Sól
Borg
Golfferðir
Sérferðir
Hreyfing
Sigling
Flugsæti

Almería - Sumar 2019

HAGNÝTAR UPPLÝSINGAR

ALMENNAR UPPLÝSINGAR
Spánn er um 504.600 km² að stærð og íbúafjöldi landins telur rúmar 47 milljónir,  þar af búa um 200 þúsund manns á Almeria. Á Spáni er móðurmálið spænska og hana tala langflestir.  Á Spáni er klukkan 2 klst á undan íslenska tímanum frá lok mars til lok októbers – annars er tímamismunur 1 klst frá lok október til lok mars.


VEGABRÉF
ATHUGIÐ í tíma hvort vegabréfið ykkar sé í gildi! Nauðsynlegt er að hafa gilt vegabréf í ferð til Spánar en Íslendingar þurfa ekki vegabréfsáritun (visum). Ef ekki er hægt að framvísa við innritun á flugvelli, fullgildu og löglegu vegabréfi, hafa starfsmenn á Keflavíkurflugvelli ekki heimild til að leyfa viðkomandi farþega að ferðast og er ekki um neinar undanþágur frá því að ræða. Þann 24.nóvember 2015 breyttust reglur um vegabréf og eru framlengd vegabréf ekki lengur talin gild ferðaskilríki. Farþegar bera einir ábyrgð á því að vegabréf sé gilt og sé viðkomandi meinað að ferðast vegna ófullnægjandi skilríkja, fæst ferðin ekki endurgreidd af hendi ferðaskrifstofunnar. Gott ráð er að hafa meðferðis ljósrit af vegabréfinu. Farþegar með erlent vegabréf þurfa sjálfir að kanna hvort þeir þurfa vegabréfsáritun inn í landið.


FLUG & FLUGVÖLLUR
Flogið er til Malaga og þaðan er keyrt yfir til Roquetas de Mar. Akstur frá flugvellinum tekur um 3 klst ( fer að sjálfsögðu eftir umferð hverju sinni). Flugvöllurinn heitir Malaga-Costa del Sol airport. Flugtíminn til Malaga frá Keflavík er um 4 ½ klst. Mæta þarf til innritunar á flugvöll eigi síðar en 2 klst fyrir áætlaða brottför.


TAFIR Í FLUGI
Stundvísi er keppikefli Heimsferða en óhjákvæmilega geta orðið tafir á flugi í öllum flugrekstri, sem ferðaskrifstofan getur á engan hátt borið ábyrgð á. Ef verður töf á flugi eftir að innritun á flugvelli hefur farið fram, fer í gang verkferli samkvæmt alþjóðareglum. Þjónustuaðilar á flugvelli (handling agent) skal þá fyrir hönd flugfélagsins veita upplýsingagjöf, úthluta matarmiðum og jafnvel hótel eftir lengd og eðli seinkana. Farþegar þurfa að fylgjast vel með í kallkerfi flugvallar og gera vart við sig hjá viðkomandi þjónustuaðila (handling agent), til þess að fá upplýsingar. Gott er að hafa hugfast að fyrstu og bestu upplýsingarnar fást á flugvellinum og ferðaskrifstofa eða fararstjóri fær nákvæmlega sömu upplýsingar og farþegi. Verði veruleg töf er gott að hafa hugfast að jákvætt hugarfar er góður ferðafélagi.


TRYGGINGAR
Farþegar bera sjálfir ábyrgð á því að tryggingar þeirra séu í lagi meðan á ferð þeirra stendur. Hafi ferðin verið greidd með kreditkorti, er farþegi oft með góðar tryggingar í þeim kortum. En við bendum farþegum einnig á að hafa með Evrópska sjúkratryggingakortið með í för,  sem veitir rétt á allri nauðsynlegri heilbrigðisþjónustu á ríkisreknum stofnunum í löndum EES. Nánari upplýsingar má nálgast hjá Sjúkratryggingum Íslands (www.sjukra.is). Ef farþegi kýs að fara á einkarekna sjúkrastofnun á hann ekki rétt á endurgreiðslu í öllum tilfellum, því er mikilvægt að kanna tryggingar sínar vel fyrir brottför.

Gott er að hafa meðferðis tryggingarkort frá sínu tryggingarfélagi til að flýta fyrir allri afgreiðslu ef eitthvað kemur upp á.

FARANGUR & FARANGURSHEIMILD
Flogið er með ítalska leiguflugfélaginu Neos Air og er leyfileg hámarksþyngd á innrituðum farangri 20 kg á hvern farþega auk 5 kg í handfarangur (hámark stærð á tösku í handfarangri er 54x40x20 cm). Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið einfaldlega ekki bætt. Passið vel upp á að gleyma engu um borð í flugvélinni!


GJALDMIÐILL & KREDITKORT
Gjaldmiðillinn á Spáni er Evra (EUR). Athugið að almennt er ekki hægt að nota annan gjaldmiðil í verslunum, en hægt er að skipta öðrum gjaldmiðlum í bönkum. Öll helstu kreditkort er hægt að nota í verslunum og hraðbönkum í borginni, en nauðsynlegt er að vita pin-númer viðkomandi korts. Ef kort tapast, hringið í neyðarnúmer kortafyrirtækjanna og látið loka kortinu: VISA (00354) 525 2000 eða 525 2200. MASTERCARD (00354) 533 1400.


VIÐ KOMU Á ÁFANGASTAÐ
Fulltrúi Heimsferða tekur á móti farþegum á Malaga og aðstoðar þá sem eiga pantaða rútuferð til Roquetas de Mar. Ekki er hægt að bóka rútu nema á skrifstofu Heimsferða áður en ferðin hefst. Passið vel upp á að gleyma engu um borð í rútunni.


RÚTUFERÐ TIL & FRÁ FLUGVELLI
Fyrir þá sem eiga pantaða rútuferð til og frá flugvelli, þá er gert ráð fyrir að hver farþegi ferðist með að hámarki 1-2 töskur, auk barnakerru ef við á. Ef ferðast er með annan farangur eins og t.d íþróttabúnað eða rafmagnshjólastóla er ekki öruggt að farangursrými rútunnar sé nægilega stórt til að taka á móti slíkum farangri. Heimsferðir bera ekki ábyrgð á því ef rútan getur ekki heimilað slíkan farangur og því mikilvægt að fá það staðfest áður en ferðast er. Best er að hafa samband við ferðaskrifstofuna og fá nánari upplýsingar fyrir brottför. ATH enginn fararstjóri er með í för.


ÞJÓNUSTA Á ÁFANGASTAÐ
Enginn fararstjóri er á vegum Heimsferða í Roquetas de Mar. Í neyðartilvikum er hægt að hringja í síma 822 9092.

Eins minnum við á síma skrifstofu Heimsferða 595-1000, milli 09:00 og 17:00 alla virka daga.


GISTISTAÐIR
Gestir eru vinsamlegast beðnir að kynnar sér reglur hótelsins og virða almennar umgengnisreglur, m.a um næturkyrrð. Samkvæmt alþjóðareglum þarf að losa herbergi/íbúð ýmist fyrir hádegi eða á hádegi á brottfarardegi. Einstaka hótel fer fram á tryggingargjald sem er endurgreitt við brottför ef ekkert tjón hefur orðið á herbergi/íbúð meðan á dvöl stóð. Þá getur hótelið farið fram á kreditkortanúmer sem tryggingu meðan á dvöl stendur.


BROTTFÖR
Þeir sem eiga pantaða rútuferð frá hóteli á flugvöll fá brottfarartíma staðfestan í móttöku hótels. Farþegar þurfa að skrá sig út af herbergjum fyrir eða um hádegi á brottfarardegi. Hótelmóttakan sér um að geyma farangur fram að brottför ef á þarf að halda. Þeir sem eru eingöngu bókaðir í flugsæti bera sjálfir ábyrgð á því að fá brottfarartíma staðfestan á flugvelli eða skrifstofu Heimsferða á Íslandi í síma 00354-595-1000.


TAX-FREE
Flestar verslanir bjóða upp á svokallað Tax-Free ef keypt er fyrir ákveðna upphæð í viðkomandi verslun. Verslunin fyllir þá út sérstakt eyðublað sem viðskiptavinir þurfa að fá stimplað hjá tollvörðum á flugvellinum við brottför.  Ath. að þetta er gert fyrir innritun á flugvelli og hafa tollverðir leyfi til þess að óska eftir að sjá varninginn sem verslaður var. Í verslun þarf að framvísa vegabréfi þegar sótt er um Tax-Free.


SÍMI, RAFMAGN & TÖLVUR
Á Spáni er rafmagnið 220 volt eins og hér á Íslandi. Þegar hringt er úr íslenskum síma frá Spáni og í íslenskt númer skal setja inn 00354- á undan símanúmerinu. Ef hringja skal úr íslenskum síma í spænskt númer skal setja inn 0034- á undan númerinu. Þá er vert að taka fram að þó að hótelið sem dvalið er á, bjóði aðgang að þráðlausu wi-fi, að þá getur internetsambandið á stundum verið höktandi og ekki á það að treysta að fullu.


DRYKKJARVATN
Á Spáni er almennt gott vatn, en í öryggisskyni er farþegum ráðlagt að kaupa drykkjarvatn á flöskum. Í miklum hita er ekki gott að drekka ískalt vatn, betra er fyrir magann að fá vatnið í volgara lagi.


VEÐURFAR
Meðalhiti á Almeria yfir sumartímann er um 22-26 gráður en hitinn getur orðið hærri eða lægri eftir tíðarfari. Oft er mikill raki og því gott að drekka nóg af vatni. Ef sólin skín þá mælum við eindregið með notkun sólarvarnar, því sólin getur verið sterk.


VERSLANIR & ÚTIMARKAÐUR
Verslanir eru almennt opnar frá kl 10.00-13.30 og 16.30-20.00 mánudaga til föstudaga.  Flestar verslanir eru opnar fyrir hádegi á laugardögum en sumar hafa lokað eftir hádegi.  Á sunnudögum er yfirleitt lokað. Ath! opnunartími verslana er breytilegur. Verslunarmiðstöðin í Roquetas del Mar er opin alla daga nema sunnudaga frá kl. 10.00-22.00. 


STRÆTISVAGNAR
Strætisvagnarnir á svæðinu eru ljósgrænir og ljósgulir eða bláir og grænir að lit. Strætisvagn nr. 1, einnig stundum merktur Aguadulce,  gengur á milli Roquetas de Mar og Aguadulce á u.þ.b. 50 mín fresti. Strætisvagn nr. 2, einnig stundum merktur Almería eða Las Salinas,  gengur á milli Roquetas de Mar og Almería á u.þ.b. 50 mín fresti.

ÞJÓRFÉ
Almennt er þjónustugjald ekki innifalið á veitingastöðum og tíðkast því að gefa um 10% þjórfé. Oftast er einnig gefið þjórfé til leigubílstjóra, burðarmanna og annarra sem veita góða þjónustu.


LÆKNAR & APÓTEK
Íslendingar eru tryggðir innan EES ef um ríkisreknar heilsugæslur og sjúkrastofnanir er að ræða en ekki á einkareknum stofnunum. Mikilvægt er að vera vel tryggður. Opnunartími apóteka er frá 9:00-13:00 og 16:30-20:00 en einnig er nætur og helgidagaþjónusta. Leigubílstjórar og starfsfólk í hótelmóttöku vita yfirleitt hvaða apótek er á vakt hverju sinni.


ÍSLENSKUR RÆÐISMAÐUR
Ræðismaður Íslands á Almeria er Per Dover Petersen. Skrifstofan er staðsett í Malaga en hægt er að ná í hann í síma: (952) 661 200. Netfang: pdp@isconsul.com.


ÞJÓFNAÐUR
Líkt og á öðrum ferðamannastöðum, er vasaþjófnaður til staðar. Oft má koma í veg fyrir slíkt með því að vera á varðbergi. Athugið að skilja aldrei við ykkur veski, töskur eða annað verðmætt.


GOLF
Mikið úrval af golfvöllum er í nágrenni við Roquetas de Mar, Almería og El Toyo. Frekari upplýsingar má nálgast í hótelmóttöku og í upplýsingamöppu Heimsferða.  Athugið að greiða þarf sérstaklega fyrir flutning á golfsettum hjá flugfélaginu.


MATUR & SKEMMTUN
Roquetas de Mar og Almería eru þekkt fyrir einstaka tapas menningu og þar má víða finna góða tapas staði sem vert er að heimsækja og njóta. Steikhús, veitingastaðir sem sérhæfa sig í fiskmeti sem og ítalskir staðir – allt þetta er hægt að finna í bænum og í borginni.


ÁHUGAVERÐIR STAÐIR
Mario Park
Aquarium
Mini Hollywood
Mojacár
Þjóðgarðurinn Cabo de Gata – Nijar
Almería borgin
Granada

Deila núverandi vefslóð með tölvupósti