FLACHAU - Dalirnir þrír

Eitt glæsilegasta skíðasvæði Alpanna

Heimsferðum er það sönn ánægja að bjóða enn eitt árið, eitt glæsilegasta skíðasvæði Austurríkis, Flachau sem er aðeins um 70 km. fyrir sunnan við Salzburg. Flachau er hjarta Ski-amadé  svæðisins í Salsburg -héraði. Þaðan liggja leiðir inn á eitt stærsta skíðasvæði Austurríkis, sem er snjóöruggt með góðum brekkum af öllu tagi og net af afbragðs lyftum ættu að tryggja öllum skíðamönnum það besta sem völ er á í fríinu.  Ekki má gleyma öllum fjallakofunum og „aprés-ski“ stöðunum (stemning eftir skíði),  sem tryggja að líkaminn og andinn fái sitt.
Með einum skíðapassa er hægt að ferðast á milli 5 svæða með 25 þorpum, 865 km. af brekkum og 276 lyftum af öllu tagi. „Snjókanónur“ sjá til þess að ávallt er nægur skíðasnjór. Brettafólk er líka velkomið á öllu svæðinu í Ski-amadé og þar er 1,5 km löng flóðlýst brekka, brettaskemmtigarður og þjónusta við brettafólk. Ókeypis skíðavagn fer reglulega á milli skíðasvæðanna. Einn af kostunum við Flachau er að þú getur ferðast á skíðum á milli, Flachau, Wagrain og St. Johan og tekið rútuna yfir til Zauchensee, sem er annað stórglæsilegt svæði með frábærum brekkum.