Margir Íslendingar þekkja án efa ítölsku skíðasvæðin í Madonna og Selva, enda hafa landsmenn ferðast þangað í meira en 20 ár. Nú bjóða Heimsferðir upp á spennandi skíðaferðir til Val Gardena og Madonna di Campiglio og bæjanna þar í kring
Flogið er til Verona og er aksturstími á hvert svæði u.þ.b. 3 klst.
Val Gardena - Selva, Santa Cristina og Ortisei
Val Garena með Alpe di Siusi skíðasvæðinu hefur verið einn vinsælasti áfangastaður skíðaiðkennda til margra ára. Alpe di Siusi er í hjarta Dolomites fjallanna og er á heimsminjaskrá. Þar eru ótal möguleikar fyrir þá sem hafa áhuga á vetraríþróttum t.d. skíðum, snjóbrettum og gönguskíðum. Á svæðinu eru nútímalegar skíðalyftur og meira ein 60 km af skíðabrautir fyrir öll erfiðleikastig. Svæðið er hluti af Dolomiti Superski skíðasvæðinu sem hefur 460 skíðalyftur, 1220 km af skíðabrekkur og er með tengingu inn á Sella Ronda skíðahringinn.
Ekki er fararstjóri á vegum Heimsferða í skíðaferðunum til Selva Val Gardena, ekki er heldur í boði á akstur til og frá Selva Val Gardena.
Heimsferðir bjóða upp á gistingu í bæjunum:
- Selva
- Santa Cristina
- Ortisei
Madonna di Campiglio
Val Rendena dalurinn er staðsettur í vesturhluta Trentino við rætur vestur-Dolomiti fjallgarðsins og hefur að geyma vinsæl skíðaþorp m.a. Madonna di Campiglio og Pinzolo. Líkt og í Val di Fassa dalnum eru þetta falleg þorp með skemmtilegri blöndu af ítölsku og austurrísku yfirbragði.
Bærinn Madonna di Campiglio stendur 1.500 metra hæð yfir sjávarmáli, og er þetta þúsund manna fjallaþorp einn þekktasti skíðabær Ítalíu. Úr miðbænum er stutt í skíðalyftur og kláfa sem liggja upp í skíðabrekkurnar fyrir ofan bæinn. Hæstu brekkurnar liggja í 2.600 metra hæð yfir sjávarmáli. Skíðafólk getur valið um brekkur eftir getu hvers og eins og eru brekkurnar merktar svartar, rauðar eða bláar. Skíðasvæðið samanstendur af 150 km af skíðabrautum, og er lengsta skíðabrautin 5 km. Á svæðinu eru 57 skíðalyftur sem flestar eru opnar 08:30-16:30. Boðið er upp á skíðakennslu á svæðinu fyrir alla aldurshópa. Hægt er að skíða frá Madonna yfir í skíðabæina Folgarida-Marilleva og Pinzolo.
Miðbær Madonna er fullur af lífi frá því að siestunni líkur og fram á kvöld. Þar er fjöldi kaffihúsa, kráa, veitingastaða og fjölbreyttra verslana.
Pinzolo
Bærinn Pinzolo er staðsettur 10 km frá Madonna di Campiglio í Val Rendena dalnum. Skíðasvæðin í Pinzolo og Madonna tengjast með kláfi og tekur ferðin á milli um 20 mínútur, því er tilvalið að kaupa skíðapassa sem gildir á báðum svæðum. Einnig gengur rúta á milli bæjanna. Skíðasvæðið samanstendur af 19 brekkum (5 bláar, 10 rauðar og 4 svartar) og er svæðið fjölskylduvænt og hentugt fyrir byrjendur.
Caderzone Terme
Caderzone Terme er eitt elsti bærinn í Val Rendena dalnum og staðsett í miðjum dalnum, 5 km frá Pinzolo. Staðsetning bæjarins er ekki einungis hentug til skíðaiðkunar heldur líka fyrir afslöppun og vellíðan. En Terme þýðir varmaböð og tengist járnríkri vatnslind sem uppgötvaðist til forna nálægt miðbænum. Carderzone Terme er þekkt sem þorp heilsunnar.
Heimsferðir bjóða gistingu í bæjunum
Madonna
Pinzolo