjónustu á ríkisreknum stofnunum í löndum EES. Nánari upplýsingar má nálgast hjá Sjúkratryggingum Íslands (www.sjukra.is). Ef farþegi kýs að fara á einkarekna sjúkrastofnun á hann ekki rétt á endurgreiðslu í öllum tilfellum, því er mikilvægt að kanna tryggingar sínar vel fyrir brottför.


FARANGUR & FARANGURSHEIMILD
Flogið er með flugfélaginu Smart Wings (ex. Travel Service) og er leyfileg hámarksþyngd á innrituðum farangri 20kg á hvern farþega auk 5kg í handfarangur (hámark stærð á tösku í handfarangri er 56x45x25 cm). Ef farangur skilar sér ekki eða skemmist í flugi verður farþegi að gera skýrslu hjá þjónustuaðila á flugvelli, ef ekki er gerð skýrsla fæst tjónið ekki bætt. Passið vel upp á að gleyma engu um borð í flugvélinni.


GJALDMIÐILL & KREDITKORT
Gjaldmiðillinn í Slóvakíu er Evra (EUR). Athugið að almennt er ekki hægt að nota annan gjaldmiðil í verslunum, en hægt er að skipta öðrum gjaldmiðlum í bönkum. Öll helstu kreditkort er hægt að nota í verslunum og hraðbönkum í borginni, en nauðsynlegt er að vita pin-númer viðkomandi korts. Ef kort tapast, hringið í neyðarnúmer kortafyrirtækjanna og látið loka kortinu: VISA (00354) 525 2000 eða 525 2200. MASTERCARD (00354) 533 1400.


VIÐ KOMU Á ÁFANGASTAÐ
Fararstjórar Heimsferða taka á móti hópnum á flugvellinum og þeim sem eiga pantaða rútuferð er ekið frá flugvelli að hóteli. Tekur sú ferð um 30 mínútur en fer dálítið eftir umferð og á hversu mörg hótel rútan fer. Á leiðinni fara fararstjórar yfir helstu atriði sem að hafa ber í huga, sem og dagskrá kynnisferða o.fl. Ekki er hægt að bóka rútu nema á skrifstofu Heimsferða áður en ferðin hefst. Passið vel upp á að gleyma engu um borð í rútunni.


RÚTUFERÐ TIL & FRÁ FLUGVELLI
Fyrir þá sem eiga pantaða rútuferð til og frá flugvelli, þá er gert ráð fyrir að hver farþegi ferðist með að hámarki 1-2 töskur, auk barnakerru ef við á. Ef ferðast er með annan farangur eins og t.d íþróttabúnað eða rafmagnshjólastóla er ekki öruggt að farangursrými rútunnar sé nægilega stórt til að taka á móti slíkum farangri. Heimsferðir bera ekki ábyrgð á því ef rútan getur ekki heimilað slíkan farangur og því mikilvægt að fá það staðfest áður en ferðast er. Best er að hafa samband við ferðaskrifstofuna og fá nánari upplýsingar fyrir brottför.


ÞJÓNUSTA Á ÁFANGASTAÐ
Fararstjórar eru fulltrúar ferðaskrifstofunnar á staðnum og sinna farþegum meðan á dvöl þeirra stendur. Ef farþegi telur að eitthvað sé ábótavant varðandi þjónustu hótels eða ónægja er með íbúð/herbergi skal gera farastjóra og/eða starfsfólki hótelsins viðvart, því ekkert er hægt að gera eftir að heim er komið.



GISTISTAÐIR
Gestir eru vinsamlegast beðnir að kynnar sér reglur hótelsins og virða almennar umgengnisreglur, m.a um næturkyrrð. Samkvæmt alþjóðareglum þarf að losa herbergi/íbúð ýmist fyrir hádegi eða á hádegi á brottfarardegi. Einstaka hótel fer fram á tryggingargjald sem er endurgreitt við brottför ef ekkert tjón hefur orðið á herbergi/íbúð meðan á dvöl stóð. Þá getur hótelið farið fram á kreditkortanúmer sem tryggingu meðan á dvöl stendur.


SÍMI, RAFMAGN & TÖLVUR
Í Slóvakíu er rafmagnið 220 volt eins og hér á Íslandi. Þegar hringt er úr íslenskum síma frá Slóvakíu og í íslenskt númer skal setja inn 00354- á undan símanúmerinu. Ef hringja skal úr íslenskum síma í slóvakískt númer skal setja inn 00421- á undan númerinu. Þá er vert að taka fram að þó að hótelið sem dvalið er á, bjóði aðgang að þráðlausu wi-fi, að þá getur internetsambandið á stundum verið höktandi og ekki á það að treysta að fullu.


DRYKKJARVATN
Í Slóvakíu er kranavatnið drykkjarhæft, en í öryggisskyni er farþegum ráðlagt að kaupa drykkjarvatn á flöskum. Í miklum hita er ekki gott að drekka ískalt vatn, betra er fyrir magann að fá vatnið í volgara lagi.


BROTTFÖR
Þeir sem eiga pantaða rútuferð frá hóteli á flugvöll fá brottfarartíma staðfestan hjá fararstjóra. Einnig má sjá brottfaratíma frá hóteli á dagskrárblöðum sem farþegar hafa fengið sent í tölvupósti. Farþegar þurfa að skrá sig út af herbergjum fyrir eða um hádegi á brottfarardegi. Hótelmóttakan sér um að geyma farangur fram að brottför ef á þarf að halda. Þeir sem eru eingöngu bókaðir í flugsæti bera sjálfir ábyrgð á því að fá brottfarartíma staðfestan á flugvelli eða skrifstofu Heimsferða á Íslandi í síma 00354-595-1000.


VEÐURFAR
Meðalhiti í Slóvakíu í apríl er um 18 -20° en hitinn getur orðið hærri eða lægri eftir tíðarfari. Athugið að hitastigið getur farið niður í allt að 10° að kvöldlagi. Mælt er með þægilegum fatnaði, góðum götuskóm og alltaf gott að hafa regnhlíf við hendina.


VERSLANIR
Verslanir eru almennt opnar frá 10.00-18.00 en margar ferðamannaverslanir eru opnar lengur. Verslanir í miðborg Bratislava eru almennt opnar á laugardögum frá 9.00 – 12.00. Lokaðar á sunnudögum. Athugið að opnunartími verslana er breytilegur og upplýsingar eru einungis leiðbeinandi. Rétt utan við miðborgina eru verslunarmiðstöðvar sem hafa opið alla daga vikunnar frá 10:00 – 21:00. Til dæmis: AUPARK og AVION sjá nánari upplýsingar á: http://www.bratislavaguide.com/shopping


TAX-FREE
Flestar verslanir bjóða upp á svokallað Tax-Free ef keypt er fyrir ákveðna upphæð í viðkomandi verslun. Verslunin fyllir þá út sérstakt eyðublað sem viðskiptavinir þurfa að fá stimplað hjá tollvörðum á flugvellinum við brottför.  Ath. að þetta er gert fyrir innritun á flugvelli og hafa tollverðir leyfi til þess að óska eftir að sjá varninginn sem verslaður var. Í verslun þarf að framvísa vegabréfi þegar sótt er um Tax-Free.


ALMENNINGS SAMGÖNGUR
Sporvagnar eru þægilegir í notkun og  ganga þeir um alla borg. Kynnið ykkur bestu möguleikana milli gististaðar ykkar og miðborginni. Hægt er að kaupa staka miða sem gilda í alla almenningsvagna en einnig má kaupa 3ja daga miða . Þeir eru seldir í afgreiðslu og sjálfsölum við biðstöðvarnar. En ekki í vögnunum sjálfum. Ath. að stimpla verður miðana í þar til gerðum kössum  inni í vögnunum eða á biðstöðvunum áður en haldið er af stað.  Það er hægt að búast við að eftirlitsmenn á vegum DPB skoði farmiða farþega og varðar það sektum að vera ekki með gildan miða í vagninn.


LEIGUBÍLAR
Auðvelt er að nálgast leigubíla í Bratislava, en gætið þess að semja um verð áður en farið er inn í bílinn, því sumir eru frá einkaaðilum með frjálsa álagningu. Það er eindregið mælt með að nota eingöngu merkta leigubíla (t.d. Fun Taxi, Hello Taxi, Profi Tax eða Trend Taxi) þeir bílar eru allir með gjaldmælir í sínum bílum.


ÞJÓRFÉ
Hér tíðkast að gefa um 5-10% þjórfé á veitingastöðum ef þjónustan er í lagi. Það er góð regla að lesa yfir reikninginn áður en greitt er, því stundum er þjónustugjald innifalið og sést það á reikningi.


LÆKNAR
Góð læknisþjónusta er í boði í Bratislava og apótek (lekáreň) má finna víða. Hótelmóttökur veita allar nánari upplýsingar, en hikið ekki við að leita til fararstjóra strax ef um alvarleg veikindi er að ræða.



ÍSLENSKUR RÆÐISMAÐUR
Íslenskur ræðismaður er í Bratislava: Otto Halás, skrifstofa: Palisády 39, SK-811 06 Bratislava, s. (2) 5541 7741, netfang: slovgeoterm@slovgeoterm.sk. Sendiráðið í Vínarborg annast sendiráðsstörfin fyrir Bratislava. Sendiherra í Vín er Auðunn Atlason, s. +43-1 533 2771, netfang : emb.vienna@mfa.isa

VEITINGAR & SKEMMTUN
Fjöldi góðra veitingastaða er í Bratislava og gestir munu ekki eiga erfitt með að finna „rétta“ staðinn. Hægt er að skoða alla helstu veitingastaði Bratislava á þessari vefsíðu: http://www.bratislavaguide.com/restaurants

ÁHUGAVERÐIR STAÐIR
Það er fjöldi áhugaverðra staða sem ekki má fara á mis við þegar maður kemur til Bratislava.
Hér nefnum við nokkra:

*Bratislava kastalinn (Bratislavský hrad) Aðal kennileiti borgarinnar. Þaðan er stórkostlegu útsýni yfir borgina og nágrenni                     
*Devin kastalinn – rétt utan við  borgina. Kastalarústir frá 13.öld. Einstakt útsýni yfir Dóná. Rútur eða siglingar frá borginni.
*Aðaltorgið (Hlavne Namestie) – torg gamla bæjarins. Hér er hjarta gömlu borgarinnar. 
*Frantiskanske Namestie – torg á milli St. Michaels götu og Aðaltorgsins (Hlayne Namestie)
*Elizabet kirkjan – litla bláa kirkjan í gamla bænum. Ein fallegast kirkja borgarinn í Art Nouveau stíl.
*St. Martin´s dómkirkjan í gamla bænum - þarna hafa flestir ungversku keisararnir verið krýndir allt fram á  19.öld.                                   
*Solvak National Theatre – þjóðleikhús heimamanna við Hviezdoslay torgið.
*Styttur borgarinnar – í miðborg Bratislava má finna skemmtilegar og óvenjulegar styttur.
*Sigling á Dóná – hægt er að velja um lengri eða skemmri siglingar. Alltaf gaman að sjá borgina frá öðru sjónarhorni.                                                                                                                                                                   

Deila núverandi vefslóð með tölvupósti