Barbacan Sol hótelið þekkja margir Íslendingar vel og af góðu einu. Hótelið er sérlega vel staðsett á Ensku ströndinni, örstutt í Yumbo Center og einungis um tveir kílómetrar niður að ströndinni. Sérlega glæsilegur og vel staðsettur valkostur!

Á hótelinu er hægt að velja á milli íbúða með einu eða tveimur svefnherbergjum sem eru staðsettar í aðalbyggingunni eða rúmgóðra smáhýsa með tveimur svefnherbergjum. Létt er yfir öllum innréttingum og íbúðir hafa fengið mjög gott viðhald. Allar íbúðir og smáhýsi eru með svölum eða verönd og þá eru smáhýsin með sólbaðsaðstöðu á þaki. Öll eru vel búin með sjónvarpi og öryggishólfi. Eldhús eru búin kaffivél, brauðrist, helluborði og örbylgjuofni og baðherbergi eru með hárþurrku.
 

Hér er stór og fallegur garður ásamt barnasundlaug og leiksvæði. Þá er hér veitingastaður, bar, snarl bar og kokteilabar. 
 

ATH. Aðeins mega vera að hámarki í íbúð með einu svefnherbergi: þrír fullorðnir eða tveir fullorðnir og tvö börn yngri en 12 ára.

ATH. Lágmark í smáhýsi með tveimur svefnherbergjum eru: fjórir aðilar og hámark fimm aðilar. Ekki er leyfilegt að vera tveir eða þrír aðilar í smáhýsum með tveimur svefnherbergjum.

Einfaldlega einn af betri gistivalkostum á Ensku ströndinni!