Hotel Sol Arona er fínt hótel staðsett í Los Cristianos. Um 200 metrar eru á ströndina og er flugvöllurinn í um 20 mínútna akstursfjarlægð og rúmlega 30 mínútna ganga er að „Laugaveginum“.

Hótelið er fallega innréttað, nútímalegt en þó í sveitastíl Kanaríeyjanna sem skapar sérlega hlýlegt andrúmsloft. 
SOL herbergin (standard) eru um 29fm og eru þau öll búin sjónvarpi, loftkælingu eða viftu, öryggishólfi (gegn gjaldi), mini-bar, kaffi- og te aðstöðu og svölum eða verönd. Á baðherbergi má finna hárblásara og snyrtivörur. 

Hægt er að bóka Skyline Junior svítu sem er 34fm. Auk þess er hægt að bóka SOL herbergi með stofu en þau eru 40fm. að stærð og eru með herbergi og setusvæði.

Á hótelinu er meðal annars leiksvæði fyrir börnin, líkamsræktarstöð, tveir veitingastaðir og tveir barir. Í hótelgarðinum er barnalaug með leiksvæði og stór sundlaug, sólbekkir og sólhlífar eru í kringum sundlaug. Ýmis afþreying er í boði bæði fyrir börn og fullorðna, en barnaklúbbur er starfræktur á hótelinu fyrir börn 5-12 ára. Þar er meðal annars í boði föndur, matreiðslutímar og hreyfing. Fullorðnir geta tekið íþróttatíma, vatnapólo, fótbolta, jafnvel lært línudans eða salsa.

Heilsulind er staðsett á hótelinu þar sem hægt er að bóka tíma í ýmsar líkamsmeðferðir gegn gjaldi.

Hótelið býður upp á wi-fi tengingu að kostnaðarlausu, en vert er að taka fram að internetsamband á hótelum getur verið hægt á álagstíma. 

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu. Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.