Hotel Continental Hurghada er gott hótel og vel staðsett í strandbænum Makadi Bay við Hurghada.  Hótelið er staðsett í fallegu umhverfi með fallegum garði og við breiða sandströnd.   Alls eru 250 herbergi á hótelinu, öll með svölum eða verönd og snúa annaðhvort út í garð eða út að sjó. 

Á hótelinu eru sex veitingastaðir en morgun- og kvöldverður er framreiddur á aðalveitingastað hótelsins.  Þá er snarl-bar við sundlaugina og út við strönd.  Einnig eru huggulegur seturstofur inni á hótelinu.  Hátíðarkvöldverður um jól og áramót. Athugið að greiða þarf fyrir drykki með hátíðarkvöldverði.

Garðurinn er stór og rúmgóður og góð sólbaðsaðstaða.  Þá er á hótelinu heilsurækt, sauna og snyrtistofa. Ýmsar vatnaíþróttir og köfun eru í boði beint frá ströndinni. 

Gott hótel, vel staðsett við ströndina. Góð þjónusta