Gran Canaria

Gran Canaria eru einn alvinsælasti áfangastaður Íslendinga og Evrópubúa yfir vetrarmánuðina!

Heimsferðir bjóða úrval gistingar á frábærum kjörum en Gran Canaria eru einn alvinsælasti áfangastaður Evrópubúa yfir veturinn, enda er þar að finna eitt besta loftslag í heimi, milt og gott veður með jöfnu hitastigi árið um kring. Á Gran Canaria eyjunni er að jafnaði 20─25 stiga hiti á daginn.

Enska ströndin og Maspalomas

Á suðurhluta Gran Canaria er að finna vinsælustu staði eyjarinnar, Ensku ströndina og Maspalomas, en þar eru Heimsferðir með sína gististaði. Þar eru frábærar aðstæður fyrir ferðamenn og undanfarin ár hefur átt sér stað bylting í byggingu nýrra og glæsilegra hótela.

Enska ströndin er stærsti strandstaður Gran Canaria en þar er upplifun að fylgjast með iðandi mannlífinu. Götulistamenn, tónlistarmenn, sölufólk, sólbrúnir ferðamenn og þéttsetin útikaffihúsin. Á daginn er strandlífið í algleymingi en þegar sólin sest niður fyrir hina gylltu sandkletta Maspalomas, þá sýnir það sig að veitinga- og skemmtistaðir Ensku strandarinnar eru nánast jafnmargir stjörnunum á hinum kanaríska nátthimni.

Skammt frá Ensku ströndinni, við hina þekktu Maspalomas-eyðimörk, er Maspalomas. Þar er einstök upplifun að ganga í gylltum sandbylgjunum og á frábærri ströndinni. Maspalomas er rólegri staður en Enska ströndin og allar aðstæður fyrir fjölskyldur eru frábærar, auk þess sem Enska ströndin er örskammt undan.

Á Ensku ströndinni og á Maspalomas er nóg að gera í fríinu, fjöldi góðra veitingastaða á hverju horni, skemmtistaðir, áhugaverðar kynnisferðir, góðir golfvellir, frábær íþróttaaðstaða og síðast en ekki síst er ótrúlega ódýrt að kaupa mat og drykk. Þá er einnig unnt að versla á Gran Canaria en í höfuðborginni Las Palmas er að finna fjölda verslana ásamt Primark. Þá er einnig El Mirador verslunarmiðstöðin skammt frá Ensku ströndinni eða í 35 mínútna akstursfjarlægð en þar má m.a. finna verslanir H&M, Zara, Berska, Stradivarius, Mango, Pull & Bear, ásamt Primark. Það er engin furða að til Gran Canaria fari þúsundir ferðamanna í hverri viku til að njóta þessa og flýja veturinn á Íslandi.

Fylgstu með fararstjórum okkar á Facebook!

Heimsborgarar á Kanarí

Starfsemi Heimsborgaraklúbbsins hefur fest sig í sessi á liðnum árum. Lögð er áhersla á skemmtilegan félagsskap, fjölbreytt félagsstarf og ekki síst heilsurækt sem í margra augum er orðin að einum dýrmætasta þættinum í þessum ferðum. 

Flugtími: 5-6 klst.
Gjaldmiðill: Evra
Tungumál: Spænska
Tímamismunur: +1 klst. á sumrin, sami tími á veturna
Akstursfjarlægð frá flugvelli: Um 30 mínútur.

 

Golf á Gran Canaria

Á Gran Canaria eru fimm 18 holu golfvellir sem eru opnir almenningi þannig að áhugasamir kylfingar geta haft nóg fyrir stafni. Þú færð frekari upplýsingar um það sem í boði er hjá fararstjórum Heimsferða.

Bandama Golf Club
Bandama-golfvöllurinn er fyrir ofan borgina Las Palmas. Elsti golfklúbbur Spánar – stofnaður 1891. Völlurinn er mun yngri.

Salober Golf
Salober-golfvöllurinn er á milli Ensku strandarinnar og Puerto Rico. Þar má aðeins fara um á golfbíl. Hæðóttur 18 holu völlur.

El Cortijo
El Cortijo völlurinn er við Telde, sem er rétt áður en komið er til Las Palmas. 18 holu golfperla. Þar er einnig að finna fallegan 18 holu, par 3 völl .

Maspalomas Golf
Þú finnur Maspalomas-golfvöllinn á Maspalomas-svæðinu. Sléttur 18 holu völlur. Hægt er að leika 9 holur á honum eftir kl. 16.00.

Meloneras Golf
Meloneras er nýjasti völlurinn, var opnaður sumarið 2003. 18 holur, par 72, hannaður af Ron Kirby. Staðsettur rétt hjá Maspalomas.

Heimsferðir bjóða einnig upp á sérstakar golfferðir, kynntu þér möguleikana.

 

Gisting

Kort

Kynnisferðir

Verslunarferð

Ferð m/íslenskri fararstjórn.

Verslunarferð með fróðlegu ívafi þar sem við byrjum á að fara beint í verslunarmiðstöðina Las Arenas. Þar eru allar helstu verslanirnar eins og H&M, Primark, Punto Roma og C&A. Í Las Arenas eru einnig veitingastaðir og kaffihús til að fá sér hressingu. Frá Las Arenas förum við í Vegueta, gamla bæinn í Las Palmas. Þar er gefinn frjáls tími sem hægt er að nota í að skoða söfn, kíkja í göngugötuna eða fá sér hressingu. Við endum síðan ferðina á því að fara í stóru sportvöruverslunina Decathlon, en þar fæst flest sem viðkemur sporti og útivist.

Kynnisferðir eru bókanlegar hjá fararstjóra á meðan dvöl stendur.

Strandafegurð

Ferð m/íslenskri fararstjórn.

Ný ferð! Upplifið hina dásamlega fallegu vesturströnd Gran Canaria þar sem er mikið af athyglisverðum bæjum og baðströndum. Við keyrum meðfram strandlengjunni að gamla fiskibænum Arguineguín, þar gefum okkur svolítinn tíma til að skoða bæinn. Þaðan höldum við til Puerto Rico, upp á útsýnissvæði þar sem við sjáum yfir strandlengjuna, röltum aðeins um og kíkjum á danska bakarann. Endum svo ferðina á því að fara á hina fallegu strönd Amadores þar sem við njótum þess að fara á ströndina eða kíkja á kaffihús og veitingastaði.

Kynnisferðir eru bókanlegar hjá fararstjóra á meðan dvöl stendur.

Hálendið og kaffiræktun

Ferð m/íslenskri fararstjórn.

Ný ferð! Í þessari ferð skoðum við leyndardóma fjallanna. Við höldum í norður til Agaete inn í gróðursælan dal og heimsækjum búgarð sem ræktar kaffi, fræðumst um ferilinn og fáum að smakka á kaffinu. Þaðan förum við inn í landið í áttina að miðju eyjarinnar, framhjá djúpum dölum, stífluvötnum og litlum þorpum og sveitabæjum á leið okkar til Valleseco í hádegisverð sem er innifalinn. Leið okkar liggur áfram upp fjöllin að hæsta stað eyjunnar, Pico de las Nieves, og þaðan í áttina að hinum fræga kletti Roque Nublo. Eftir útsýnisstoppin höldum við í suður til Fataga þar sem við göngum um bæinn og heimsækjum gamla bakaríið áður en við höldum heim.

Kynnisferðir eru bókanlegar hjá fararstjóra á meðan dvöl stendur.

Hellaferð - Guayadeque dalur

Ferð m/íslenskri fararstjórn.

Fjörug og fróðleg ferð með mat, drykk, söng og dans. Fyrst heimsækjum við Neðri-byggðina, smábæ, þar sem hægt er að sjá bústaði fólks. Við skoðum hellakirkju og bar, þar sem við fáum að smakka á ýmsu góðgæti, förum lengra inn í dalinn að Efri-byggðinni og áður en sest er að snæðingi á veitingastaðnum er stutt gönguferð um hellabyggðina þar sem litið er inn á heimili fólks sem býr í hellum. Síðan njótum við kvöldsins með söng og dansi á veitingastaðnum „Tagoror“ sem er höggvinn inn í klett. Við borðum ekta kanarískan mat sem heimamenn hafa eldað af mikilli alúð. Þægilegur skófatnaður, létt yfirhöfn, mynda- eða vídeóvél og breitt bros, er það sem við þurfum í handfarangri í þessa ferð.

Kynnisferðir á Tenerife eru bókanlegar hjá fararstjóra á meðan dvöl stendur.

Kestrel gilið

Ferð m/íslenskri fararstjórn.

Ný ferð! Létt ganga um Kestrel gilið en lengd göngu er 2,5 tímar, um kl. 09.00-15.30. Gönguferðin hefst í norðausturhlutanum á Gran Canaria. Krestel-gljúfrið er einstaklega fallegt og gróðursælt. Stígurinn liggur niður gljúfrið um fallegan dal og þetta svæði er einkennandi fyrir eldsumbrot. Í hrauninu eru sérstök steinefni sem hjálpa til við ræktun á sjaldgæfum gróðurtegundum. Allt árið rennur lækur niður dalinn og á rigningatímabilinu breytist landslagið og verður eins og frumskógur. Ferðin endar með heimsókn í fræga hellaþorpinu Guayadeque.
Lengd: 8 km Hæð: 150 m Erfiðleikastig: 1,5 skór af 4.

Kynnisferðir eru bókanlegar hjá fararstjóra á meðan dvöl stendur.

Garbo´s

Ferð m/íslenskri fararstjórn.

Frábært skemmtikvöld þar sem þjónustufólkið byrjar á að taka vel á móti gestum og vísa til sætis. Boðið er upp á þriggja rétta máltíð (drykkir innifaldir), þar sem þjónarnir eru stjörnur sýningarinnar og stjörnurnar bera fram matinn og þjóna þér til borðs. Sýningin er sannkölluð tónlistarferð með kabarettsýningu við allra hæfi þar sem öllum er haldið föngnum yfir heillandi samsetningu af tónlist, dansi, flottum búningum, loftfimleikum og sérstakri lýsingu. Í ár heitir sýningin Legends. Garbo´s í Bahia Feliz er eftirlíking af frægum veitingastað í New York sem heitir Arts. Taka þarf leigubíl (gott að vera fleiri saman), vera komin ekki seinna en kl. 19.30 á staðinn og sýningunni lýkur um kl. 23.30, rétt fyrir miðnætti. Snyrtilegur klæðnaður.

Kynnisferðir eru bókanlegar hjá fararstjóra á meðan dvöl stendur.

Hjólaferð

Ferð m/enskri fararstjórn.

Ný ferð! Frá Meloneras höldum við í rólegheitum á þessum frábæru rafmagnshjólum upp í gegnum Ayagaures-dalinn. Vegna gæða þessara hjóla verður leiðin upp að kirkjutorginu í Ayagaures-þorpið mjög auðveld. Þar tökum við hlé undir trjánum og fáum dæmigerðan kanarískan mat (tapas) og drykk, sem er innifalið. Héðan er aftur farin auðveld leið upp að útsýnisstaðnum Pedro Gonzalés í 490 metra hæð. Þaðan er svo haldið heim á leið. Í byrjun eða í lokin förum við smá bæjartúr á hjólunum um Meloneras-svæðið og að hinum fræga Maspalomas-vita.
Mjög létt, þægileg og skemmtileg ferð. Nauðsynlegt að vera í íþrótta-/gönguskóm.
Lengd: 31 km ─ hæð: 560 m.
Erfiðleikastig: 1 skór af 4.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Afrikat bátsferð

Ferð m/enskri fararstjórn.

Þessi skemmtilega ferð hefst í Puerto Rico. Við siglum með tvíbytnunni AFRIKAT meðfram suðvesturströndinni frá Puerto Rico framhjá Puerto Mogán og setjum út akkeri við litla, fallega vík þar sem hægt er að fara í sjóinn og snorkla ef menn vilja. Þaðan fara þeir á léttabát með ströndinni sem vilja. Boðið er upp á ýmiss konar vatnasport á 50% afslætti af fullu verði í landi. Innifalið í verðinu er hádegishlaðborð, frír bar (bjór, sangria, gos og vatn) og ferð með léttabátnum.

Kynnisferðir eru bókanlegar hjá fararstjóra á meðan dvöl stendur.

Nái þátttökufjöldi í þessar ferðir 20+ fer íslenskur fararstjóri með í ferðina.

Kafbátaferð

Ferð m/enskri fararstjórn.

Ævintýraferð fyrir alla fjölskylduna. Puerto de Mogán er þekkt fyrir skrautlegar byggingar og blómadýrð sína. Umhverfið er skemmtilegt og aðlaðandi. Gengið er um hafnarsvæðið að kafbátnum, þar er farið um borð og undirdjúpin út af Mogán skoðuð. Kafað er niður á 20 m dýpi þar sem ýmislegt ber fyrir sjónir. Köfunin tekur u.þ.b. 30 mínútur. Gefin er frjáls tími til að skoða bæinn. Athugið að hægt er að komast í ýmsar aðrar göngu- og hjólreiðaferðir. Allar upplýsingar hjá fararstjórum.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Tre Hjartan - vínsmökkun

Ferð m/enskri fararstjórn.

Fróðlegt og skemmtilegt kvöld í San Augustin. Farið er á notalega veitingastaðinn Tre Hjärtan (3 hjörtu) sem er í verslunarkjarnanum í San Augustin. Þar fáum við námskeið í smökkun á rauðvínum. Um er að ræða smökkun á þekktum spænskum eðalrauðvínum. Að því loknu fáum við þriggja rétta máltíð með ½ flösku af Reserv- rauðvíni og vatni. Máltíð sem kemur á óvart og hefur slegið í gegn.
Boðið er upp á lifandi danstónlist þannig að þeir sem vilja njóta þess að dansa geta heldur betur slett úr klaufunum.
Taka þarf leigubíl (gott að vera fleiri saman) og leggja af stað um kl. 18.45, námskeiðið hefst kl. 19.00.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Köfun fyrir alla

Ferð m/enskri fararstjórn.

Hér er einstakt tækifæri til að uppgötva sjávarlífið í kringum Kanarí eins og það gerist best. Kennt er hvernig nota á köfunarbúnaðinn og hver og einn hefur sérstakan kennara fyrir sig (maður á mann) sem fylgir honum eftir á meðan kafað er. Frábær ferð fyrir alla aldurshópa þar sem allir fá eitthvað við sitt hæfi. Myndataka neðansjávar fyrir þá sem vilja. Þeir sem ekki kafa geta skemmt sér á ströndinni á meðan eða farið í litla vatnagarðinn.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Palmitos garðurinn

Ferð m/enskri fararstjórn.

Heimsókn í Palmitos Park dýragarðurinn er eitthvað sem enginn má missa af meðan dvalið er á Gran Canaria. Hægt er að skoða margs konar fuglategundir, s.s. pelikana, páfagauka, flamengóa, erni, fálka, uglur og margar fleiri tegundir. Haldnar eru fuglasýningar nokkrum sinnum á dag þar sem hægt er að sjá fuglana leika listir sínar. Ekki er einungis hægt að skoða fugla í garðinum, þar eru einnig margs konar fiskar, eðlur, litlir birnir, apar, stærsti fiðrildagarður í Evrópu o.fl. Nýjasta viðbótin er höfrungarnir. Hægt er að fara á glæsilegar sýningar, læra um tegundina og tengsl höfrunganna við þjálfara sína ásamt fleiru. Palmitos Park er eini staðurinn á Gran Canaria þar sem hægt er að skoða höfrunga. Garðurinn er opnaður kl. 10.00 alla daga. Hægt er að taka leigubíl eða strætisvagn nr. 45 en í bæklingum garðsins má sjá upplýsingar um strætóstoppistöðvar. Hægt er að kaupa opinn miða hjá fararstjórum og sérstakt pakkatilboð fyrir Palmitos og Aqualand. Athugið að hafa þarf skilríki fyrir börnin til að staðfesta aldur.

Kynnisferðir á Tenerife eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Aqualand

Ferð m/enskri fararstjórn.

Þetta er sannkallaður gleðigarður fyrir alla. Þarna má finna ýmsar rennibrautir, tæki og tól sem koma adrenalíninu á fullt, eins og Boomerang, Tornado, Rapids, Adrenalina, Mamut Kamkaze, Aquamania, Crazy Race, Anaconda, Surf Beach, Congo River, Polynesia og sundlaug fyrir fullorðna. Sérstakur vatnagarður er fyrir börn, Mini Park, og er hann algjör paradís fyrir unga fólkið. Í garðinum er líka laug með sæljónum, minigolfvöllur, minjagripaverslun, búningsherbergi, leiga á sólbekkjum og skápum, skyndibitastaður og veitingastaður.
Garðurinn er opnaðurr kl. 10.00 alla daga. Hægt er að taka leigubíl eða strætisvagn nr. 45 en í bæklingum garðsins má sjá upplýsingar um strætóstoppistöðvar.
Hægt er að kaupa opinn miða hjá fararstjórum og sérstakt pakkatilboð fyrir Palmitos og Aqualand. Athugið að hafa þarf skilríki fyrir börnin til að staðfesta aldur.

Kynnisferðir á Tenerife eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Tenerife - Loro Parque

Ferð m/enskri fararstjórn.

Það er mjög fróðlegt að sjá hversu ólíkar þessar nágrannaeyjar eru. Lagt er af stað snemma morguns áleiðis til Puerto de las Nieves á norðurströndinni. Þaðan er farið með stórri ferju, Fred Olsen, sem siglir yfir til Tenerife. Ferðin tekur rúmlega klukkustund. Skoðunarferðin um eyjuna hefst í höfuðborginni Santa Cruz. Ekið er í gegnum háskólabæinn La Laguna í áttina að ferðamannabænum Puerto de la Cruz í La Orotava dalnum sem er talinn fallegasti dalur eyjarinnar og er á norðurhluta eyjarinnar en þar er Loro Parque dýragarðurinn. Á leiðinni er farið um mörg falleg smáþorp og stórkostlegt er að sjá hversu græn eyjan er fyrir norðan þar sem ávaxtaræktunin er í hámarki. Í góðu skyggni sést til eldfjallsins Teide, sem er hæsta fjall Spánar, 3.718 metrar á hæð og er toppurinn oft þakinn snjó.
Mikill fjöldi fugla og dýra er í garðinum, m.a. eitt stærsta safn páfagauka í heiminum. Einnig má finna tígrisdýr, simpansa, górillur, krókódíla og margt fleira. Margar dýrasýningar eru í boði, s.s. páfagauka-, sæljóna-, höfrunga- og háhyrningasýningar.
Í garðinum eru tvær forvitnilegar byggingar. Önnur er heimur mörgæsanna og þar snjóar um 12 tonnum af snjó daglega. Hin er sædýrasafnið þar sem hákarlar og aðrir fiskar synda fyrir ofan okkur í glergöngum. Nýlega var opnaður frumskógagarður þar sem hægt er að ganga um og sjá margar tegundir af fuglum. Þar er hægt að gefa páfagaukum og vera í nálægð við þá. Hægt er að fá sér hádegisverð, skoða sig um og njóta dagsins í þessum fallega og fjölbreytta garði. Síðan liggur leiðin aftur til hafnarinnar í Santa Cruz og siglt er heim á leið kl. 19.00.
Frábær ferð fyrir alla fjölskylduna, munið eftir yfirhöfnum.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Jeppasafarí

Ferð m/enskri fararstjórn.

Skemmtileg ævintýraferð um hálendisvegi og fallegt landslag.
Haldið er af stað á vit ævintýranna þar sem ekið verður inn í landið, hin stórbrotna náttúra skoðuð, farið að stífluvötnunum og komið við í litlum sætum þorpum. Ekið verður um ýmsa vegi og vegaslóða sem erfitt er að heimsækja nema á jeppum. Í þessari ferð er hægt að sannreyna þá staðreynd að Gran Canaria sé litla heimsálfan. Nauðsynlegt er að hafa með sér sólaráburð, sundföt og hlýjan fatnað.
Hádegisverður er innifalinn.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Jeppasafarí - Úlfaldareið

Ferð m/enskri fararstjórn.

Skemmtileg ævintýraferð um hálendisvegi og fallegt landslag. Haldið er af stað á vit ævintýranna þar sem ekið verður inn í landið, hin stórbrotna náttúra skoðuð, farið að stífluvötnunum og komið við í litlum sætum þorpum. Ekið verður um ýmsa vegi og vegaslóða sem erfitt er að heimsækja nema á jeppum. Við yfirgefum svo jeppana um stund og förum í um 30 mínútna úlfaldareið. Í þessari ferð er hægt að sannreyna þá staðreynd að Gran Canaria sé litla heimsálfan. Nauðsynlegt er að hafa með sér sólaráburð, sundföt og hlýjan fatnað.
Hádegisverður er innifalinn.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

VIP hringferð

Ferð m/enskri fararstjórn.

Einstök hringferð sem seint gleymist. Dagsferð í 8 manna bílum. Við höldum í vestur og förum í gegnum bæinn Mogán (efri bæinn) og Veneguera, komum að dalnum San Nicolas de Tolentino, svæði þar sem flestir tómatabúgarðarnir á eyjunni eru. Við förum af standveginum aðeins inn í landið, í áttina að miðju eyjarinnar, förum framhjá djúpum dölum, stífluvötnum, pálmatrjám og litlum þorpum. Ferðin heldur áfram að hæsta punkti eyjarinnar, Pico de Las Nieves, sem er í 1.949 metra hæð. Þaðan höfum við stórfenglegt útsýni út á Roque Nublo sem er eitt af aðaltáknum eyjarinnar. Á björtum degi má sjá út á eyjuna Tenerife með sínu stórkostlega eldfjalli Teide sem er í 3.718 metra hæð. Á leið okkar aftur niður af hálendinu förum við í gegnum kanarískan furuskóg (sérstök kanarísk fura) í norður til þorpsins Valleseco þar sem snæddur er hádegisverður. Þaðan er farið um „Camino de Flores“ (blómaslóðina) til Teror, skoðum gamla bæinn, kirkjuna og húsin með kanarísku svölunum. Frá Teror er svo haldið til Ensku strandarinnar.
Ekki gleyma myndavélinni.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Markaðsferð

Ferð m/enskri fararstjórn.

Frábær markaðsferð um frjósöm héruð Gran Canaria, Teror, Santa Brigita og San Mateo. Við höldum í norður til bæjarins Santa Brigita. Heimsækjum markaðinn sem er þekktur fyrir landbúnaðarvörur eins og ávexti, grænmeti og handverk sem unnið er á eyjunni. Þaðan förum við til San Mateo og komum við á markaðnum sem er sérstaklega frægur fyrir ljúffenga osta eyjarinnar. Þá er haldið til Teror þar sem kirkja Furujómfrúarinnar, „Nuestra Senora del Pino“, aðaldýrlings Gran Canaria, er. Við ráðleggjum fólki að skoða kirkjuna og dýrgripasafn hennar. Í Teror skoðum við þriðja og síðasta markaðinn í ferðinni. Markaðurinn er frægur fyrir vörur sem framleiddar eru í bænum, s.s. ýmiss konar pylsur, kryddpylsur, sætar pylsur (morcilla dulce), brauð, osta, ólífur, ilmvötn o.fl. Þarna er líka að finna marga hluti trúarlegs eðlis. Teror er einnig þekkt fyrir kanarísku svalirnar sem prýða eina af aðalgötum bæjarins. Eftir viðkomuna í Teror er haldið aftur heim á Ensku ströndina. Ekki gleyma myndavélinni.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Sveitaferð

Ferð m/enskri fararstjórn.

Ferð í sveitina sem seint gleymist. Keyrt er í gegnum Fataga að útsýnisstaðnum Mirador de Tunte og þaðan er haldið áfram til búgarðsins Las Burras de Tirajanas sem við heimsækjum og er staðsettur í fjallaþorpinu Taidía. Búgarðurinn hefur að geyma margs konar dýr og fallegan ávaxtagarð. Kanarískar veitingar eru bornar fram (innifalið í verði) og farþegar fá að upplifa asnareið (innifalið). Á leiðinni heim stöðvum við í Santa Lucia og þaðan keyrum við heim í gegnum Agumes.

Kynnisferðir eru bókanlegar hjá fararstjóra á meðan dvöl stendur.
Nái þátttökufjöldi í þessar ferðir 20+ fer íslenskur fararstjóri með í ferðina.

Finndu ferðina þína

SÍA LEITARNIÐURSTÖÐUR

Leitarniðurstöðusýn

Raða eftir

Brottfararstað

Verði

Áfangastað

Tegund ferðar

Stjörnumat

Fæðisval

Aðstaða

Stjörnumat

Farþegar

Dagatal

Sjá leitarniðurstöður sem
Sjá leitarniðurstöður sem
Sýna verð sem
Veldu lágmarksfjölda

Veldu lengd ferðar

  • 21