Hér er um að ræða glæsilegt hótel, sem var algjörlega tekið í gegn árið 2021. Hótelið er staðsett á Fanabe ströndinni, við hliðina á vinsæla hótelinu Best Jacaranda. Þetta er stórt sex hæða hótel með 440 svítum og 10 lyftum.

Hér er móttakan opin allan sólarhringinn og hægt að panta ýmsa þjónustu gegn gjaldi, t.d þvottaþjónustu eða leigja bílaleigubíl.

Hér er boðið upp á svítur sem eru rúmgóðar eða um 40 fm og rúma hámark þrjá fullorðna eða tvo fullorðna og tvö börn. Þeim er skipt upp í svefnherbergi og stofu og er sjónvarp inn í herberginu. Allar eru snyrtilega innréttaðar á nútímalegan hátt. Í öllum má finna loftkælingu, mini-bar, síma, ketil, kaffivél, straujárn og strauborð, öryggishólf (gegn gjaldi) og svalir. Á baðherbergi er sturta og hárþurrka. Hægt er að panta svítu með sundlaugarsýn gegn auka gjaldi. 

Í garðinum eru þrjár sundlaugar, þar af barnalaug og sundlaug einungis ætluð fullorðnum (+16) allar upphitaðar á veturna. Snarlbar er við fullorðins laugina. Þá er hér einnig vatnaleiksvæði fyrir börn og íþróttavöllur. Gegn gjaldi er hægt að leigja sér handklæði til afnota í sundlaugargarðinum.

Á hótelinu er starfandi barnaklúbbur (4-12 ára) og unglingaklúbbur (12-16 ára) en þar er til dæmis fótboltaspil og Nintendo tölva. 

Í miðju hótelsins er svæði með bar og setusvæði. Sunset Champagne Lounge sem er staðsett á þaki hótelsins með slökunarsvæði, kokteilabar og dásamlegu útsýni og geta allir fullorðnir (16+) nýtt sér.

Fjölbreytt skemmtidagskrá er í boði fyrir alla aldurshópa, jafnt á daginn sem á kvöldin.

Heilsulind má finna á hótelinu en allir fullorðnir (16+) geta notað hana en þar er líkamsræktaraðstaða og hægt er að kaupa allskonar meðferðir gegn auka gjaldi. Panta þarf tíma fyrirfram. 

Sameiginlegur hlaðborðsveitingastaður El Paladar er á hótelinu með „show cooking“ og fjölbreyttu fæði frá ýmsum landshornum. Á veitingastaðnum er pizza- og pastaborð og sér borð sem börn eiga auðvelt með að sækja sér mat sjálf.

La Cucina di Luigi, er snarlbar sem er opinn frá 12-16 alla daga fyrir þá sem eru í allt innifalið þjónustu. Þeir sem eru með hálft fæði + geta þó keypt sér snarl gegn gjaldi. 

Þá er hér einnig ítalskur „A la carte“ veitingastaður Positano sem allir hafa aðgang að og þeir sem eru í allt innifalið þjónustu fá eina máltíð á meðan á dvöl þeirra stendur innifalda, miðað við 7 daga lágmarksdvöl.

Hótelið býður upp á Wi-Fi tengingu að kostnaðarlausu, en vert er að taka fram að internetsamband á hótelum getur verið hægt á álagstíma.  

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu. Heimsferðir geta ekki tryggt að ekkert hafi breyst frá því að þær voru teknar.

Athugið að Heimsferðir ráða ekki staðsetningu sinna farþega.

Glæsilegt hótel sem býður góða þjónustu