Á bökkum Gardavatnsins
21. ágúst – 29. ágúst 

3 sæti laus!

Fararstjóri:
Einar Garibaldi Eiríksson

Dásamlegar gönguferðir til hins undurfagra Gardavatns þar sem dvalið verður á góðu 3*+ hóteli í útjaðri bæjarins Malcesine  við norðausturenda Gardavatnsins. Þaðan verður haldið í spennandi dagsgöngur eftir ægifögrum göngustígum á milli  litskrúðugra þorpa, gróðursællra unaðslunda og fjallstinda með óviðjafnanlegu útsýni yfir eina rómuðustu náttúruperlu  Norður-Ítalíu.

Ferðatilhögun:

21. ágúst
Flogið er í beinu flugi Icelandair til Malpensa flugvallar í Mílanó. Flugtak  kl.16:50 og lending kl. 22:40 að staðartíma. Um 3ja tíma akstur er frá Malpensa til Malcesine.
 
22. ágúst
Fyrsti dagurinn er á rólegu nótunum og við hefjum ferðina á stuttri gönguferð um bæinn okkar. Við kynnum okkur bæjarbraginn  og  aðstæður í Malcesine. Leiðin liggur meðfram bökkum Gardavatnsins og inn í gamla bæinn; þar sem við skoðum litskrúðugar  hafnirnar, kastalann og þröng strætin sem iða af mannlífi, skemmtilegum krám, veitingastöðum og verslunum.

23. ágúst
Ólífuviðarströndin / 11 km / 6 klst. / +- 200 m.
Í dag göngum við eftir austurbakka Garda vatnsins. Leið okkur liggur um ræktað land og gróðurvinjar, þar sem ólífuviðurinn er allsráðandi. Við hefjum för í Brenzone, þaðan sem við þræðum okkur eftir kræklóttum stígum á milli smáþorpa í suðurátt til
Torri del Benaco, eins fegursta þorpsins við vatnið. Héðan tökum við bát og siglum aftur norður til Malcesine.

24. ágúst
Sítrusviðarströndin / 11 km / 6 klst. / +- 500 m.
Við hefjum gönguna í bænum Gargnano, við vesturströnd vatnsins, þaðan sem við þræðum okkur upp fornar Píslargönguleiðir  til eyðilegra smáþorpa og bænahúsa er veita okkur óviðjafnanlegt útsýni yfir Gardavatnið. Hér liggur leiðin í hring og við njótum  hressilegra afurða sítrúsviðarins áður en við siglum aftur til Malcesine.

25. ágúst
Ventrar skarðið / 7 km / 4 klst. / +-400 m.
Í dag stefnum við til griðlandsins á Monte Baldo fjalli. Við tökum kláf frá Malcesine sem ber okkur upp í um 1.750 m. hæð; héðan göngum við til norðurs í átt að og í gegnum Ventrar skarðið, sem rómað er fyrir ægifagurt útsýnið og fjölbreyttan gróður. Leiðin  liggur í hring og við fáum okkur hressingu að hætti heimamanna í fjallaskála á bakaleið okkar til kláfsins er ber okkur aftur niður til Malcesine.

26. ágúst
Ofan við Limone / 10 km / 6 klst. / +700-800 m.
Úr Ledro dal göngum við upp í gegnum dalverpi og yfir fjallaskörð, þaðan sem við fikrum okkur út á þverhnípta fjallshryggi er veita okkur óviðjafnanlegt útsýni yfir Gardavatnið. Við þræðum okkur niður brattar hlíðar Singol dalsins ofan við Limone, sem við skoðum áður en við tökum bátinn aftur yfir vatnið til Malcesine.

27. ágúst 
Monte Baldo hringurinn / 7 km / 4 klst. / +-400 m.
Við tökum kláfinn upp frá Malcesine á ný, en nú liggur leið okkar eftir fjallshryggnum í suðurátt, í átt að hæstu tindum Monte Baldo fjallgarðsins. Við göngum á Cima delle Pozzette í ríflega 2.100 m. hæð, þaðan sem við njótum víðfems útsýnis til Alpanna í norðri og Pó sléttunnar í suðri. Héðan fikrum við okkur niður til Pre Alpesina og njótum þar lystisemda fjallasalanna, áður en við snúum aftur til kláfsins er ber okkur á ný niður til Malcesine.

28. ágúst
Frjáls dagur við Gardavatnið. Margvíslegir möguleikar í stöðunni, þá má til dæmis sigla á vatninu og skoða fallega bæi eins og Sirmione, Bardolino, Garda, Limone eða Riva.  Þá má líka njóta þess að skoða Malcesine bæinn enn betur, eða jafnvel halda áfram gönguferðum í samráði við fararstjóra ferðarinnar

29. ágúst  - Heimferð
Upplagt að njóta hvíldarinnar við sundlaugarbarminn fram að hádegi. Brottför frá hóteli um eftirmiðdaginn.  Ekið til Malpensa flugvallar þaðan sem flogið er með Icelandair kl. 23:40 og lent í Keflavík kl. 01:55 eftir miðnætti.

Gististaður: Hotel Excelsior Bay ***+
Hotel Excelsior Bay er mjög gott þriggja stjörnu hótel sem stendur á fallegum og rólegum stað við strönd Gardavatnsins,  í stuttu göngufæri frá hinum rómaða miðbæ Malcesine. Á hótelinu eru m.a.: setustofa, veitingastaður og bar. Þar er einnig góður garður með sundlaug og góðri sólbaðsaðstöðu, auk líkamsræktaraðstöðu, gufubaði og nuddstofu. Öll herbergi  eru loftkæld, með síma, gervihnattarsjónvarpi, hárþurrku og öryggishólfi. (Sjá: http://www.hotelexcelsiorbay.com).

Netverð á mann / 8 nátta ferð
21. – 29. ágúst                                                                                                                                                                
kr.   219.900  á mann í tvíbýli.                                                       
kr.   272.600  á mann í  einbýli. 

Innifalið: Flug, skattar, gisting á 3*+ hóteli  með hálfu fæði ( morgunverður og kvöldverður). Akstur til og frá flugvelli og íslensk  fararstjórn miðað við lágmarksþátttöku 15 manns.

Ekki innifalið: Bátsferðir, valfrjálsar kynnisferðir, aðgangseyrir að söfnum, kláfum  og annað sem ekki er tilgreint að ofan.

Verð er miðað lágmarksþátttöku 15 manns.       
Hámarksfjöldi er 20 manns.

Athugið:
Ofangreind dagskrá er birt með fyrirvara. Heimsferðir áskilja sér rétt til að breyta dagskrá ef á þarf að halda með tilliti til veðurs og annarra aðstæðna, að sjálfsögðu með heill farþega í fyrirrúmi.